Congreso

Arranca a década coa inminente investidura de Pedro Sánchez. A falta dunha maioría absoluta favorábel ao líder do PSOE, previsibelmente será a segunda votación, en 7 de xaneiro, a que permita a Sánchez recuncar na presidencia e inaugurar o primeiro Goberno de coalición do Estado desde a II República española. 

O Bloque Nacionalista Galego rexistrará nos próximos días unha Proposión Non de Lei no Congreso dos Deputados para exixir ao Goberno central que a Galiza sexa incluída na estratexia de transición xusta nas mesmas condicións e cos mesmos dereitos que Aragón, Asturias e Castela e León.

O Grupo Parlamentario Plural quedou esta sexta feira rexistrado no Congreso dos Deputados co Bloque Nacionalista Galego (BNG), Junts per Catalunya (JxCat), Más País-Equo, Coalición Canaria, Nueva Canarias, Compromís, Partido Regionalista de Cantabria (PRC) e Teruel Existe como integrantes.

Un total de 15 deputadas e deputados do BNG, Junts, Más País, Compromís, PRC, Teruel Existe e CC-Nueva Canarias forman o Grupo Plural no Congreso baixo criterios de operatividade e non de afinidade ideolóxica.

O deputado do BNG no Congreso, Néstor Rego, denuncia que a aprobación o pasado mes do coñecido como Decretazo Dixital establece un marco de conculcación de dereitos e liberdades incompatible cun sistema verdadeiramente democrático.

O deputado do BNG Néstor Rego explica as vantaxes de compartir grupo parlamentario no Congreso con outras tres formacións: JxCat, Más País e Compromís. Sinala que o BNG gozará de máis tempo de intervención e maiores posibilidades de presentar iniciativas ou proposicións e mesmo de participar en comisión. Máis non descarta que poidan volver integrarse no Mixto se ese grupo ofrecera a oportunidade de desenvolver a mesma acción parlamentaria.

Pedro Sánchez aceptou o encargo de apresentarse á sesión de investidura para lograr a presidencia do Estado. Así llo confirmou ao rei Filipe VI após este concluír as consultas coas forzas políticas con representación no Congreso que responderon afirmativamente á súa chamada. 
 

O deputado no Congreso Néstor Rego, xunto a Goretti Sanmartín e Rubén Cela, membros da Executiva Nacional do Bloque Nacionalista Galego, reuníronse en Madrid esta cuarta feira co Grupo Socialista para negociar un posíbel acordo para apoiar a investidura de Pedro Sánchez ao redor de aspectos claves da "axenda galega". As negociacións seguen abertas "á espera dun acordo"

O deputado do BNG no Congreso, Néstor Rego, non participará da rolda de consultas de Felipe VI sobre a investidura do presidente do Goberno español. A “profunda convicción republicana e soberanista” e o papel da monarquía son os motivos.

O deputado nacionalista Néstor Rego rexistra no Congreso unha serie de preguntas ao Goberno sobre o protocolo seguido no accidente do Blue Star e avanza que o BNG presentará unha proposición de lei para a transferencia das competencias de Salvamento Marítimo a Galiza.

As formacións asinantes da ‘Declaración da Llotja de Mar’ emprazan a maioría de goberno que “queren articular PSOE e UP” a “asumir a súa responsabilidade” en camiñar cara a un “verdadeiro estado democrático” de xustiza e liberdade que recoñeza o dereito de autodeterminación.

As forzas soberanistas da Galiza, Euskal Herria e Catalunya confirmaron que non participarán nos actos de homenaxe á Constitución española. 
 

O deputado do BNG, Néstor Rego presentou no rexistro do Congreso dos Deputados unha pregunta dirixida ao Goberno a respecto da nova poxa de interrompibilidade, publicada no BOE do 3 de decembro de 2019, e que segundo di, empeora as condicións para a industria electrointensiva.

A formación de Santiago Abascal apresentou un recurso para que se revogue a acta de deputado a Néstor Rego e das representantes das formacións soberanistas de Catalunya e Euskadi, baixo a acusación de teren cometido fraude de lei por acatar a Constitución baixo fórmulas que aluden á defensa dos dereitos dos seus pobos e da liberdade.

Ignacio Gil Lázaro, ex deputado do PP e actualmente na formación de extrema dereita, sentarase no órgano rector da Cámara.

O Bloque Nacionalista Galego comprometeuse a traballar polo «desbloqueo da axenda galega» no Congreso das e dos Deputados, institución na que o seu escano «marcará un antes e un despois» despois de «anos de ninguneo constante a Galiza», segundo Ana Pontón, quen asistiu na terza feira, canda o deputado Néstor Rego, á sesión de constitución da Cámara baixa. 

A socialista, Meritxell Batet, elexida presidenta do órgano en segunda votación

Na véspera da constitución da Cámara Baixa, representantes nas Cortes Xerais das formacións soberanistas da Galiza, Euskal Herria e Catalunya xuntáronse para visualizar o seu compromiso de traballar de maneira conxunta na defensa do dereito de autodeterminación.

O líder dos socialistas galegos considera que hai «unha nova maioría social de progreso», mentres que o deputado nacionalista no Congreso di que a posición do BNG dependerá de «como se atenda a axenda galega» e do programa en temas como política social.

Após o anuncio do peche da planta de Endesa nas Pontes, formouse un comité de crise que integra todos os axentes locais afectados. Nesta sexta feira, 29 de novembro, o deputado do BNG Néstor Rego reuniuse co comité e afirmou que esta problemática forma parte das reivindicacións do BNG nas negociacións con Pedro Sánchez.