cultura

Un Plan estratéxico para a Cultura Galega (2013-2023) máis unha Lei do mecenado e patrocinio son algunhas das actuacións que a Fundación Premios da Crítica de Galiza reclama no “Chamamento a partidos e organización políticas con motivo do 21O” que veñen de facer público.

Durante sete edicións Biblos premiou sete proxectos literarios que deron despois en novela tutorizada por unha persoa coñecida da escrita galega. Agora sete relatos destas apostas literarias reúnense nun volume que pecha a súa colección Mandaio.

Achégase ao número trinta como revista oral convertida nunha das iniciativas culturais de referencia en Lugo e nunha das propostas máis orixinais vinculadas a un centro de arte galego. O Pazo das Musas do Museo de Lugo, coordinada por Antonio Reigosa, celebra a edición da trintena esta quinta 27 de setembro achegándose ao barroco coa estrea da orquestra Il Combattimento de Lugo.

 

Será na Coruña o día 16 de outubro. Esta é a data anunciada para o primeiro acto de lectura de “As voces baixas” o novo e agardado título de Manuel Rivas. A data coincide coa prevista para a gran concentración de Nunca Máis e o inicio do xuízo polo atentado do Prestige.

Os sábados son días de feira en Vila Nova da Cerveira. Popular e festiva, unha das vilas de máis actividade cultural do norte de Portugal, acollerá este 22 de setembro a presentación de seis libros da colección Diversos da Editorial Positivas. A nova poesía galega estreita pontes con Portugal no singular espazo Porta XIII.

O escritor Agustín Fernández Paz ven de ser recoñecido coa XI edición do Premio “Facer País- Ramón Piñeiro” que cada ano escolle unha persoa ou entidade que desenvolveran un labor relevante para o país.

Parar o tempo en imaxes, captar un instante para a evocación a través da fotografía. Carmen Carreiro e Emilio Villar achegan a súa forma de captar o tempo a través da cámara. Até o día 24 de setembro a sala de exposicións do palacio de Turismo Rías Baixas en Pontevedra mostra dúas maneiras artísticas para parar o tempo, recoller a memoria en imaxes e traer o pasado ao presente cunha emocionada melancolía.

Bandas galegas mesturarán os seus sons cos de estrelas mundiais no Outono Rock Festival.  Los Eternos, Dr Gringo e The Allnight Workers sumánse a un cartaz encabezado pola mítica diva do soul, LaLa Brooks, e o “titán da Telecaster”, Bill Kirchen, na segunda edición no festival que comeza o próximo 29 de setembro en Compostela.

A Coruña lembra o xoves día 13 de setembro o poeta Manuel María. A Fundación que leva o seu nome organiza o acto baixo o título Lúas de Outono 2012 e nel presentará 'Os lonxes do Solpor', un libro de poemas inéditos , e o disco 'Andando a Terra', en que Uxía canta ao poeta chairego

A Axencia Galega de Industrias Culturais (AGADIC), dependente da Xunta de Galiza, convocou dúas prazas de 40.000 euros brutos ao ano coa lexislatura rematada e por procedemento de urxencia

Adolfo Domínguez Otero, Fito, faleceu este domingo. A música galega e o celtismo, dúas das súas paixóns, choran esta voz inconfundíbel

'Medre o Mar', a homenaxe nacional na Coruña a Bernardino Graña reuniu artistas, escritor@s, músic@s, cidadáns e cidadás ademais do amigo que non podía faltar: o mar

Milleiros de pontevedres@s e visitantes mergúllanse todo o día na XIII edición da Feira Franca, o broche de ouro perfeito para o verán galego

Como cada agosto, a capital do Ribeiro acolle a festa que tenta recrear tradicións da época medieval, representando as diferentes culturas, relixións, oficios e estamentos da sociedade feudal.

O Xardín Municipal de Carballo ofrece, ao longo de catro xornadas, alimento para o corpo e a mente: é a sexta edición de Praza dos Libros, coincidindo coa feira tradicional de produtos da terra. Concertos, teatro, conta contos, presentacións de libros ou actividades para pequen@s integran o programa.

Despois de coñeceren a intención, por parte do Concello de Ferrol, de reducir o espazo da súa sede e cambiarlle o nome, o histórico Ateneo segue a reclamar apoio social. Mañá, quinta 23, organiza un festival no Cantón de Molíns.

Será na Coruña, será o próximo día 1 de setembro e será no mar. O poeta Bernardino Graña recibirá unha homenaxe nacional no Atlántico, a súa beira e mesmo sobre as súas ondas. A AELG e arTeu preparan unha xornada mariñeira para o poeta que cantou a lenda da súa homenaxe: “Medre o mar!”.