cultura

“Ágora” e “Outrora” son os dous primeiros volumes da Obra Completa de Roberto Vidal Bolaño que en poucos días chegarán ás librarías. Edicións Positivas, que inician a publicación de todos os escritos do autor das Letras Galegas 2013, propón un sistema de subscrición para implicar no proxecto

Trátase da nova e doce oferta da Central Folque. Concerto e máis pastel do día na confeitaría La Esquina de Arzúa no ciclo “Músicas Doces”, que se desenvolverá desde o mes de novembro a xuño de 2013. De Xoán Curiel con pastel de cabelo de anxo a Carlos Quintiá con cesto de mazá, nun programa que se presenta docemente sonoro.

Como sabemos a literatura galega é inseparábel do seu contexto socio-político, ao que van ligadas as súas loitas pola visibilidade e unha boa parte da noción de conxunto que temos os seus escritores.

O grupo Divulgatia de docentes do Departamento de Física Aplicada da Universidade de Vigo convocou o certame de relatos científicos por quinto ano consecutivo. O prazo de recepción estará aberto até o 16 de novembro.

Nun momento de centralización regresiva, as literaturas catalá, vasca e galega pulan pola “normalización” das culturas das súas nacións e denuncian o esquecemento ao que son sometidas polos poderes centrais. Representantes das Asociacións de Escritores e Escritoras da Galiza, Cataluña e Euskadi chegaron a esta conclusión no Congreso da Federación Galeusca que tivo lugar o 26, 27 e 28 de outubro en Donosti. O próximo ano o encontro celebrarase na Galiza.

A “Asociación proCentenario de Nós 2020” organiza o 30 de outubro, por terceiro ano consecutivo, unha xornada reivindicativa desde o 2010 cando se institucionalizou por parte do concello e a Deputación de Ourense como "festa local de interese cívico-cultural".

A homenaxe 'Un home do Aquí' marcou este sábado dende Santiago o inicio do Ano Vidal Bolaño, o ano do teatro galego. Amig@s  e camaradas do dramaturgo reuníronse no Salón Teatro para reinvidicalo, en palabras de Luz Fandiño, como o “pioneiro do novo teatro”.

O que foi director da Axencia galega de industrias culturais desde xullo de 2009 até a actualidade, vén de anunciar que de novembro en adiante traballará ''en favor dos autores''. O Consello da Xunta aceptou o seu cesamento voluntario, a pesar de que o mundo da cultura pediu a súa demisión nas rúas após lles prohibiren desde a Xunta do PP a celebración nun teatro público do Día mundial desta disciplina

Co outono chega a poesía ao vivo. Poetas di(n) versos na Coruña e Picaversos en Compostela botan a andar nunha nova edición de encontro público coa poesía. Con formatos diferentes, os dous ciclos teñen, malia iso, varios elementos en común entre eles. Póñenlle voz á palabra poética, lévana á escena, conseguen a atención do público e teñan á fronte tres poetas, Yolanda Castaño na Coruña e Branca Novoneyra e Olalla Cociña en Compostela. A próxima cita, o martes 23 nos Picaversos.

Da Estrada era Virxinia, a compañeira de Castelao coa que casou hai agora cen anos. Na Estrada, A Asociación Cultural Vagalumes artellou aproveitar a data para conmemorar a relación do autor de Sempre en Galiza co Concello e dar a coñecer o que chaman “roteiro amoroso Castelao na Estrada”

O artista Cé Tomé inaugura dúas exposicións na Estrada. Están a moi poucos metros, en dúas salas diferentes e mostran as distintas materias na que se expresa o artista, un creador que dialoga coa arte plástica e a música. No MOME (Museo do Moble e a Madeira) estarán á vista as súas produccións en collage con base na madeira. Na Galería Dispara, as súas imaxes nas que a idea toma corpo a través do seu obxectivo.

A galega Chus Martínez ven de ser nomeada como conservadora xefa do Museo do Barrio de Harlem en Nova Iorque. Martínez, nacida en Ponteceso, chega ao centro neoiorquino despois de pasar polo Documenta de Kassel e o Macba, nas últimas paradas da súa traxectoria internacional.

 

"Teño noivados coa roda / da que nacín compañeiro. /
Imos sempre vencellados / ó ar guindando luceiros”
Romance do afiador namorado, Serafín Gómez Pato
A voz de Fito soou dentro do auditório Mar de Vigo, que encheu as suas mil quinhentas
localidades para a homenagem que se lle tributou o pasado sábado, como num Nautilus que percorresse as nossas rias.

O candidato do BNG visitou a sede da Real Academia Galega, onde acusou a Feijóo de poñer o inglés por diante da lingua propia de Galiza.

“Onde atoparmos o resplandor total/ capaz de iluminar, dunha vez/ e para sempre, a noite escura?”. Os lonxes do solpor pecha a obra poética de Manuel María. Trátase do que se considera o derredeiro título de poesía para o que el propio lle tiña encargado o prólogo a Miguel Anxo Fernán Vello. A Fundación que leva o seu nome publícao agora canda o CD Andando a Terra, Uxía Canta a Manuel María máis o DVD De amor e cantería, un documental que nos achega de forma poética a súa casa.

“A Cidade da Cultura é divertida até certo punto. Despois, resulta dramática”. Con estas palabras o clown Leo Bassi resumiu hoxe as sensacións que lle produce o complexo cultural do Monte Gaiás. A chanza, o humor e o bizarrismo zumegan de cada unha das pedras do descomunal espazo baleiro. Do despropóstio nace a parodia e o riso, mais o drama para Bassi xorde cos millóns gastados nun conxunto que definiu, reiteradamente, como “brodio produto da megalomanía”.

“Lira, reserva de vida na costa da morte” participa no Green Up Festival de Bruxelas en que os filmes se poden ver e votar a través da rede. A película pódese ver on-line en galego con subtítulos en francés ou ingles. A produtora Saga convida a ver o filme e votar no concurso internacional.