cultura

Será o próximo día 22 no Teatro Colon da Coruña. Berrogüetto comeza unha singular xira de seis concertos, a primeira en formato acústico na súa historia de 17 anos. Unha “Xira de andar por casa” moi propia para o ambiente familiar do Nadal.

Recoller a forza da palabra de Celso Emilio. Este é o obxectivo da Coordinadora Galega de Equipos de Normalización e Dinamización Lingüística (CGENDL) que preparan para o próximo marte día 12 do mes 12 do ano 2012 unha acción colectiva nos centros de ensino que consistirá en recitar “Deitado fronte ao mar”. O programa “RecitandoCelsoemiliO” convida tamén a mover as redes sociais na lembranza do poeta.

Menos dun ano despois de comezar a publicar na rede, o portal poesiagalega.org desenvolvido pola equipa Grupo Alea de Análise Poética (GAAP) que coordina o profesor Arturo Casas ven de anunciar a eliminación da súa axenda e da saída de novos números da “Revista de poesía”. A razón da crise está na eliminación da convocatoria da Xunta que contribuía ao seu financiamento.

A galega Enma Pedreira e a quebequesa Carole David son as protagonistas da nova sesión do ciclo Poetas Di(n)Versos dirixido por Yolanda Castaño que terá lugar o luns día 10 ás 20.30 horas no Auditorio do Centro Ágora da Coruña.

Com 104 anos vem de morrer na quarta-feira o arquiteto Oscar Niemeyer, já uma das grandes figuras da história do Brasil e autor, entre outras grandes obras, do desenho da cidade de Brasília. Niemeyer está reconhecido como um dos maiores nomes da história da arquitetura mundial.

O borrador da LOMCE espertou tal rexeitamento en Catalunya que até o Barça emitiu un comunicado defendendo a lingua propia como "parte da nosa identidade" namentres na Galiza entidades como a Real Academia e o Consello da Cultura gardan silencio. Noutra orde de cousas, as organizacións que gañaron o recurso contra o decreto do plurilingüismo xuntáronse co BNG para artellar ''unha ofensiva'' pola derrogación desta norma

Non hai felicidade que cen anos dure. Despois do balance positivo en vendas e público do Culturgal que se celebrou esta fin de semana en Pontevedra, as industrias culturais reciben a mala nova do 7,9% de descenso do gasto cultural entre 2010 e 2011, segundo destaca Observatorio Galego da Cultura o informe do Instituto Nacional de Estadística.

Sobre seguro, mais sorprendendo. O Museo interactivo de historia de Lugo ponse a andar cunha exposición de arte contemporánea cunha artista como comisaria. O resultado é unha exposición que aposta por construír un catálogo das “preferencias” dos últimos trinta anos.

Fallado recentemento o premio de novela curta no Grove, en Fornelos de Montes queda menos dun mes para rematar o prazo de presentación de orixinais no que será a primeira edición do premio de poesía Manuel Lueiro Rey. Os dous concellos irmándanse para conmemoraren o escritor con dous certames literarios que levan o seu nome.

O presidente da Academia Galega, Xosé Luís Méndez Ferrín tarda dous meses en facerlle fronte ao PP polo recorte dun 70% nos orzamentos do Estado e aproveita unha xuntanza coa vicevoceira de AGE, formación que el mesmo apoiou, para esixir á Xunta que compense a rebaixa que pon “en perigo” á institución que preside.

Se o Culturgal é o observatorio da cultura galega, despois dos tres días de feira en Pontevedra a radiografía daría un público interesado e dinámico, imaxinación para novas propostas, dificultades económicas en tempo de crise e unha especial tendencia ás iniciativas culturais para a xente miúda.

A gran casa da cultura galega abriulles as portas a un novo tipo de persoa, de público, de consumidor@ cultural. O Culturgal, no seu segundo día deste ano, encheuse de visitantes que, entre os setenta postos da feira, coñeceron de primeira man as últimas novidades da industria cultural.

Ser vegano ou ser carnívoro e ser poeta. Esa é a cuestión que os Poetas da Hostia levan ao espectáculo en Normal, a sala de intervención cultural da Universidade da Coruña na que intervirán o próximo día 4 de decembro ás 20.30 horas.

Como unha casa da cultura galega e unha casa en expansión define “Culturgal” o seu director Sergio Lago. A feira das industrias culturais chega a súa nova edición en Pontevedra nun momento no que o sector está a padecer a crise de maneira singular. Até o domingo día 2 o escaparate da cultura está aberto no recinto feiral pontevedrés.

Aínda quedan grupos e lugares sen confirmar mais, mesmo así, a Burla anuncia xa o programa do seu Desconcerto Expansivo que terá lugar o 1 de decembro con máis de trinta concertos e espectáculos por Galiza adiante. Rememoran a grande “expansión” cultural que se ergueu contra o atentado do Prestige hai agora dez anos.

O de Vite é un dos barrios máis populares de Compostela. Construído como barrio obreiro na expansión da cidade creou, en certa medida, carácter na veciñanza. Agora reciben unha Ultranoite que, alén de afondar na súa singularidade, presentará o programa Urbana Norte.

Gustavo Pernas co Álvaro Cunqueiro, Raul Dans co Barriga Verde e o Premi Born, Juan Tallón co Lueiro Rei, Alberto Ramos co Vicente Risco e Lorenzo Moroño, Elena Sherevera e Camiño Noia no Plácido Castro de Tradución compoñen o ronsel de nomes que gañaron a manchea de premios con denominación de autor deste outono. A todos eles, premiados por obra, compre engadir o de Basilio Losada premiado pola súa traxectoria co Otero Pedrayo. Mentres, dous finalistas agardan a decisión final do Blanco Amor que, nesta edición, organiza o concello de Fene.

Un baleiro no lugar en que tiña que estar o corazón fai ao vello xastre abandonar o pazo e atoparse coa dureza da realidade. O libro O corazon do xastre, publicado pola editorial de Pontevedra OQO vén de ser galardoado co Premio Vittoria Samarelli na súa edición italiana.

O 7 de xaneiro de 2013 Francisco Fernández del Riego cumpriría cen anso e desde a Fundación Penzol que el dirixiu fan un chamamento público para que institucións, colectivos, entidades e á cidadanía galega conmemore a data sinalada do que fora presidente da Real Academia Galega. Propoñen tamén proclamar o 2013 como Ano Fernández del Riego.