cultura

Cos circuitos culturais paralisados e AGADIC sen dirección, o sector das artes escénicas está a atravesar un momento agónico. O BNG, a través da deputada Ana Pontón, ven de apresentar varias iniciativas encamiñadas a que a Consellaría remate coa súa parálise.

Dezaoito grupos versionan temas da veterana banda de Cerceda en "Vai polos padriños". O propio grupo descubriu a sorpresa no programa "Planeta Furancho" da Radio Galega.

O programa do concerto de fin de ano da Banda Municipal de Vilagarcía incluía Strauss e “unha sorpresa”. A banda ía interpretar canda o Coro da Escola Municipal a obra “Os heroes do Orzán” mais traducida ao español para que, segundo afirmou o director, “se entendera mellor”. O debate será levado ao próximo pleno

En Memorias dunha republicana (Edicións Laiovento) Teresa Alvajar López deixa escrita a súa historia, unha biografía atravesada pola represión que agromou co golpe militar de 1936 do cal foron víctimas todos e cada un dos membros da súa familia.  A sua, ademais, é a biografía dunha loitadora, unha vida de exilios políticos e persoais, do drama e a supervivencia dunha muller que se viu na obriga de sufrir para defender a súa liberdade. A profesora Aurora Marco edita as memorias da filla pequena de Amparo López Jean e César Alvajar.

Dirixido ao alumnado de educación secundaria, ven de ser convocada novena edición do Concurso de Fotografía Xurxo Lobato. Un encontro para a mocidade que ten vontade de seguir os pasos de quenleva o nome do galardón.

Os sectores máis críticos coa xestión do PP sofren os sacrificios nos orzamentos da Consellería de Cultura, Educación e Ordenación Universitaria. Un 30,6% menos en actividades culturais que chegan a un 65,5% en audiovisual compoñen unhas contas que poden afogar o tecido cultural.

 

Cada ano, por volta destas datas, en Compostela persoas de distintos ámbitos da cultura “implícanse” nunha noite de literatura, danza, teatro e música que convoca Implicadas no desenvolvemento. Hoxe no Teatro Principal, Yolanda Castaño e Luís Tosar conducirán a cita solidaria anual da cultura galega.

Vender dúas mil entradas antecipadas para un espectáculo é un milagre só reservado a unhas poucas persoas. Carlos Blanco é unha delas. A punto de comezar as catro maratonianas sesións de “Carlos Blanco ao vivo (por agora)” en que vai gravar en directo os seus mellores monólogos o Teatro Colón está case a rebentar.

Cunha edición conmemorativa, o Consello da Cultura Galega súmase ao bicentenario da Constitución de Cádiz de 1812. O organismo estatutario de promoción da cultura galega e a lingua ven de presentar unha edición facsimilar conmemorativa en papel, á que se pode acceder en formato dixital, con estudos de Roberto Blanco Valdés e Ramón Maiz.

Uma exposição dedicada a Clarice Lispector e outra a Millôr Fernandes além de circo, teatro ou dança compõem o Ano do Brasil em Portugal, que decorrerá até o encerramento o 10 de Junho de 2013. Ao tempo, além-mar transcorre o Ano de Portugal em Brasil.

Os ensaios xa comezaron no Pazo da Cultura de Pontevedra. Baixo a dirección artística de Uxía e musical de Paulo Borges, Rui Veloso, Chico César, Sés e Cheny Wa Gune preparan, cunha banda internacional, a grande festa da lusofonía que este ano chega ao seu décimo aniversario. Cantos na Maré comezarán a soar o sábado ás 21 horas.

A película O Apóstolo optará a mellor filme de animación nos Premios Goya que cada ano outorga a Academia de las Artes y las Ciencias Cinematográficas de España. O día 17 de febreiro saberase se o filme dirixido por Fernando Cortizo e producido por Artefacto resulta vencedora entre as catro finalistas.

Son peliculas sen apenas orzamento, con directores novos e apostas creativas. Teñen fechado o circuito de distribución comercial mais ábrense camiño por elas mesmas máis alá das nosas fronteiras, presentándose a festivais e gañando premios para o novo cinema galego. Vikingland de Xurxo Chirro, Arraianos de Eloy Enciso e Anacos, de Xacio Baño, son tres das que alcanzaron maior proxección internacional.

Xornalista e escritor, Pemón Bouzas vén de publicar “A estrela de Oriente” (Xerais), un libro en que re-visita o mito dos Reis Magos. O escritor reconstrúe a viaxe dos tres personaxes en que interpreta como un diálogo e encontro entre culturas. Lembra a maqueta dun tren eléctrico que atopou nos seus zapatos nunha mañá do 6 de xaneiro e desexa que a ilusión de momentos como ese dure toda a vida.

En poucas ocasións un libro nace con tan boa fortuna como acontece con As voces baixas (Xerais). A “obriga” de Manuel Rivas de levar á literatura a súa historia familiar está a ser recibida con entusiasmo por parte da crítica e tamén pola maré de lectoras e lectores que se deixan levar polas personaxes do libro. A súa capacidade de literaturizar a realidade xunto coa reivindicación das “voces baixas” que tamén fixo desde o xornalismo, danse agora a man nesta aposta persoal do autor en que afonda nunha das chaves da súa escrita, a procura das emocións. Rivas escribe As voces baixas como cando neno facía un recado por encargo do pai ou da nai e lévanos canda el na singular viaxe cara aos sentimentos e a memoria persoal de cada quen

Os xogadores da selección de Curdistán recoñécense "emocionados" polo partido de fútbol que este sábado disputarán contra Galiza. Falan de deporte, mais tamén de política, de emigración, de cultura.. E recoñecen que o fútbol é un campo máis para reivindicar a existencia do seu país. Ou sexa, o mesmo que @s galeg@s reclamarán en Pontevedra o sábado.

A Banda Sinfónica da Federación Galega de Bandas de Música Populares estrea as obras gañadoras do certame de composición nun concerto que terá lugar no Auditorio de Galicia de Compostela o sábado 29 ás 21.00 horas. Estrearán Arieñium, de José Ignacio Blesa Llull, Camiños da Luz, de Santiago Fontes e Insomnio de Juan Manuel Eiras, as obras gañadoras no Certame que cada ano organiza a FGBMP.

O documental As Silenciadas, de Pablo Ces, coa investigadora Aurora Marco como coguionista, participa no Festival Internacional de Cine Documental online Humanity Explores (Indica/USA/ Indonesia/ New Zealand). Compite en diversas categorías e pódese apoiar por internet tanto vendo o documental como votando.

O 28 de decembro cúmprense dez anos da morte de Man, o alemán de Camelle. O seu berro silencioso, a imaxe de dor do artista que vivía na Costa da Morte á beira do mar converteuse en icona do drama polo desastre do Prestige. A unha década da súa morte, os restos de Man regresan ao seu museo, un espazo destruído no que continúa a súa memoria.

A revista oral do Museo Provincial de Lugo, “O pazo das musas” pecha o día 27 o ano co número 31 dedicado a Leiras Pulpeiro e Celso Emilio Ferreiro, no fin dun 2012 no que se conmemorou o centenario da morte do primeiro e do nacemento do segundo.