cultura

Será na Coruña o próximo día 1 de setembro e será no mar. O poeta Bernardino Graña recibirá unha homenaxe nacional no Atlántico, á beira e mesmo sobre as súas ondas. A AELG e arTeu preparan unha xornada mariñeira para o poeta que cantou a lenda da súa homenaxe: “Medre o mar!”.

 

A oitava edición do Spanish Film Festival de Londres, que terá lugar entre o 28 de setembro e o 10 de outubro, acolle un ciclo especial sobre Luís Tosar e varias producións galegas.

A concelleira da Coruña, Mª Xosé Bravo, vén de denunciar o desmantelamento da cultura que está a facer o goberno municipal. Preside a Comisión de Cultura do BNG e na anterior corporación foi concelleira de cultura cunha xestión que, segundo defende, é antagónica do que agora fai un Partido Popular que elimina o tecido cultural e só ve á cidadanía como espectadores pasivos. O que acontece co programa de festas é unha mostra do seu desprezo da cultura galega.

A desaparición do Festival de Manicómicos e da Mostra de Ciencia e Cinema son un chanzo máis, mais de grande altura, na desmantelación feita polo PP no goberno municipal da programación cultural da Coruña. Mentres deixan sen gastar 914.000 euros do orzamento cultural aproban un modificativo de 500.000 para festas, denuncia o BNG.

O festival de banda deseñada enche a cidade da Coruña de actividade un ano máis, cun programa que abrangue presentacións de libros e proxectos, exposicións, encontros, un ciclo de cine e a presenza de convidados coma Frank Quitely ou Homs.

Aos galardóns, sen dotación económica, poden presentarse entidades e persoas individuais. Os ámbitos da convocatoria abranguen as letras, as artes plásticas, as artes escénicas, as iniciativas a prol do patrimonio cultural, a promoción cultural de Galiza, a música e a creación audiovisual.

Helena Domínguez traballou e colaborou en varios medios de comunicación galegos (Vieiros, A Nosa Terra, Radio Galega) e tamén en gabinetes de prensa privados en Barcelona. Dirixe desde outubro de 2005 a publicación 'A Micro Pechado', voceiro da asociación de Espazos Radiofónicos Galegos en Catalunya, ERGAC é algo máis que unha publicación asociativa.

A institución presentou un informe do Observatorio da Cultura Galega no cal se asegura que a medida adoptada polo PP pon en perigo todo o sector.

A pía bautismal de Torbeo tardou máis dun mes en se incorporar á exposición Gallaecia Pétrea. Despois de ser solicitada á diocese de Lugo da que depende, a peza quedou almacenada no Gaiás até o pasado día 19 que finalmente foi instalada. A penitencia da pía de Torbeo non foi a única do conxunto patrimonial exposto na Cidade da Cultura.

A lus do candil chámase o novo proxecto literario do poeta Modesto Fraga. O título é ben coñecido e non da súa autoría. O poeta fisterrán tirou do libro de Ánxel Fole para lle dar nome a libraría que abriu canda a súa compañeira Alba en Arteixo.

Preside Escena Galega, o colectivo de compañías teatrais que forma parte da Plataforma Galega das Artes Escénicas. No peor ano para o teatro galego, Salvador del Río afirma que moitas compañías galegas deixaron de botar a andar novas producións e tentan sobrevivir con obras montadas en tempadas anteriores. Algunhas delas corren risco de desaparición. A suba do IVE é unha martelada máis na crítica situación do sector.

A cada pouco, Mariola López fotografaba a ría do seu Ribadeo natal no que se instalara por tres meses ao nacer a súa filla. Despois de vinte anos vivindo en Ámsterdam regrea as súas orixes e publica con esas imaxes “Ribadeo ao Norte”, un libro que s epresenta o día 22 na Fábrica das Algas de Vilavella, un espazo recuperado para a cultura.

A novela Hora Zulú de Santiago Lopo resultou gañadora da XXIV edición do Premio Manuel García Barros que concede o Concello da Estrada.

 

 

 

A Casa da Matanza, en Padrón, acolle este domingo a partir das oito do serán a conmemoración dos 127 anos do pasamento da poeta silenciada. Música, versos e discursos ao redor da súa figura farán parte do acto organizado pola fundación que leva o seu nome. Falamos con quen a preside, Anxo Angueira

O Goberno español debulla a letra pequena do maior paquete de recortes da historia. Musicais, concertos, cine ou teatro pasarán do tipo reducido ao tipo xeral, ao igual que perruquería, estética, servizos funerarios ou a compra de lentes e lentes de contacto. O tecido empresarial galego advirte de que a suba deste imposto suporá a destrución de empregos e o peche de negocios. Gran Bretaña mantén este imposto no 0% e o salario mínimo triplica o español. En Francia rolda o 19,5% e o soldo mínimo está en 1.300€

A cidadanía de Pontevedra mobílizase contra a supresión do Patronato do Museo que acordou a Deputación. O acto terá lugar o xoves 12 de xullo no Pazo de Mugártegui ás 20,30 horas.

Toño Casais chega á presidencia da Asociación de Actores e Actrices de Galiza nun momento crítico para o sector. Abafado pola falta de programación e por un desemprego estimado nun 80%, o novo presidente defende a necesidade dunha fronte común das artes escénicas para defender o seu futuro. No positivo, festexar o Ano do Teatro a través da figura de Roberto Vidal Bolaño.

Clases maxistrais, mesas redondas, concertos do alumnado e do profesorado ademais de convívio arredor da música é o que ofrece o IV Campus Musical organizado pola Federación Galega de Bandas de Música que ten lugar en Compostela do 9 ao 13 de xullo.

Un ano máis, a Fundaçom Artábria desenvolve o 21 de xullo a cita na que música, convivio, cultura e reivindicación van da man. Nesta edición, o lema escollido é "A nossa é a galega" e o lugar de celebración, Narón

O ciclo Grandes miradas dende as fragas do Eume chega ao seu ecuador no mosteiro de Caaveiro cunha clase maxistral de Vari Caramés