Eleccions2012
Núñez Feijóo perdeu o primeiro dos tres debates que se celebrarán cara ao 21-O a pesar das dificultades do candidato socialista, Pachi Vázquez, por formular propostas e alternativas concretas. O candidato popular mostrouse moi nervioso e mesmo incómodo fronte a un Pachi Vázquez firme e incisivo, que logrou acurrunchalo en varias ocasións. Desemprego, Pemex, caixas galegas, rescate, servizos públicos, autogoberno e idioma foron os eixos do primeiro dos tres cara a cara onde se medirán os candidatos do PP, BNG e PSOE. Esta terceira feira haberá debate, desta volta entre Pachi Vázquez e o candidato do BNG, Francisco Jorquera.