Unha lei queimada, incinerada nada máis nacer. Así ve a Plataforma Galega en Defensa do Ensino Público a LOMCE e por iso, hoxe prenderon diante da sede da Xunta en Compostela o texto e rexistraron as cinzas cun par de coroas. Dirixen o envío ao Conselleiro Xesús Vázquez, “verdadeiro vasalo” de Wert.
O anuncio que a pasada semana fixo o Conselleiro de Educación, Jesús Vázquez concretouse na Mesa Sectorial en 93 novas prazas para secundaria máis 24 de promoción interna, só en 5 materiais. A CIG-Ensino cualificou a oferta de “raquítica e insignificante”.
A Consellaría de Educación cesou a Alfonso Malvido como director do instituto da Illa de Arousa, acusado de ter comezado o curso un día tarde por non contar cos docentes suficientes. Para apoiar a Malvido a comunidade educativa concentrouse como cada terza feira diante do centro e promete continuar coas mobilizacións até que a administración revoque a súa decisión.
A Inspección de Traballo da Coruña multou á Consellaría de Educación con 200.000 euros por contratar persoal do CELGA por conta allea e sen alta na Seguridade Social.
Un nutrido número de persoas, estudantes na súa maioría, recibiron Jesús Vázquez ás portas do CEIP Raquel Camacho, na Coruña, para lle deixar claro o seu rexeitamento aos orzamentos de 2014 que avanzan no desmantelamento do ensino público.
As tres organizacións estudantís da esquerda nacionalista --Comités, Liga e Agir-- convocaron unha xornada de paro nas aulas para rexeitar "os ataques" do PP.
O PP pretende aprobar uns orzamentos para o ano 2014 que afondan no desmantelamento do ensino público e dificultan o acceso universal á educación gratuíta. Estes orzamentos acrecentan, aínda máis, as múltiples carencias que padece o sistema educativo público galego e atrancan, por non dicir imposibilitan, a igualdade de oportunidades.
Son, en total, 244,7 millóns os que o departamento de Jesús Vázquez entrega a colexios concertados, tamén a aqueles que segregan o alumnado en función do sexo e vinculados ao Opus Dei. Os recortes a respeito das contas do exercicio anterior afectan todas as partidas, tamén á prevención do fracaso escolar. Os dados valorounos en conferencia de imprensa Anxo Louzao, secretario xeral da CIG-Ensino.
Após ficar de baixa unha semana ao se someter a unha cirurxía menor, a consellaría de Educación recortou en 168 euros a retribución da mestra. Unha sentenza obriga o departamento a recuar.
Baixo o lema Rexeitemos a LOMCE o 28 de novembro, denunciaron o visto e prace do Congreso a esta norma perante a consellaría de Educación e animaron os centros do ensino do País a enviar ao seu titular, Jesús Vázquez, un correo-e comunicándolle o rexeitamento a esta norma, "unha agresión ao dereito á educación".
Para aprobar a materia que imparte Domingo Neira é obrigatorio superar o exame dun libro escrito por el propio en que sitúa ao mesmo nível "travestismo" e violacións de mulleres e en que relaciona corrupción de menores e "vodas gai" ou zoofilia e homosexualidade.
A Mesa Galega de Educación no Rural, integrada por CIG Ensino, CCOO Ensino, STEG, FETE-UGT, CSI-F, AS-PG, Nova Escola Galega e Asociación socio-educativa Antonio Gandoy critica o abandono do goberno galego e reclama a elaboración dun plan específico de educación para o rural.
O alumnado de primeiro curso do grao en Maxisterio transladan ao reitor unha queixa denunciando os comentarios homófobos de Domingo Neira, titular da materia 'Didáctica e profesión docente'.
Unha das mellores lembranzas da miña infancia sitúase nunha vella cociña de leña en noites de inverno. Lembro que naqueles días de xeada nos que case non se podía saír da casa, enchíanme de ledicia as visitas que nos facían os veciños. A veces, incluso, gustábame facerlle caso a miña nai e “ non molestar, só escoitar”.
![Comedor escolar [Imaxe: SG]](/asset/zoomcrop,480,270,center,center/media/nosdiario/images/2013/06/17/2013061716142317812.jpg)
Nunha xornada que se prolongará durante todo o sábado, as ANPAS de toda Galiza analizarán este sábado día 9 en Lugo a situación do ensino público. Os recortes están a facer que os colectivos de nais e pais teñan que asumir, de maneira voluntaria, cada vez un maior número de servizos que terían que ofrecer a administración. Son as outras vítimas dos recortes educativos.
Após unha primeira xuntanza realizada nas últimas semanas entre as ANPAS lucenses en que se acordou reclamar á Xunta a retirada do decreto dos comedores, o sábado 9 de novembro son as ANPAS de toda Galiza as que están chamadas a un encontro na cidade amurallada para analizar a situación do ensino público.
Noelia Maceda é a voceira da Coordenadora de ANPAS no rural. Mestra de profesión, dá aulas en Ribas de Sil. Aliás, como nai, denuncia a situación no colexio do Incio, onde estuda a súa crianza: "o ano curso pasado, na aula de 3º, 4º, 5 e 6º e unha alumna con necesidades específicas, a docente traballaba con cinco libros á vez".
Desde o 30 de setembro funciona en Narón un centro de ensino pertencente á rede AvoaEscola. Aliás, nesta fin de semana realizouse en Trasancos o primeiro punto de encontro entre familias interesadas na apertura dun centro da rede A Semente. As dúas son iniciativas sociais onde a lingua vehicular é a nosa propia.
No acto de encerramento do VI Congreso rexeitou "a falsa dicotomía" de que no momento actual a cuestión social deba "priorizar" sobre a nacional porque, dixo, "é o discurso propio do españolismo". A Executiva foi ratificada con 174 votos a favor e 3 en branco.
Desde Galiza Nova instan as mocidades do Partido Popular a escoitar "a mensaxe que lanzaron máis de 65.000 persoas nas rúas" do país e cesar "nas súas acusacións".
