O primeiro libro sobre os nomes e os enderezos dos criminais fascistas do 36, Os nomes do terror -de autoría colectiva e editado por Sermos Galiza- é finalista na Gala do Libro Galego na nova categoría de divulgación. O redactor de Sermos Galiza Daniel Salgado opta ao premio de xornalismo cultural. Os gañadores se darán a coñecer o 19 de maio.
Os datos acabados de publicar polo Instituto Nacional de Estatística (INE) ofrecen unha nova foto da redución do sector do libro en galego. En 2016 editáronse en Galiza 751, unha baixada do 5,7% respecto do 2015.
A Asociación Galega de Editores (AGE) quere que a Xunta volva estar presente nas feiras internacionais do libro. Así o expresaron nun comunicado emitido despois de se reunir co secretario xeral de Cultura Anxo Lorenzo a petición deste último.
A Consellaría de Cultura vén de remitir unha carta á Asociación Galega de Editores (AGE) en que lles comunica a súa decisión de se borrar de catro das cinco feiras internacionais do libro en que viña participando. Para o departamento que encabeza Román Rodríguez, só ten “interese para o país” a feira de Bos Aires.
Contan que en Islandia a xente pasa o Nadal asolagando aos seus seres queridos de libros. Unha tradición que seguramente apareza nos soños da maior parte das persoas relacionadas coa edición e a literatura galega pero que aínda precisará dalgún esforzo titánico para ser sequera levemente implantada no noso país. Ao mesmo tempo, porén, o recurso ao agasallo de libros nestas datas é relativamente frecuente, especialmente para a xente nova.
A balea é un animal mitolóxico. Mais materia e mito son, por veces, dificilmente distinguíbeis. E as baleas existen. O poeta Eduardo Estévez (Buenos Aires, 1969) viunas na Patagonia, navegou entre elas, sentiunas falar. Agora atravesan o seu último libro, de baleas (Caldeirón), no que regresa ás orixes do seu labor como lector e escritor de poesía. “A certa tradición cultural arxentina que tiña esquecida”, engade.
Ao seu pesar, Eva, Mariluz, Tina, Ana, Irene, Marga e Begoña son as protagonistas de Invisibles, un libro impulsado polo Concello de Pontevedra e escrito pola xornalista Montse Fajardo que recolle os relatos destas mulleres maltratadas a mans das súas parellas. Unha obra necesaria que pon o foco sobre os agresores. Entrevistamos a súa autora no Sermos275. Eis un avanzo da conversa.
![[Imaxe: B.B.] Lectura, ler, literatura, libro](/asset/zoomcrop,480,270,center,center/media/nosdiario/images/2017/11/01/2017110118362893131.jpg)
Eis un popurrí de lecturas recomendadas por diferentes persoas que se manteñen vinculadas ao mundo da Literatura Infantil e Xuvenil. Conversamos con María Couceiro, libreira na Libraría Couceiro en Compostela; Verónica Pousada, investigadora en Literatura Infantil e Xuvenil galega; e Laura Amigo, especialista en Psicoloxía Infantil. Deixamos un extracto da información publicada no Sermos Galiza 270.
Está a piques de saír do prelo Os nomes do terror. Galiza 1936: os verdugos que nunca existiron, o primeiro achegamento sistemático ao estudo dos represores na Galiza que racha con este tabú nos traballos da memoria histórica e pon en negro sobre branco os nomes, as causas e as metodoloxías usadas polo terror.
O Ministerio de Educación e Cultura vén de publicar o seu informe anual "El sector del libro en España" que novamente vén de poñer en manifesto a falta de gromos verdes neste eido en Galiza, rexistrando un descenso do 3,1% en 2015 con respecto ao ano anterior. Pola contra, catalán e vasco amosan relevantes incrementos.
Alén do centenario do pasamento do poeta bergantiñán, este 2017 lémbranos tamén que hai 110 anos que se interpretaba por primeira vez de forma oficial o himno de Galiza na Habana. Foi un 20 de decembro de 1907 no Centro Galego por iniciativa de Xosé Fontenla Leal. Porén, a letra orixinal do poeta non é a que chegou aos nosos días e se oficializou en 1984. E agora, por mor destas efemérides, regresan os intentos de restaurala. Eis un extracto da reportaxe que sobre este asunto publicamos no Sermos 248.
Un mes despois da tradicional feira do libro, abre na Praza da Quintana a Semana do Libro de Compostela, unha aposta xurdida desde o propio sector na procura de novos vieiros para a promoción do libro.
A segunda edición da Gala do Libro Galego foi máis equilibrada nos premios e confirmou que a concentración parcelaria nos premios do sector do libro era máis que necesaria.
Xa o adiantamos hai dous meses e agora vimos de saber máis detalles. A praza da Quintana acollerá, do 2 ao 11 de xuño, a primeira Semana do Libro de Compostela, SELIC, impulsada polo Concello de Santiago en colaboración co propio sector na cidade.
Os datos do ISBN trouxeron un ano máis malas novas para a edición en galego, unha nova redución da edición en galego en 2016, cun 13,1% menos de libros editados que no ano anterior, facendo un total de 1.211 títulos. Buscamos a razón desta mingua co presidente da Asociación de Editoras e director de Kalandraka, Xosé Ballesteros.
O crítico Ramón Nicolás vén de pechar o Taboleiro do Libro Galego no que daba conta das obras máis vendidas do sistema literario galego. Así que aproveitamos para falar con el e botarlle un ollo ao estado da cuestión.
A Deputación da Coruña abrirá os seus almacéns de libros para repartir case 5.000 libros en 30 concellos da provincia
O Concello de Pontevedra é a única cidade galega que non acollerá a tradicional feira do libro neste 2017. Está a preparar un evento de seu. E o mesmo acontece en Compostela. E na Coruña...
![[Imaxe: Bibliotecas Municipais da Coruña]](/asset/zoomcrop,480,270,center,center/media/nosdiario/images/2016/10/27/2016102713333227679.jpg)
A través das asociacións que as e os representan, entre elas a Asociación de Escritoras e Escritores en Lingua Galega (AELG), escritoras e tradutoras solicitan unha mudanza na lexislación que regula o empréstito público dos seus libros.
No período que abrangue desde os anos 2008 ao 2015, o número de libros publicados en galego sufriu unha queda do 43,80 por cento. Perdéronse máis de mil títulos en só sete anos. Son dados do informe O libro e a edición na Galiza, que difundiu esta cuarta feira o Observatorio da Cultura Galega do CCG.
