O empréstimo universal xunta “a gratuidade do ensino, o aforro económico institucional e a transmisión de e valores formativos de reutilización e solidaridade”, din desde as ANPAS fronte ás propostas da Consellaría de creación de banco de libros ou de axudas a quen máis o precisa.
Os blogs dos Críticos Ramón Nicolás e Armando Requeixo ofrecen cada mes as súas listaxes de libros. Nicolás en “Caderno da Crítica” consulta a venda en librarías mentres Requeixo en “Criticalia” ofrece a opinión de cinco especialistas que fan crítica. Entre unha e outra danse moi poucos puntos de conexión.
Miguelanxo Prado con O dragón que cambiaba de conto cada vez que esbirraba e Fausto Isorna con Animal Fun!, regresan á ilustración infantil con estes dous novos títulos de El Patito Editorial, un lanzamento de cara ao Día Internacional do Libro Infantil.
Mellor autora do ano e mellor libro de ficción. A escritora Berta Dávila converteuse na grande triunfadora na entrega da IX edición dos Premios Ánxel Casal que a Asociación Galega de Editores celebrou a noite da sexta feira en Betanzos. Xesús Rábade e Pilar García Negro recibiron os premios en poesía e non ficción.
O gasto medio por fogar en cultura baixou en Galiza de 778,9 a 646 euros dos anos 2011 a 2012. O sector do libro é o que máis padece no aforro familiar, segundo os datos do informe feito público polo Observatorio do Consello da Cultura Galega, sobre a enquisa do Instituto Nacional de Estatística.
Iniciarán unha campaña para promover esta medida que, din, visa tamén promover "os valores da reciclaxe, do coidado e do traballo en equipa" entre a mocidade. "Non queremos cheques, nen subvencións", sinalan.
“Que no me toque mucho las narices, que empiezo a decir Rianjo”. Foi a ameaza da escritora Marta Rivera de la Cruz despois de que na rede social twitter un internauta a convidara a utilizar o topónimo oficial da cidade da Coruña, onde hoxe presenta o seu novo libro. “A mi es que me gusta La Coruña”, comezara a escritora.
O IBBY apuntou con tiro certeiro. Dúas obras editadas en Galiza que contan xa con distintos premios incorpóranse as súa listaxe de honra. Son Palabras de auga, de Marcos Calveiro (Xerais) e a edición de Kalandraka con tradución de Carlos Acevedo dos Contos por teléfono de Rodari.
Despois de publicar no inicio de milenio, “Onde viven os monstros”, a editorial Kalandraka completará a triloxía coa tradución de “In the night kitchen” e “Outside over there”, obras que publicará nas cinco linguas peninsulares. Durante o ano, a editorial con sede en Pontevedra publicará unha decena de títulos do autor e ilustrador.
Son varios poemas en español e un galego para sumar ao escaso corpus de manuscritos de Rosalía. A Real Academia Galega presentou na súa sede varios documentos con poemas escritos a man da escritora, algúns inéditos, nun acto no que se deitaron novas interpretacións sobre o fin literario da autora que estaría nos seus últimos días a escribir o libro en español “Postrimerías”.
Para min Sobol é un libro equilibrado e fermoso, un canto de amor escrito dende a plenitude de quen aprendeu a vivir intensamente, prescindindo, absolutamente, das interferencias exteriores. Un libro cálido, xa dende o primeiro verso: No medio da mañá o tempo nos abraza.
O agasallo é duplo mais nun produto único. Libro máis cd. O formato imponse na oferta editorial para estas festas dedicada á cativada. Desde sons tradicionais até propostas innovadoras. Pablo Díaz, Xurxo Souto e Lalo Carnota, Uxía, Xiana e Xosé Lastra, Mamá Cabra, Luís Prego, Suevia Sobral ou Migallas teñen novidades para ler, escoitar, xogar e bailar.
Preséntase por todo o país, promove unha obra de teatro, desenvolverá unha ruta polos castros, conta con merchandaising e móvese con axilidade a través da rede. Vento e Chuvia sumou a súa condición de libro estendido ou trasmedia a de ser pioneiro en organizar unha presentación para a emigración.
O Calendario das Letras 2014 que a Consellaría de Cultura está a distribuír por centros e entidades elimina o Día de Rosalía. Nos últimos anos, o 24 de febreiro, data da conmemoración do nacemento da poeta, referenciábase como un dos días sinalados oficialmente.
A Asociación Galega de Editores mostra a súa oposición a uns orzamentos que supoñen unha anova rebaixa para o sector do libro, que acumula unha redución de apoio institucional dun 75% desde 2010. Menos 440.000 euros e deixan sen apoio á edición de materiais curriculares.
Vende libros como antes, falando coa persoa que pode ser cliente. Ten un fondo de máis de 60.000 libros “antigos, raros, curiosos e esgotados”, cun apartado especial para libros galegos. O coruñés Antonio Castillo xestiona Libros La Peña desde Benajarafe, na Axarquía de Málaga.
A votación pechábase ás 00 horas desta sexta feira, momento no que o resultado daba como iniciativa gañadora da primeira edición do Premio do Público Culturgal ao Salón do Libro Infantil e Xuvenil de Pontevedra. Impúxose na votación popular ao Festival de Cans, que quedou en segundo posto, e a PuntoGal, en terceiro lugar.
A afección de ir ao monte por eles aumenta ano a ano. Agroman por toda parte e cada vez están máis na moda. Procuramos un feixe de libros para coñecelos e cociñalos. Estamos no tempo dos cogomelos. Tres con receitas e dúas guías, unha biblioteca esencial para se achegar aos froitos do monte.
Cada ano, o Salón do Libro Infantil e Xuvenil de Pontevedra homenaxea a un autor ou autora da escrita para públicos novos. A próxima será a 15 edición e, con este motivo, queren celebrar a tod@s que foron homenaxead@s en anteriores edicións.
Iniciativas novidosas, con alcance, transversais e con implicación social. Son as características que a Asociación Culturgal valorou á hora de seleccionar os tres proxectos que serán sometidos á votación popular. Un deles será o gañador da primeira edición do Premio do Público Culturgal que se entregará na feira das industrias culturais o día 1 de decembro.
