Parques eólicos

Na sesión tamén se abordará os modelos de residencias e de instalacións de parques eólicos do Goberno galego.

O colectivo ecoloxista salienta que estes proxectos "afectan unha área proposta en 2008 e 2011 para ser incorporada á Rede Natura 2000".

Máis unha violación da lexislación por parte da Xunta da Galiza á hora de tramitar un proxecto eólico en áreas protexidas, denuncia a Federación Ecoloxista Galega.

A oposición denuncia que o Goberno galego é "reincidente" nas actuacións "irregulares" en materia de proxectos eólicos, e pídenlle á Xunta que cumpra o acordo parlamentario de ampliar a Rede Natura.

Máis de 5.000 persoas mobilizáronse o 11 de decembro nunha vintena de localidades galegas en contra da "invasión eólica" que axexa o país. De forma simultánea e descentralizada, máis de 170 entidades rexeitaron "a falaz e inútil moratoria anunciada polo Goberno de Alberto Núñez Feixoo" por non ter ningún efecto sobre os actuais proxectos en tramitación. A Asociación para a Defensa Ecolóxica da Galiza (Adega) difunde esta quinta feira un vídeo-resumo das mobilizacións.

Noa Presas é a portavoz do BNG en materia enerxética no Parlamento da Galiza. Deputada pola circunscrición de Ourense, levará á sesión plenaria de hoxe unha iniciativa sobre a política eólica defendida polo Goberno de Feixoo e sobre o sistema de portas xiratorias no sector enerxético galego.

Adega advirte que o parque eólico Nordés foi admitido a trámite após se decretar a moratoria e insta o Goberno de Pedro Sánchez a rexeitar este e outros proxectos en augas galegas até que o sector conte cun marco normativo propio.

Os espazos protexidos polo seu alto valor ambiental e patrimonial non escapan á presión dos proxectos eólicos. Un informe presentado onte polo colectivo Monfero di Non, baixo o título de 'Macroeólicos Galiza', pon o foco na incidencia dos aeroxeradores na Rede Natura, nas reservas da biosfera e nos BIC.

A plataforma veciñal Monfero di Non presenta o informe "Macroeólicos Galiza", que analiza o impacto dos parques xa construídos e máis os que se atopan en tramitación sobre o patrimonio cultural, ambiental, agropecuario, demográfico e turístico.

No debate que levou á aprobación unánime da proposta, subliñouse o “prexudicial que resultaría para o concello a implantación de explotacións eólicas polo grande valor ecolóxico e a fraxilidade ambiental da contorna", explica a Plataforma Stop Eólicos Negueira.

Arredor dun milleiro de persoas procedentes das comarcas de Pontevedra, Terra de Montes e O Morrazo concentráronse hoxe diante da Delegación da Xunta da Galiza en Pontevedra para protestar contra o desenvolvemento eólico promovido polo Goberno galego.

 

Ánxeles Vázquez abandonou antes de tempo a xuntanza do Consello Galego de Medio Ambiente e Desenvolvemento Sostíbel para eludir unha votación propiciada por SLG, Adega, FEG e SGHN sobre o modelo de desenvolvemento eólico.

As recentes sentenzas xudiciais —dúas nos últimos tres meses— contra a autorización por parte da Xunta dos proxectos eólicos O Iribio e Roncudo puxo contra as cordas o vicepresidente económico da Xunta, Francisco Conde, que insistiu en que o Goberno galego "só autoriza" os parques "con todas as garantías técnicas, xurídicas e ambientais".

O Bloque Nacionalista Galego vén de rexistrar un paquete de iniciativas no Parlamento para aclarar as relacións de Beatriz Mato durante a súa etapa de conselleira da Xunta da Galiza coa eléctrica Greenalia, de cuxo consello de administración fai parte na actualidade.

As críticas ao aluguer pagado polas eléctricas aos propietarios dos terreos onde se instalan eólicos é unha constante. Segundo os datos fornecidos polo Observatorio Eólico, representan entre 1,1% e 2,4% da facturación do parque. As contías ofertadas nos últimos anos son aínda inferiores.

Greenalia ten cinco parques eólicos en funcionamento cunha potencia total instalada de 74,6 megawatts, no procedemento de autorización de catro deles participou Beatriz Mato como conselleira de Medio Ambiente. Actualmente Mato é membro do consello de administración da compañía enerxética con sede na Coruña.

O BNG critica os intentos da Xunta de favorecer as grandes empresas eléctricas e reclama que compareza Conde para explicar a sentenza contraria do TSXG á repotenciación dun parque eólico.

A 24 horas de finalizar o prazo de alegacións "nin a Consellería de Economía nin a Secretaría de Política Lingüística da Xunta de Galiza responderon aínda á denuncia da plataforma de que se están vulnerando dereitos fundamentais e impedindo o proceso de participación pública", dado que a empresa presentou parte da documentación en inglés, unha lingua non oficial na Galiza.