Máis de 33% de consultorios locais de Atención Primaria existentes antes da chegada de Núñez Feixoo á Xunta da Galiza (marzo de 2009) foron fechados, a maioría en espazos rurais. O escaso investimento neste nivel sanitario, con Galiza situada na cola do Estado, está a xerar un empeoramento da calidade asistencial.
Cangas do Morrazo saíu esta terza feira á rúa en defensa dos servizos de Atención Primaria na localidade. Unha das queixas das persoas asistentes son os tempos de agarda para conseguir unha cita coa médica de cabeceira. O período medio de espera para unha consulta na especialidade de Medicina Familiar na Galiza non deixa de medrar.
O conselleiro de Sanidade, Julio García Comesaña, deu esta segunda feira por “normalizada” a situación creada polos contaxios de gripe. Porén, as urxencias hospitalarias seguen colapsadas. Malia que a incidencia da epidemia ten caído na última semana, os ingresos de pacientes, son elevados. Non obstante, a Xunta da Galiza mantén fechadas centos de camas nos hospitais galegos.
A Xunta deixa Chantada con dous médicos para 8.000 persoas.
O Carballiño sairá de novo á rúa o domingo para demandar a recuperación da asistencia pediátrica na zona. A problemática xurdida nesta comarca é común a doutras zonas da área sanitaria de Ourense. 84 concellos da mesma carecen deste servizo nos seus centros de saúde.
A comarca conta con catro prazas médicas vacantes dun total de sete.
Onte, no mesmo día en que o Ministerio de Sanidade convocou as autoridades autonómicas para unificar criterios de actuación ante a epidemia da gripe, a situación continuaba a empeorar no sistema sanitario galego, que continuou colapsado pola avalancha de doentes nun contexto xeneralizado de recortes.
Salvaterra de Miño, no Condado, acolleu na terza feira feira unha protesta para reclamar a volta da asistencia pediátrica ao centro de saúde da localidade. E esta cuarta feira, as mobilizacións en defensa da sanidade pública chegan ao veciño concello de Mondariz (tamén no Condado) e na quinta feira sairán á rúa en Covelo (A Paradanta). A Plataforma en defensa da sanidade pública do Condado e A Paradanta entende que só a mobilización social pode reverter a situación.
A comarca do Carballiño acollerá unha mobilización este domingo 10 de decembro para demandar a recuperación da asistencia pediátrica na zona. A protesta chega após deixar a Xunta da Galiza sen asistencia a 2.312 crianzas.
As protestas en defensa da sanidade pública galega percorreron esta quinta feira múltiples puntos da Galiza. Mentres o colectivo de enfermeiras A Por Todas mobilizábase en todas as áreas sanitarias da Galiza, entidades sociais a nivel local saíron á rúa contra o deterioro da Atención Primaria.
A CIG comeza unha campaña pola mellora das condicións salariais, laborais e sociais do persoal dos centros privados e de xestión indirecta que atenden a menores en risco ou en conflito social.
Galiza atópase á cola do Estado en persoal de enfermaría. O último informe do Consello Xeral da Enfermaría sinala que só conta con 517 profesionais por cada 100.000 habitantes. Mentres tanto as persoas con esta titulación formadas na Galiza, seguen marchando do país para desenvolver a súa profesión.
A Xunta da Galiza deixa a Visantoña (Mesía) sen servizo médico
Os graves problemas de financiamento volven pairar un ano máis sobre o sistema universitario galego. Neste sentido, as autoridades académicas aproveitaron a apertura do curso, que decorreu onte en Vigo, para reclamar á Xunta da Galiza máis recursos para facer fronte ás necesidades educativas e investigadoras. O mandatario galego, Alfonso Rueda, non deu resposta ás súas demandas.
O envellecemento do persoal médico de Atención Primaria é moi elevado na Galiza. Segundo os datos das autoridades sanitarias, 16,7% das facultativas e dos facultativos dos centros de saúde da Galiza superan os 64 anos e 26,7% deles atópanse entre os 60 e os 64 anos.