Rosalía de Castro

O considerado "monumento inaugural" das nosas letras volve aos andeis das librerías nunha edición de María do Cebreiro. A súa relectura de 'Cantares Gallegos' propón, por unha banda, ampliar as coordenadas xeográficas coas que se interpretou o poemario, repensando a represención dos espazos, e, pola outra, considerar as "fondas" relacións dos seres humanos coa natureza da que forman parte. 

O 7 de xaneiro de 1950 falecía, exiliado na Arxentina, Alfonso Daniel Rodríguez Castelao, principal expoñente da vida cultural e política da Galiza do século XX. A situación que o exiliara obrigou a que 'Sempre en Galiza' chegase ao país clandestinamente. No día do aniversario da súa morte, publicamos unha entrevista co seu biógrafo, o historiador Miguel Anxo Seixas.

"É un éxito de todos, pero especialmente dela, do vivos que están os seus grandes perfís como intelectual e escritora", declara Anxo Angueira (Dodro, 1961), que recunca como presidente da Fundación Rosalía de Castro. O escritor e docente repasa con 'Nós Diario' o traballo desta institución, que desde o seu acceso á presidencia en 2012 conseguiu afianzar a súa taxa de autofinanciamento, de 20% nese ano até 45% en 2019, un avance nesa independencia económica que para el "está na xenética da Casa de Rosalía".

Son lugares onde protagonistas das artes, da política e das letras habitaron, escribiron e contribuíron co fío dos acontecementos. Cuartos propios transformados en novos espazos para visitantes e turistas na procura dun achegamento ás semblanzas de épocas senlleiras da historia da Galiza. Realizamos un percorrido por unha selección das casas-museo galegas, as que están e as que están por vir, para non deixar de visitar ningunha este verán.

Melania Cruz recibe nesta edición do Festival Internacional de Curtamentraxes de Bueu, que arrincou onte, o Premio Cinema Galego. O recoñecemento a unha traxectoria na que a lucense que conta dous Mestre Mateo (Dhogs e Trote) e un María Casares (Xardín Suspenso) agocha unha persoa inconformista e crítica, namorada da súa profesión, que se dedicou á docencia e coloca a educación como chave para mudar realidades e avanzar en loitas tan abertas, constantes e complexas como a dos feminismos, na que unha das batallas máis difíciles é xustamente combater o aprendido.

Ademais do seu percorrido como narrador para a xente máis nova, é posíbel que o máis destacado da produción editorial de Antonio Reigosa haxa que buscalo no concepto da Galiza encantada.

A publicación El caballero de las botas azules chegou á prensa da elite en 1868.

Un ano máis, a conmemoración do 24 de febreiro, Día de Rosalía, non será incorporada ao calendario escolar.