Pontón pide un "plan de choque" dotado con 200 millóns de euros para reforzar a Atención Primaria, mentres Gonzalo Caballero urxe a "volver contratar" os 868 docentes dos que prescindiu a Xunta en setembro e os "500 sanitarios que estiveron no Sergas nos peores momentos da pandemia".
A variante Ómicron do coronavirus non dá tregua a Galiza. Segundo os ofrecidos pola Dirección Xeral de Saúde Pública da Consellaría de Sanidade o número de casos activos chega a 65.335 no conxunto do país.
A redución do orzamento destinado a Atención Primaria nótase particularmente na diminución do cadro de persoal dos centros de saúde e na falla de profesionais para dar resposta ás demandas dos usuarios. Tanto é así, que as principais reclamacións dos colectivos en defensa da sanidade pública e das organizacións sindicais sitúanse nesa dirección.
A falla de comunicación entre os doentes e os médicos está detrás de 31,4% dos eventos adversos que se producen en Atención Primaria. Segundo a Organización Mundial da Saúde (OMS), enténdese por evento adverso aquel “incidente que produce dano ao doente describindo a gravidade do dano como sen dano, leve, moderado e grave”. Precisamente, este tipo de problemas son os máis evitábeis en opinión dos expertos.
A situación da sanidade pública na Galiza agravouse coa chegada da pandemia. Case dous anos despois da entrada da Covid-19 no país, o persoal sanitario atópase sobrepasado. Nós Diario conversa coa responsábel da CIG-Saúde, María Xosé Abuín, para analizar como se chegou até aquí e cales serían as solucións.
