Santiago de Compostela

Un grupo de cidadás molestas polo atraso que leva a actuación de mellora de Concheiros invita a acudir esta sexta feira, ás 12 horas, á zona para facer ver ese descontento. A proposta é ir vestidas con roupa propia do persoal das obras para incrementar a chamada de atención á empresa concesionaria e á administración.

Un cartel de luxo confluirá na capital galega a partir do 11 deste mes

O festival, que contará con 161 filmes -88 poderán verse de forma gratuíta previa reserva das butacas-, renóvase polo 35 aniversario. En consecuencia, recibirá doce propostas audiovisuais que concorrerán polos grandes premios. Nove destas achegas terán en Compostela a súa estrea absoluta no Estado español.

A Asociación para a defensa do Patrimonio Cultural Galego (Apatrigal) alertou do deterioro deste elemento da fachada do inmoble compostelán. Fíxoo despois de que unha parte da ornamentación se desprendera e caera á rúa, obrigando a colocar un valado para protexer as persoas viandantes.

O festival, que sumará 35 anos, terá lugar do 8 ao 24 de novembro en Compostela. Malia que polo de agora estase a xogar co público a descubrir o eixo vertebrador da axenda, xa se anunciaron os espazos das proxeccións entre os que estarán o Museo das Peregrinacións, o Auditorio da Galiza, o Teatro Principal e o Salón Teatro, entre outros.

Unanimidade no pleno municipal para defender a iniciativa da Mesa que quere 'blindar' o galego no audiovisual.

O concello de Santiago presentou a candidatura do carballo situado no bosque do Banquete de Conxo para ser a Árbore Europea de 2022. Para o argumentario da candidatura puxéronse en contacto con Henrique Alvarellos, director de Alvarellos Editora, quen editou e publicou unha obra na que dá conta dos carballos centenarios deste bosque que aínda hoxe viven. Alvarellos explica a importancia da coñecida como “Árbore da Fraternidade” para a cultura galega, así como a relación de Rosalía de Castro co bosque de Conxo.  

O coro Cantigas e Agarimos celebrará o seu cen aniversario cunha homenaxe presencial na cidade que o viu nacer, Compostela. Farao con varias actividades e arroupado polas actuacións de OCT Ultreia e Brincadeira. Música, baile, teatro, tradición, formación... seguirán a abrir camiño con esta xa centenaria formación.

Demanda un "orzamento finalista" para este nivel asistencial que supoña un 25% da partida sanitaria e reivindica as consultas presenciais.

A Semana do Cinema Euroárabe Amal decorrerá entre o 25 e o 29 de outubro en Compostela. Haberá un pase diario ás 21 horas. Desde a organización destacaron que varios dos filmes integrados na proposta desta XIX edición do certame son estrea absoluta na Galiza ou en España.

Coa inauguración do Edificio Fontán, a Xunta da Galiza dá por rematada a construción da Cidade da Cultura, o desmedido complexo que custou máis de vinte anos e 350 millóns de euros. 

Nesta segunda xornada, o encontro internacional ofrecerá un total de seis citas que terán lugar en diversos puntos da cidade de Compostela. Entre elas, a artista xaponesa Beniko Tanaka propón unha función de teatro de sombras

Participarán figuras internacionais deste deporte como Manuel Pellegrini, técnico do Real Betis Balompé ou Diego Martínez, ex adestrador do Granada CF.

A CIG denuncia o nesgo de xénero na proposta de expediente da entidade bancaria, que deixaría na rúa a moitas mulleres, e reitera que o Expediente de Regulación de Emprego é innecesario.

Cara ao ano 820 a historia da Galiza e a do mundo cristián mudaron para sempre. Por volta desa data, Teodomiro, entón bispo da humilde diocese de Iria, anunciaba ao mundo o que semellaba un insólito milagre, a aparición do sepulcro de Santiago ‘o Maior’, un dos doce apóstolos do relato bíblico. Desde entón, aquela terra chamada Compostela pasaría a se converter nun dos centros de peregrinación máis concorridos de todo mundo: era o inicio do que hoxe coñecemos como Camiño de Santiago.

 A plataforma veciñal Cornado Mina Non asegura que o novo proxecto para a mina de Touro pretende utilizar "a escusa da transición enerxética" para promocionar un proxecto "que non é difícil intuír que, en esencia, en pouco ou nada se vai a diferenciar do xa presentado".

A Facultade de Filoloxía da USC acollerá, do 27 ao 30 de outubro, un Congreso que analizará, co nome de 'Alianzas e ameazas' a influenza dos Camiños de Santiago nas comunidades locais polas que pasan. Desde a Rede Galabra falan da promoción xacobea como "unha oportunidade perdida".

No marco da axenda complementaria do Festival Internacional de Cine de Santiago de Compostela, hoxe decorrerá a actuación da banda Verde Prado, cunha proposta musical en éuscaro. Tamén tocarán os galegos Crnds & Álvaro Chior A/V & Fransy González. Este evento decorrerá a partir das 22 horas na igrexa da Universidade. Para a cuarta feira tamén está prevista unha homenaxe á artista galega Enar de Dios.

Organizado pola Asociación Cultural O Galo, decorrerá esta sexta feira e contará coa presenza do autor da obra editada por Sermos Galiza, Héitor Picallo; Anselmo López Carreira, profesor da UNED; Xosé Manoel Sánchez, director da área de medieval do Arquivo da Catedral de Santiago; Ana Rodiño, membro do Consello de Administración de Sermos Galiza e M. Antonia Pérez, presidenta da A.C. O Galo.