Sergas

Os casos activos de COVID-19 en Galicia manteñen a tendencia descendente e experimentaron unha nova baixada até caer por baixo dos 3.700, mentres os hospitalizados reducíronse até os 382. Pola contra continúan as mortes con catro máis esta fin de semana.

A CIG envía un escrito urxente á Consellaría de Sanidade para que proceda a protexer o persoal da Residencia de Maiores de Volta do Castro, dependente da Consellería de Política Social da Xunta da Galiza, que non estaba no momento de pasar pola instalación cando se realizou a vacinación.

Segundo os datos facilitados polo Sergas, Galiza reduce os ingresados con Covid-19 a 392 e os contaxios detectados rompen a suba dos últimos días ao descender até 184, mentres a positividade repunta lixeiramente até 2,4%.

O Tribunal Superior de Xustiza de Galicia (TSXG) condenou ao Sergas a indemnizar á familia dun doente que faleceu despois de que non se lle detectase a tempo un neumotórax (colapso pulmonar) masivo.

A ex conselleira de Sanidade Rocío Mosquera, beneficiaria da "porta xiratoria" que en 2017 a situou á fronte de Galaria, non foi mencionada en ningún momento na presentación dun novo centro de medicamentos CAR-T en Compostela malia ser a moderadora do evento e a responsábel do proxecto, que custará tres millóns de euros.

Ducias de traballadoras e traballadores pediron ao titular da Consellaría de Sanidade, Julio García Comesaña, que "garde o seu aplauso" e mellore as condicións laborais. Nesta mesma xornada, o responsábel do departamento explicou que van facer dúas revisións semanais da desescalada das medidas fronte á Covid-19.

A instrutora do expediente disciplinario aberto a Javier Castrillo, xefe de servizo de Xinecoloxía do Hospital de Verín e cabeza visíbel da loita social contra o feche do paridoiro comarcal, propón unha sanción de dous días de suspensión das súas funcións por "falta grave".

Un dermatólogo enviou unha carta ao conselleiro de Sanidade, Julio García, e á Directora de Saúde Pública, Carmen Durán, urxindo a protexer este persoal sanitario que non sabe cando será vacinado.   

Carmen María Sánchez é unha enfermeira veterana. Incorporouse en 1980 ao Complexo Hospitalario Universitario da Coruña (CHUAC), e actualmente traballa nos quirófanos e no servizo de Urxencias do Hospital Abente e Lago. Nós Diario conversa con ela sobre a "falta de información e de organización" por parte da Xerencia na xestión da pandemia.

O 15 de febreiro celébrase o Día Internacional do Neno con Cancro, unha patoloxía que rexistra entre 50 e 60 casos ao ano na Galiza.

Segundo a última actualización de datos da Covid-19 facilitada pola Consellaría de Sanidade, con información recollida até as 18 horas do sábado, os servizos sanitarios detectaron até 419 contaxios nas últimas 24 horas.

Galiza non descende do milleiro de persoas hospitalizadas con Covid-19, a pesar de rexistrar a cifra máis baixa de contaxios detectados nas últimas semanas.

Persoal sanitario e sociosanitario que traballa cunha alta exposición á Covid asegura a Nós Diario non ter recibido aínda as dúas doses da vacina.

Sanidade comunica que o 50% dos virus secuenciados proceden da cepa británica. Nós Diario xa avanzaba este feito nuha publicación da semana pasada. 

Malia o descenso dos positivos, o Comité Clínico alerta da situación crítica nas UCI e descarta falar da desescalada anunciada polo presidente da Xunta até que a incidencia a 14 días baixe de 250.

O decreto exclúe desta cobertura todo o persoal de ambulancias xa que non se considera persoal sanitario. Ademais, as e os traballadores que realizan o transporte non urxente foron relegados á terceira liña de vacinación.

A Plataforma do Hospital da Mariña denuncia que o centro só conta cun especialista en cardioloxía para "atender en caso de urxencia" a 70.000 persoas.

O Comité Clínico de expertos que asesora a Xunta da Galiza non prevé cambios nas medidas de restrición máis duras implantadas en todo o territorio hai unha semana. Sanidade pide tempo até confirmar o cambio de tendencia que comeza a albiscarse. Coa transmisión do virus en descenso, di, a incidencia do coronavirus tamén empeza a decrecer. Porén, desde os hospitais advirten que a presión asistencial continuará, sobre todo nas unidades de críticos, especialmente da Coruña e Ferrol. 

Moitas persoas denunciaran recentemente a exclusión do galego deste servizo.

A veciñanza de Soutomaior coa que contactou o Sergas acudiu esta terza feira de forma masiva para realizarse a PCR, mais a falta de organización por parte da Consellaría de Sanidade puxo en risco a saúde de ducias de persoas e provocou que outras moitas marchasen á casa sen chegaren a ser atendidas.