Unión Europea

A Comisión Europea considera que a lexislación actual xa a recolle e que cómpre ila desenvolvendo.

A infraestrutura que requiren as vacinas das farmacéuticas dos países occidentais fai máis viábel as elaboradas na China, cuxo Goberno xa enviou millóns de doses a numerosos países. 

Nos estertores do Goberno de Trump, medidas como a inclusión de Cuba entre "os Estados que apoian o terrorismo" colocan o presidente entrante nunha complicada situación. De feito, son decisións que se entenden como partidistas de cara a desgastar de inicio a Biden, tamén a respecto dunha UE nunca tan afastada antes de Washington.

Trump foi o seu modelo durante os últimos anos. Agora, a menos de dez días de que abandone a Casa Branca, a este lado do Atlántico son os seus antigos aliados, os líderes da extrema dereita, quen comezan a abandonalo a el ou, canto menos, a pór distancia tras o impacto na opinión pública europea do asalto ao Capitolio.

A Comisión autoriza a súa comercialización tres horas despois de a Axencia Europa do Medicamento (EMA, nas siglas en inglés) publicar unha recomendación favorábel ao seu uso.

Porén, isto non implica unha mudanza da política de Bruxelas fronte a Venezuela.

A presión interna dentro dos Estados membros da UE pola falta de rapidez no proceso de inoculación contra a Covid-19 trasladouse tamén a Bruxelas. Cuestiónase a política de compra diversificada de diferentes vacinas. Desde a Comisión defenden a cautela e que a idea foi "non pór todos os ovos nun mesmo cesto".

O Goberno do Reino Unido confirmou que se achegaron as posturas para “garantir a fluidez na fronteira”. O presidente do Executivo español, Pedro Sánchez, xa fala dun avance cara unha "prosperidade compartida".

A preocupación apodérase do complexo pesqueiro galego a medida que se coñecen os aspectos concretos do acordo entre o Reino Unido e a Unión Europea polo que se regula o seu novo marco de relacións após o Brexit. Mentres as autoridades comunitarias, españolas e galegas, discrepan sobre o seu impacto na frota galega, o sector expresa os seus temores diante da alta exposición aos caladoiros británicos, concretada nos máis de 1.400 mariñeiros que traballan nas augas do Gran Sol e os 400 embarcados no arquipélago baixo soberanía inglesa das Malvinas. 

A representación das dúas partes pasou a madrugada repasando as 2.000 páxinas do documento polo que se chega a esa decisión histórica. O tema das cotas de pesca foi un dos de maior complexidade, como xa avanzaba a frota galega.

 

Os grupos instan á Xunta a que negocie co Goberno do Estado español esa transferencia dos investimentos.

Os días 27, 28 e 29 son os anunciados pola presidenta da Comisión Europea para iniciar a campaña.

Por outra banda, Londres e Bruxelas chegaron a un acordo en materia de competencia, unha das principais eivas par chegar a un acordo antes do 31 de decembro.

"Unida na diversidade" é o lema da Unión Europea. Mais son millóns os cidadáns que, ben pola súa cultura, pola súa lingua ou pola súa orixe nacional, non se senten nel representados. A iniciativa cidadá europea que hoxe se vota pretende que cunha maior defensa dos dereitos das minorías o lema teña por fin sentido pleno.  

A UE comeza a definir en números a súa estratexia dos fondos para a recuperación pola crise da pandemia. O rural dos Estados membros recibirá 8.000 millóns de euros e desde as organizacións agrarias piden mudar as estratexias e apostar por "valorizar o produto" e facilitar o acceso á terra para motivar o relevo.

A ruptura, prevista para esta fin de semana cando rematara o prazo que se deron Boris Johnson e Ursula Von der Leyen, non chegou e haberá un "tempo extra" para evitar que non haxa acordo comercial.

A Eurocámara quere un 60% e as ONG argumentan que cómpre polo menos 65%. Ao final, o Consello Europeo propuxo un aumento de até 55% na redución de emisións de gases para 2030 desde o 40% previo. A lentitude na transición enerxética nos Estados do Leste bloqueou unha meta máis ambiciosa, cada vez máis perentoria.