Xunta da Galiza

A conselleira de Facenda, Elena Muñoz, debullou as contas públicas de Galiza para 2013. Uns orzamentos nos que se recurtan máis de 222 millóns de euros e nos que a tesoira entra en todas as partidas. Porén, para o goberno autonómico, as contas son son un "exemplo de solvencia" para o resto de comunidades autónomas e mesmo "sentan as bases de que Galiza lidere o medre económico de todos os territorios.

O último Consello de goberno asinou o convenio "para o desenvolvemento das distintas actuacións necesarias para a adquisición do Castelo de Pambre". Para se faceren coa fortaleza, ubicada en Palas de Rei, porán cartos as consellarías de Cultura e Traballo, 3 e 2 millóns respectivamente, que irán parar a unha conta privada cuxa titular é, máis unha vez, a Igrexa

O Consello da Xunta aprobou uns orzamentos para 2013 que non superarán os 8.400 millóns de euros, un 7 por cento menos que nas contas anteriores, e que os sitúan a capacidade de gasto a niveis de 2005. Os orzamentos, que esta sexta chegan ao Parlamento, foron aprobados nun Consello da Xunta realizado a escasos metros de onde centos de funcionari@s se manifestaban en defensa dos servizos públicos e contra os recortes

Dixo Feijóo en campaña que desde o seu Executivo non se lle recortaría o salario ao persoal público e vén de incumprir a súa promesa: cobrarán menos, e a redución non irá en relación ao que cobra cadaquen. Os sindicatos advirten: "a paciencia dos empregados públicos galegos xa se esgotou"

Máis de 200 traballador@s concentráronse ás portas da Egap, onde o director xeral da Función pública mantivo unha xuntanza coa conselleira de Facenda e con representantes sindicais de CIG, CSIF, CCOO e UGT para negociar a baixada nos seus soldos, que se estimaba nun 7% e quedou finalmente nun 4%. Recortaranlles as dúas pagas extra do ano que vén nun 40%

Xusto nos días en que adoitaban cobrar a paga extra, @s funcionari@s reciben un duro aguinaldo. A Xunta está a preparar unha rebaixa salarial dun 7% para todo o persoal funcionario e empregad@s públic@s no ano 2013. Agárdase que a Consellaría de Facenda comunique a decisión nunha próxima xuntanza con representantes sindicais.

 

Xusto nos días nos que adoitaban cobrar a paga extra, os funcionarios reciben un duro aguinaldo. A Xunta está a preparar unha rebaixa salarial dun 7% para todos os funcionarios e empregados públicos no 2013. Agárdase que a Consellaría de Facenda comunique a decisión nunha próxima xuntanza con representantes sindicais.

 

Afirman que a supresión do rango de dirección xeral do Instituto Galego de Seguridade e Saúde Laboral supón un "mazazo" para as políticas preventivas no eido do traballo. Na Galiza hai unha media de 3 accidentes mortais por mes no que vai de 2012 e dous sinistros graves cada día.

As tres forzas con representación parlamentar --BNG, AGE e PSOE-- reclaman unha investigación que esclareza por que o helicóptero tardou 40 minutos en chegar ao lugar do sinistro se o contrato coa adxudicataria de salvamento marítimo fala dun máximo de 10. Tamén queren saber por que se mudaron as condicións laborais da tripulación do Pesca 1 para que as gardas presenciais pasen a ser localizadas até o 31 de decembro, aumentando os tempos de resposta. O BNG insiste en que a conselleira do Mar ten que demitir

Tanto o presidente Núñez Feijóo como o Conselleiro de Cultura Jesús Vázquez tiñan afirmado que o TSXG lles daba a razón nas sentenzas que botaban abaixo o decreto do galego. Mália iso, a Xunta de Galicia ven de presentar un recurso de casación contra a sentenza, segundo foi notificado a Queremos Galego.

Nun documento remitido ao Valedor do Pobo, a Secretaría xeral de montes confirma que non autorizou o uso do praguicida Cascade polo aire. Porén, confirma as sospeitas da Plataforma contra as fumigacións ao dar a entender que o produto foi usado en tratamentos por terra contra o gorgullo do eucalipto. O produto está catalogado como tóxico pola UE e o seu uso ficará prohibido a partir de xaneiro de 2013

Ducias de persoas concentráronse ás portas da consellaría de Educación para reclamaren a volta do galego ás aulas, exixindo a derrogación do decreto de Feijóo e que o goberno galego lle faga fronte á lei de Wert. O Apalpador repartiulles noces e mandarinas, após deixarlle a Jesús Vázquez algúns sacos de carbón e un feixe de libros de texto iguais aos que o PP tirou por estaren redactados no idioma propio, gastando nesta medida máis dun millón de euros

A reunión entre o goberno galego, Interprofesional Láctea (INLAC) e as organizacións sindicais Sindicato Labrego Galego (SLG), Unións Agrarias (UU.AA.)e Xóvenes Agricultores (XX.AA.) rematou coa sinatura dun acordo para poder comezar a traballar de xeito conxunto. A Xunta comprométese a vixilar a industria e distribuidores para que non vendan a prezos por baixo do custe de produción e levará a Madrid medidas para mellorar o funcionamento da cadea alimentaria.

Tamén pide a derrogación do artigo 38 da Lei do sector eléctrico, que abre a porta a máis unha suba da electricidade ao gravar cun imposto os territorios que producen a enerxía, caso de Galiza, de onde sae pola volta dun 40% máis do que se consome

O goberno galego decide solucionar o problema dos desafiuzamentos cun programa de vivendas que non cobre a totalidade de afectad@s de Galiza.

Tan só unha cara nova entre as persoas que acompañarán a Alberto Núñez Feijóo durante esta lexislatura. Fracisco Conde, xurou esta segunda feira como conselleiro de economía dun executivo galego cargado de "caras coñecidas", como asegurou o propio presidente da Xunta.