Ferrolterra non estivo só nesta xornada na queergueu, na Folga Xeral comarcal, o facho do combate pola dignidade e contra a crise e denuncia dos seus responsábeis. Outras cidades e localidades galegas (Vigo, Compostela, Pontevedra e Ribeira) tamén rexistraron mobilizacións. Convocadas pola CIG na defensa do emprego e dos sectores sectores produtivos. No rexeitamento dunhas políticas que xeran “miseria” e “precariedade”.
Milleiros de persoas tomaron parte nestas mobilizacións, que decorreron ao caer a tardiña. Agás en Pontevedra, onde foi pola mañá e co protagonismo dunha concentración de delegad@s da central nacionalista.
As mobilizacións enmárcanse na dinámica impulsada pola CIG de resposta ás políticas desenvolvidas desde o Partido Popular tanto do goberno central como autonómico, así como as impostas desde Bruxelas. Neste sentido, o secretario xeral da central nacionalista, Suso Seixo, ten reiterado a oferta aos outros sindicatos para traballar na unidade de acción de cara a unha nova folga xeran en Galiza.