Euloxio R. Ruibal, unha vida dedicada ao teatro

O escritor Euloxio R. Ruibal (Ordes, 1945) vai recibir o día 15 xuño en Compostela o premio O Escritor na súa Terra-Letra E, que concede desde hai 25 anos a Asociación de Escritoras e Escritores en Lingua Galega. En Ruibal, que presidiu hai anos a AELG, recoñécese "toda unha vida de dedicación á escrita dramática". O homenaxeado percorre connosco a súa dedicación á arte dramática que chanta as súas raíces xa na infancia.