As bases de Anova participaron de forma masiva na consulta para que se expresasen tanto sobre se deberían ir En Marea nas eleccións do 26 de xuño como sobre a fórmula máis acaída, partido ou coligazón, "para garantir os obxectivos políticos de En Marea". Ambas as dúas preguntas tiveron respostas contundentes: un 75,5% da militancia votou si a repetir En Marea para a cita coas urnas do 26X ( un 15,7% votou en contra e un 8,6% abstívose), e un 79,9% votou polo partido instrumental como mellor fórmula xurídica (un 14,5% optou pola forma actual, coligazón).
Anova indica que “deste xeito, e por mandato da militancia de Anova-IN, o resultado será comunicado á Mesa de Coordinación de En Marea para seguir co vieiro marcado cara ás eleccións ás Cortes do Estado do 26X”. A formación liderada por Xosé Manuel Beiras destava a participación, do 68%, “a máis elevada das consultas telemáticas realizadas até agora pola organización”.
