Covid-19

O clube cangués é o oitavo da liga Asobal que rexistra casos de coronavirus nas súas ringleiras.

Os restaurantes seguirán abertos

O presidente da asociación Fesdiga, Samuel Pousada, ten claro que se as prohibicións pola situación sanitaria se alongan demasiado mesmo podería ser o fin “do 100%” do ocio nocturno do país. Para o sector demanda axudas económicas e non solucións temporais que poderían ter problemas xudiciais.

Narón mellora os seus datos e pasa ao nivel laranxa, mentres a incidencia da pandemia empeora na cidade de Vigo.

Nas áreas sanitarias de Ourense e Ferrol sitúase por riba do 11%.

Galiza suma 308 novos contaxios por Covid, cun descenso na área de Ourense e un aumento na de Santiago

 

A cifra de vítimas desde o inicio da denominada 'nova normalidade' ascende a 164.

Segundo comunica a Xunta, non hai novos positivos. A residencia Os Gozos de Pereiro de Aguiar segue a ser o principal foco nestes centros.

Baixan os contaxios na área sanitaria de Ourense e a porcentaxe de PCR con resultado positivo cae a 5,5%. A cifra de falecidos con coronavirus mantense en 780.

Nunha entrevista na Radio Galega, o conselleiro de Educación asegura que o curso se iniciou” cunha gran normalidade” como consecuencia de que na Galiza “o sistema educativo funciona ben”.

Foron 18 casos máis en 24 horas na Galiza que xa conta con 23 aulas en corentena.

Xa son 454 os positivos entre residentes de xeriátricos galegos tras detectarse 53 casos e 23 altas. En canto ao persoal destes centros, son un total de 138 as que teñen Covid-19.

As persoas falecidas soben a 780 tras rexistrar unha máis na residencia de maiores  Ballesol de Oleiros. As infeccións diarias continúan en niveis de finais de marzo, coa área de Ourense como epicentro ao sumar outros 191 positivos diarios.

O suplemento, que vas atopar este sábado nos quiosques ou para a súa lectura na nube xunto cun novo número de Nós Diario, tamén bota luz sobre algunhas das dúbidas vinculadas aos síntomas da Covid-19. Non perdas a oportunidade de ampliar os teus coñecementos da man de persoas expertas en diversos ámbitos.

A formación política pretende queixarse así da decisión de confinar a Comunidade de Madrid que comunicou hoxe o Consello de Ministros. “Fagamos da festa Nacional un grito á liberdade”, reivindican, pedindo ás veciñas e aos veciños que saían cos seus coches, en plena pandemia e coa recomendación de ficar na casa, en protesta por unhas medidas que ven “totalitarias e absurdas”.

A segunda vaga, con toda a súa forza, xa está aquí. O avance do novo coronavirus polo Vello Continente chegou a cifras alarmantes: se ao termo do verán os contaxios aumentaran entre a mocidade, agora preocupa un novo salto á poboación máis envellecida. A poboación máis vulnerábel ante os efectos da Covid-19.

O Consello de Ministras e Ministros aprobou na mañá desta sexta feira, 9 de outubro, o estado de alarma na Comunidade de Madrid para restabelecer en dez municipios, incluída a capital, o fechamento e as restricións de mobilidade que entraran en vigor hai unha semana e que caeran ao non seren validadas antonte polo Tribunal Superior de Xustiza de Madrid (TSXM) ás portas da ponte de outubro. 

A Xunta decidiu hoxe intervir a residencia Os Gozos, en Pereiro de Aguiar, onde nas últimas 48 horas se detectaron máis de 130 contaxios de coronavirus. O surto, xunto co rexistrado noutro centro de maiores de Monterrei, leva as cifras de novos contaxios a niveis de final de marzo, con 429 novos positivos na última xornada. 

O Tribunal Superior de Xustiza da Galiza (TSXG) vén de emitir un auto no que apoia as últimas medidas sanitarias acordadas  pola Xunta para frear a propagación do coronavirus na comarca de Ourense, que implican a limitación da mobilidade na cidade e no municipio limítrofe de Barbadás, unha restrición que acaba de ser tombada en Madrid polos tribunais esta mesma semana.

A consellaría tomou a decisión de aplicar ao municipio as medidas de nivel 3 após as recomendacións do comité clínico que fai o seguimento da evolución da pandemia na Galiza. O departamento que dirixe Julio García Comesaña culpabiliza da expansión do virus, sobre todo, aos encontros nos locais de hostalaría. As novas limitacións entrarán en vigor esta mesma noite.