EUA

Os EUA negaron a Maduro o permiso para sobrevoar Porto Rico na súa viaxe a China. A hostilidade de Washington co movimento bolivariano recrúase por momentos. Evo Morales non perdeu tempo e saíu ao contra-ataque. Anunciou unha demanda contra os EUA por crimes contra a Humanidade. O 24 de Setembro vaise realizar en Nova Iorque a Asemblea Xeral da ONU. A día de hoxe, Morales non cre que os EUA garantan a seguranza dos presidentes latinaomericanos en solo norteamericano.

Nova aldraxe das potencias imperialistas aos líderes latinoamericanos. Após o veto a Evo Morales na súa viaxe de Moscova a Bolivia [sustentado na falsa alegación de que transportaba a Snowden], chega agora a quenda para os EUA. Prohiben a Maduro sobrevoar territorio de xurisdición norteamericana, Porto Rico, na súa viaxe a China.

A resolución que será presentada perante as Nacións Unidas non contempla unha intervención militar estadounidense. A diplomacia rusa xogou un importante papel para frear o ataque.

De maneira oficial e desde a propia Casa Blanca. Así confirmou Barack Obama a decisión dos EUA de aparcar o ataque militar para explorar a proposta rusa para Siria. Sen embargo, asegurou que non retiraría o exército até comprobar que Siria poña as súas armas químicas baixo o control internacional.  

Obama conseguiu ao termo da cimeira do G20 o apoio de 10 Estados á súa causa bélica contra Siria. Entre eles, o Estado español. Alemaña non está entre os Estados que asinan unha declaración en favor de que se dea unha "resposta internacional forte" a Siria, a quen se atribúe a responsabilidade do ataque químico do 21 de Agosto.

No mes de conmemoración do 50 aniversario do discurso de ‘I have a dream’ de Luther King, sociólogos e politólogos estadounidenses denuncian que os índices sociais ( emprego, saúde e educación) entre @s negr@s norte-american@s son “os peores en 25 anos”

A autorización limita a 3 meses o máximo de duración da intervención, exclúe que haxa despregamento de tropas sobre o terreo. O Congreso de Francia debate o ataque ao país árabe, mais non haberá votación

Segundo informa a axencia internacional de noticias AFP o Ministerio de defensa ruso detectou o lanzamento de dous mísiles balísticos desde o Mediterráneo. Fontes do ministerio ruso atribúen a un barco de guerra estadounidense os disparos. Israel sitúa o lanzamento nunhas manobras conxuntas co exército dos EUA

Michael T. Snyder, avogado, escritor, activista político e famoso blogger americano achega polo menos 22 razóns polos que atacar Siria é "unha mala idea ". Advirte que o clima belixerante de Estados Unidos podería volverse na súa contra.

O secretario de Estado, John Kerry, afirma que o ataque químico foi desde bases do Exército sirio, mais sen achegar probas da acusación. Di que se EUA non responde, “Irán, Corea do Norte e Hezbolah” sairán reforzados e mesmo engadiu que “se non actuamos, o mundo estará en perigo”. Iso si, Kerry anuncia que a operación será distinta ás de Iraq e Afganistán

O presidente francés asegurou esta sexta feira que "a masacre química non pode quedar impune" e aposta por promover "a fin dun réxime" que di comete danos irreparábeis contra o seu pobo. Hollande anunciou que conversará esta sexta feira con Obama pois Franza, di, "está pronta" para atacar

A portavoz do Goberno estadounidense, Marie Harf, asegurou esta cuarta feira non precisar unha autorización das Nacións Unidas para atacar Siria. As declaracións de Harf producíronse após a xuntanza do Consello de Seguridade da ONU no que Rusia e China mantiveron o seu veto a unha ofensiva militar estranxeira

Damasco dá por feito o ataque da coligación EUA-Reino Unido-Franza. Porén, o ministro de Información do país árabe, Omran Ahed Zoabi, instou aos EUA a que apresente perante a opinión pública internacional probas do alegado uso de armas químicas durante un pretenso ataque o 21 de Agosto nos suburbios de Damasco.

O uso de armas químicas por parte de Siria é a "liña vermella" marcada por Washington para xustificar unha eventual intervención imperial.

Arrincan as xuntanzas oficiais para confecionar unha alianza que esperta temores xa que pode crear un espazo dominado por un eixo entre Washington, Berlín e Londres aínda menos interesado en calquera tipo de cohesión económica e que igualaría a lexislación europea coa estadounidense.  

O exército de Exipto confirma que o presidente lexítimo Mohamed Morsi está detido como consecuencia de un golpe militar que non foi condenado nin polos Estados Unidos, nin pola Unión Europea nin pola ONU. Desde occidente evítase o emprego da palabra “golpe”.