Sanidade

Na xornada de hoxe contabilizáronse un total de cinco vítimas do virus, se ben a Xunta tamén tivo confirmación de que varios 19 óbitos acaecidos entre a sexta feira e o domingo foron provocados pola pandemia.

A evolución epidemiolóxica negativa das cidades sen nivel máximo de restricións pode levar ao Comité Clínico a recomendar medidas de prenvención máis severas.

O ministro de Sanidade asegura que, malia o recorte na subministración de doses da vacina anunciado por Pfizer de cara a semana que vén, a inoculación das persoas que recibiron a primeira está garantida.

Oito dos pasamentos comunicados polas autoridades sanitarias decorreron ou tiveron relación coas residencias de maiores, novamente afectadas por esta terceira onda da pandemia. O país abeira as 1.500 persoas mortas polo virus.

A CIG-Saúde vén de presentar unha denuncia ante a Inspección de Traballo para que requira á Xerencia da área sanitaria de Compostela-Barbanza o cumprimento da normativa de prevención. O sindicato pide a paralización inmediata na UCI de persoas adultas do CHUS “mentres non se garanta a seguridade de profesionais e doentes”.

A Consellaría de Sanidade deu a orde esta semana de suspender ou reprogramar operacións non urxentes en Compostela, Ferrol e na Coruña debido á preocupante situación que atravesan os hospitais.

A Xunta defende as concesións feitas durante o Nadal porque eran "proporcionadas" e "foron validadas polo comité clínico", mais recoñece que non tiña "forza" para garantir o seu cumprimento.

"Hai que anticiparse e se despois non é preciso usar todas as camas de urxencias, mellor, pero ten que existir previsión e anticipación", sinala Ana Pontón.

“Non hai palabras para describir o grao de precariedade da UCI do Hospital Clínico de Santiago”, exclaman pacientes do CHUS: unha máscara por quenda para o persoal, fonendoscopios reparados con esparadrapo e butacas para o descanso do persoal sanitario rotas. A isto engaden que o persoal está sometido a unha gran "presión laboral” por parte da Xerencia. 

Cualifican a situación de "indignante" en plena terceira onda da pandemia de Covid-19

O comité clínico e a Consellaría de Sanidade acordan elevar a situación de risco nas tres comarcas destas grandes cidades. O conselleiro Julio García Comesaña pide á poboación "unha especie de autoconfinamento" para os próximos días.

A Galiza detectou nas últimas horas 535 positivos por coronavirus, ao redor dun centenar menos que a xornada previa, mais hai que ter en conta que tamén baixaron as probas PCR realizadas, con 1.700 menos. A presión nas unidades UCI segue á alza. 

 Ademais dunha mortalidade directa moi elevada, a Covid-19 deixa un aumento de patoloxías graves que complica a supervivencia entre pacientes con enfermidades curábeis e reduce tanto a calidade como a esperanza de vida. Son consecuencia da deterioración do propio sistema sanitario, paralizado tras a chegada do coronavirus. Profesionais e usuarias urxen reactivalo. Piden circuítos seguros na Atención Primaria e a redución das listas de espera hospitalaria.

As relacións contractuais entre o Servizo Galego de Saúde (Sergas) da Consellaría de Sanidade e os centros hospitalarios privados están no punto de mira do Consello de Contas da Galiza. Un recente informe do organismo sobre a anualidade de 2018 revela novas dúbidas sobre o modelo de concertos no sistema sanitario galego.

A pandemia da Covid-19 agravou as eivas que os colectivos profesionais da Atención Primaria xa viñan denunciando antes da chegada do coronavirus. Reclamaban tempo, recursos e dignidade para atender as súas pacientes correctamente, unhas demandas que manteñen en plena crise sanitaria. O persoal do primeiro nivel asistencial exixe cambios. Unha reforma global baseada nas conclusións do Consello Técnico, paralizadas pola Xunta. Piden recuperar autonomía e dotar os centros de saúde de equipos suficientes e multidisciplinares para unha atención integral das doentes. 

 

Illa ignora as críticas dos partidos e reitera que seguirá como ministro até que comece a campaña do 14F

A maior parte dos casos activos concéntranse nas áreas sanitarias de Compostela, A Coruña e Cee e Vigo. Nas últimas horas faleceron tres persoas máis polo que o número de vítimas é de 1.409

O candidato do PSC ás eleccións do 14 de febreiro ten previsto traballar algún tempo máis desde o ministerio, que sufrirá un relevo en plena pandemia da Covid-19.