Agustín Fernández Paz

Agustín Fernández Paz foi o personaxe elixido polo Sermos para protagonizar a entrevista da sección de  Cultura do seu primeiro número publicado o 8 de xuño de 2012, cando falaba coa xornalista Carme Vidal verbo de dúas obras que viña de publicar. No momento do seu falecimento publicamos esta conversa polo seu indubidábel interese.

Hoxe morreu por volta das 07.00h en Vigo, e logo dunha longa enfermidade, Agustín Fernández Paz, o autor máis querido da nosa literatura, o máis traducido a outras linguas e un dos máis vendidos. Esta quinta feira 13 de xullo, terá lugar un acto na súa memoria no Tanatorio de Pereiró (Vigo).