Alberto Núñez Feixoo

Alberto Núñez Feixoo aposta en repetir o seu equipo nun Goberno onde son substituídos os conselleiros de Sanidade e Educación, onde gaña peso o responsábel da área económica, Francisco Conde, e onde sae derrotado Alfonso Rueda. O ascenso de Conde e a perda de poder de Rueda, adiantados en exclusiva por Nós Diario en informacións de 16 de xullo e de 18 de agosto, explícanse no horizonte da sucesión de Feixoo, que vai obrigar a cambios substanciais no Gabinete a medida que a lexislatura avance.

O que era responsábel de Sanidade e a xa ex conselleira de Educación saíntes, Jesús Vázquez Almuiña, e Carmen Pomar, interviron esta mañá no acto de toma de posesión do novo Goberno da Xunta. O responsábel do Executivo da Galiza agradeceulles a súa dedicación e transmitiulles o desexo de “seguir traballando xuntos”.

De 'fogar de Breogán' a 'nazón de Breogán' e de 'nazón de Breogán' a 'fogar de Breogán'. Na toma de posesión de Alberto Núñez Feixoo como presidente da Xunta da Galiza o Himno galego foi modificado.

O presidente da Xunta fai públicos os once nomes que o acompañarán nesta nova lexislatura con só dous cambios respecto da anterior, ao retirar os titulares das áreas máis prexudicadas pola xestión da crise sanitaria.

No seu discurso de investidura como presidente da Xunta, Feixoo reivindica a estabilidade e a moderación política na Galiza mentres olla cara ao goberno do Estado para reclamar colaboración sanitaria. Na mesma liña, puntualiza que os desaxustes entre as administracións responden a unha "concepción errónea" do estado autonómico.

A última sesión no Parlamento galego do debate de investidura de Alberto Núñez Feixoo como presidente da Xunta estivo acompañada, desde a rúa do Hórreo, con dúas mobilizacións que protestaban pola situación laboral de Navantia e o futuro das auxiliares de Endesa nas Pontes. 

Alberto Núñez Feixoo resultou investido presidente da Galiza após un debate en que o popular puxo o balón da xestión da pandemia en Madrid e tirou de "medias" para enxalzar a súa actuación na Xunta con datos que a oposición acusou de non seren reais. 
 

Con 42 votos a favor (os do PP) e 33 en contra (os do BNG e PSdeG) o Parlamento galego elixiu Alberto Núñez Feixoo presidente da Xunta. Máis de dúas horas empregou Feixoo para replicar as taxadas intervencións de escasa media hora que Ana Pontón e Gonzalo Caballero realizaron na sesión de investidura na Cámara. O popular tirou de “medias” e comparativas para enxalzar a súa xestión da crise. Sen novidades, porén, en cambios de modelo na sanidade nin residencias. Tampouco houbo anuncios sobre redución de ratios nas escolas en pandemia, como demanda a comunidade educativa e cualificou o BNG de “pouco evolucionado” por defender un concerto económico para a Galiza. “Sería un disparate”, espetou.

A líder do BNG márcase tres prioridades para a lexislatura que comeza: a reactivación económica do país, a defensa da Galiza ante o Estado e a Unión Europea e o artellamento dunha axenda social. Na súa intervención amosou a súa “vergoña” ante un Feixoo ao que criticou por "usar unha morte como unha cifra máis para compararse cunha media".

A Plataforma Pola Defensa da Ría de Pontevedra entende que as declaracións do presidente da Xunta alusivas a esta empresa no seu discurso de investidura "rozan o ridículo absoluto". O presidente do colectivo, Antón Masa, di que os datos de emprego aportados non son reais.

O candidato á presidencia da Xunta da Galiza asegurou que a  primeira medida do seu mandato sería convocar a Mesa do Diálogo Social. Os sindicatos responden lembrando a falta de consensos e acordos, ademais de expoñer as súas prioridades para esta lexislatura marcada pola pandemia da Covid-19. 

Arranca no Parlamento galego a XI lexislatura, na que o ámbito social, sanitario, laboral e o autogoberno están chamados a ser debates principais ante a crise provocada pola pandemia. O candidato a presidir a Xunta, Alberto Núñez Feixoo, prometeu na primeira sesión do debate de investidura afondar na mesma folla de ruta que viu aplicando na última década. De feito en materia sanitaria puxo o hospital de Vigo como bandeira da sanidade pública, o mesmo que a oposición sitúa precisamente como exemplo do modelo privatizador do PP. Tampouco anunciou mudanzas no modelo residencial pese ser o punto negro da crise. A reclamación dunha lexislación española homoxénea contra a pandemia, a volta ás aulas e a “okupación” de vivendas son cuestións que Feixoo colocou como prioridades.

O secretario xeral dos socialistas galegos urxe ao presidente da Xunta a "arranxar o caos que xerou en Ourense"