O vicepresidente da Xunta contradí agora o seu partido e pide a transferencia da AP-9
O PP galego posúe moitas opinións distintas a respecto da AP-9. Esta cuarta feira, ao vicepresidente da Xunta tocoulle expresar unha que vai en contra do programa do seu partido e mais das últimas declaracións de Feixoo. Alfonso Rueda criticou, antes dun acto electoral en Moaña, “que se negue a transferencia” da infraestrutura a Galiza.
O tripartito de dereitas non suma na Galiza
A tripla alianza non suma na Galiza. Os dados fornecidos polas diferentes sondaxes coñecidas nas últimas semanas coinciden en sinalar que só as nacións sen estado resisten a enxurrada reaccionaria que abanea o Reino de España. Os vindeiros procesos electorais de 2019 sacaranos de dúbidas.
Alfonso Rueda aínda defendía este domingo que debe gobernar a lista máis votada
A doutrina oficial do PP está a piques de ser refutada pola súa propia práctica política en Andalucía. Aínda este pasado domingo, nunha entrevista na SER, o vicepresidente da Xunta, Alfonso Rueda, defendía unha mudanza legal para outorgar o goberno directamente á forza política máis votada. En aplicación dese criterio Susana Díaz debería continuar a ter despacho no Palacio de San Telmo, sede da presidencia do Goberno andaluz. Porén, esta mesma segunda feira Feixoo deixou claro que en Andalucía si apoia que o PP, segunda forza máis votada, obteña a presidencia grazas a un acordo que necesariamente incluirá Vox.
Rueda di que esgotarán a lexislatura e pon Feijóo como o "mellor candidato"
O vice-presidente da Xunta e secretario xeral do PPdeG dixo que hai incertidume no contexto estatal e que se manexan "varios escenarios".
A Xunta di confiar "na investigación policial" do asasinato de Jimmy
O vicepresidente da Xunta rexeita os "xuízos políticos" e agarda que "se faga xustiza" no caso.
Rueda evita falar de pactos electorais porque son para "os que saben que van perder”
O vicepresidente da Xunta critica aos socialistas por pecharse a alianzas co PP.
Feijóo aposta nunha técnica para o relevo en Meio Ambiente, o que reforza a Rueda
A crise de Santiago tornouse, por decisión de Feijóo, nunha crise do goberno da Xunta. Mais será unha mini-crise: a directora da Axencia Galega de Infraestruturas, Ethel Vázquez, relevará a Agustín Hernández.
Rueda di que "fará o posíbel" por manter os xulgados nas sete grandes cidades
A supresión dos partidos xudiciais provocou un tenso debate no Parlamento entre Alfonso Rueda e o ex ministro de Xustiza, Francisco Caamaño. O vicepresidente prometeu "facer o posíbel" por manter os xulgados nas sete grandes cidades.
A Xunta valora a resolución sobre o Prestige: Rueda auto-parabenízase pola organización do macroxuízo
Foi todo o que atinou a dicir o vicepresidente, Alfonso Rueda: que o xulgamento na Audiencia da Coruña "non foi fácil" de organizar, polo que parabenizou o seu propio goberno.
O PP impide que Rueda explique por que a Xunta destruíu os contratos con empresas de Marcial Dorado
A forza maioritaria veta que Alfonso Rueda dea explicacións pola destrución dos contratos da Xunta con empresas de Marcial Dorado. Os grupos da oposición denuncian a "falta de transparencia" e exixen a Feijóo que "diga a verdade"
O Valedor do Pobo sae en defensa de Feijóo e di que as fotografías co narco carecen "de interese xornalístico"
O Valedor do Pobo métese a xornalista e considera que as fotografías de Feijóo co narco Marcial Dorado carecen de "interese informativo". Non o xulgou así a imprensa internacional, que as recolleu de forma moi destacada quer en papel quer nas edicións on line. José Julio Fernández sai así en defensa de Feijóo. Mentres, Rueda súmase ao coro dos que piden unha lei que estabeleza unha sorte de censura previa parapetándose na defensa do dereito das persoas a preservar a súa imaxe.