Amancio Ortega

A terceira persoa con máis cartos do mundo e que paga menos impostos que a media ao utilizar Sicavs litigou até o final para non achegar ás arcas públicas 33 millóns -o seu patrimonio é de 43.000- pero terá que facelo por decisión do Supremo. O mesmo ocorre co actual presidente do nacionalizado Novagalicia Banco, obrigado a abonar 365.000 euros nunha sentenza que os acusa de usar fórmulas “artificiais”.

Sergio Álvarez, xenro de Amancio Ortega, gastou 12 millóns de euros na adquisición dun cabalo. Lucirao a bon seguro no concurso hípico Casas Novas, promovido polo magnate, e co que o concello da Coruña mantén un convenio por valor de máis de 100.000 euros.

O colectivo realizará accións periódicas en todo o país e chama outras organizacións a se sumaren. Denuncian o modelo de empresa que iniciou Amancio Ortega en que "segue a aumentar os seus lucros á costa dese sistema de explotación".

SermosGaliza perguntoulle hoxe a Feijóo, na conferencia de imprensa após o consello da Xunta, sobre se consideraba que as grandes fortunas como a de Amancio Ortega debían incrementar, ou non, a súa achega fiscal, nun momento de grave caída dos ingresos públicos. Veu dicer que non.

Perante o actual contexto de crise e recesión económica, abordamos coas formacións políticas con representación parlamentar as cifras recollidas ao abeiro da listaxe feita pública pola revista Bloomberg. Malia contactarmos con todos os partidos, no Partido Popular non quixeron atender a nosa chamada nin achegaren as súas valoracións ao respecto.

Segundo a publicación Bloomberg, o dono de Inditex incrementou o seu patrimonio nun 63% converténdose no multimillonario máis "rendíbel" de 2012.

A de Amancio Ortega é a terceira fortuna do mundo: o índice Bloomsberg sitúa o seu patrimonio en 46.600 millóns de dólares, o equivalente a 38.000 millóns de euros. O empresario deu coa fórmula do éxito: roupa rápida, 15 días desde que se deseña até que está na tenda, barata e accesíbel, para chegar a todos os estratos sociais. É o que se chama produción just in time, producir para o consumo inmediato