biodiversidade

A Xunta mantivo baleiro durante quince anos o Inventario de Zonas Húmidas creado, precisamente, como paso previo a outorgar protección a un destes espazos naturais.

A falta de rendibilidade económica, as dificultades para acceder a axudas ou a ausencia de recoñecemento do seu valor cultural son algúns dos factores que provocan esta rápida redución.

Verdegaia impulsará esta iniciativa ao longo de 2023, a comezar este mes de xaneiro pola xuncia.

Hai un conto popular galego no que un home fai un pacto coa morte. No relato, o home pídelle que o avise cando vaia ir por el. Chegado o día, recrimínalle non ter dado sinais, respondéndolle a morte que claro que o advertira, e de varias maneiras: o vello perdera boa parte dos dentes, camiñaba con dificultade e o pelo branqueáralle e caera. Certamente, apercibírao de numerosos xeitos.

Delegacións de 196 Estados participan na COP15 que comeza esta cuarta feira no Canadá, coa ONU e as entidades ecoloxistas reclamando ambición á hora de debater un acordo que aspira a protexer 30% da masa terrestre e marítima do planeta.

O vindeiro verán faranse cincuenta anos da celebración do primeiro Día Mundial do Medio Ambiente. Unha iniciativa impulsada polas Nacións Unidas desde o 5 de xuño de 1973. Nese mesmo ano, estudantes da Universidade de Santiago fundaban o Grupo Ornitolóxico Galego para elaborar un censo anual das aves da Galiza. Nas bases fundacionais, comprometíanse ao coidado, conservación e estudo do medio ambiente. Declaración de intencións do que sería o xermolo da Sociedade Galega de Historia Natural.

O Executivo galego tamén rexeita o Plan de Patrimonio Natural e da Biodiversidade.

O incremento da poboación mundial segue unha progresión xeométrica, un concepto matemático simple que, polo xeral, as persoas entendemos rematadamente mal ou, simplemente, non o entendemos. Esta explosión poboacional que nos fará acadar a cifra de 8 mil millóns de persoas en novembro, o mes que vén, ten que ver tamén coas emisións de CO2 loxicamente, pero non de xeito proporcional.

O seis de setembro celebrouse o día internacional das aves limícolas, aves de praia moitas delas, que á maioría, non lle soarán aínda que precisamente en Galiza contamos con moitas das especies que viven en Europa.

Este verán as augas do mar Mediterráneo está a superar acotío os 30 graos centígrados por mor das ondas de calor mariñas, que poden xerar uns efectos devastadores entre as principais especies.

A serra do Courel e Valdeorras aglutinan boa parte da produción de 'mel de monte' interrompida polo impacto dos incendios forestais. Arrasaron colmeas e enxames. As alvarizas que se salvaron non dispoñen de alimento para as abellas na súa contorna.

Ademais de ser escasos son hábitats valiosos: acollen unha vexetación singular, tapizan de vexetación chans;  reteñen CO2, contribuíndo a loitar contra o cambio climático, albergan especies ameazadas, e a súa resiliencia fronte aos incendios é asombrosa, xa que tras un lume rebrotan rapidamente, evitando procesos erosivos. 

A reserva das Mariñas-Mandeo, onde están proxectados sete parques, celebra o anuncio e amosa o seu "rexeitamento absoluto" a estas construcións en espazos naturais protexidos.

O instituto Félix Muriel forma parte do proxecto ‘Estudos e investigacións sobre o Cambio Climático na UE’ con outros dous centros de Irlanda e Croacia, unha iniciativa da Fundación Antón Losada Diéguez para xerar innovación nos procesos educativos

O Goberno galego presentou en 2011 a súa proposta para ampliar a Rede Natura 2000 a 15,2% do territorio ante as constantes críticas da Unión Europea; porén, hoxe aínda non se efectuou. Neste tempo xurdiron proxectos eólicos nos espazos previstos para a ampliación, e a Xunta, a través das últimas modificacións legais, recortou a participación cidadá e simplificou os procedementos administrativos das eólicas.

A vida no Planeta estase a tornar cada vez máis complicada. O progreso sen freo do ser humano está a restar espazos ás especies salvaxes, co risco de que esta usurpación se revolva e faga a estadía na Terra case imposíbel. Son retos que a partir de hoxe analizará o Congreso cuadrienal da IUCN, por primeira vez con voz e voto dos pobos indíxenas.