BNG

A eurodeputada nacionalista reiterou o compromiso do BNG coa histórica demanda de que o Sáhara Occidental xestione os seus recursos

Mercedes Queixas instou o Parlamento galego a colocarse “a favor da lingua galega”.  

A fronte nacionalista comezou a planificar o traballo de cara a un novo mandato no que “intensificará, aínda máis, a iniciativa política e multiplicará o traballo a pé de rúa”.

Inés Rei e Francisco Jorquera emprazaron a agardar ás xuntanzas das formacións políticas a nivel interno para comezar a falar da conformación dun posíbel Goberno na cidade herculina.

Pontes di que "non sería desexábel" que Lores non sexa alcalde da cidade do Lérez pero avisa: "O PSdeG non regalará os seus votos".

Sanmartín compareceu esta terza feira ante os medios de comunicación acompañada dos outros cinco integrantes do seu grupo para anunciar estes contactos, tras unhas primeiras chamadas previas para sondar a predisposición.

A suba do nacionalismo foi quen de parar o tsunami da dereita na Galiza. A alza do BNG permitiu compensar a caída do PSdeG e contrarrestar a suba do Partido Popular, que rexistra uns resultados máis discretos que no Estado. Ao tempo, Vox continúa como unha forza testemuñal, o que impide construír á dereita alternativas de Goberno nos principais núcleos de poboación galegos, na liña do sucedido no espazo español. Nesta liña, a suma do voto nacionalista e socialista sitúase claramente por enriba das diversas expresións da dereita.

Os rexedores da Baña, Sada, Ribadavia e Viana do Bolo recuperarán o bastón de mando.

A formación nacionalista proponse conseguir grupo propio no Congreso español.

Tomé dá por cumprido o "obxectivo" a nivel provincial e asegura que os 15 votos impugnados en Friol "non cambiarán as cousas"

A maioría absoluta, sumaríana as candidaturas de BNG e PSOE. Os socialistas perderon tres concelleiros, pasando de cinco a dous, pero o BNG aumentou dun a tres, co que ambas as forzas alcanzarían cinco e a Alcaldía sería para os nacionalistas.

Ana Pontón, portavoz do BNG, compareceu pouco antes das 23 horas, para facer balance dos resultados conseguidos pola formación nacionalista. Uns resultados, dixo, “que nos dan máis motivos para seguir traballando” co fin de abrir “un novo ciclo”.

A campaña electoral dos comicios locais deste domingo chegou esta sexta feira ao seu remate. Alfonso Rueda, Valentín González Formoso e Ana Pontón aproveitaron os últimos momentos da contenda para tentar mobilizar o votante e decantar a importante bolsa de electorado indeciso, que en diversas urbes galegas sitúase arredor de 20%. Precisamente, esta situación e o apartado das proxeccións electorais nalgúns concellos avanzan uns comicios abertos, onde o PP busca recuperar as posicións perdidas en 2019, o PSdeG manter as actuais e o BNG gañar novos Gobernos.

Todo é posíbel na cidade de Lugo. Como sinalou Alfonso Rueda no mitin da quinta feira dos populares na cidade, o resultado decidirase por un “puñado de votos”. Arroxo, Candia e Méndez pelexan por conseguir eses sufraxios necesarios para alzarse coa Alcaldía.

"A noticia desta denuncia non pode coller por sorpresa á Xunta da Galiza, despois das múltiples queixas recibidas polo funcionamento deste centro", afirman desde a formación nacionalista. Persoal do centro, porén, nega en rotundo as acusacións vertidas na denuncia: "Somos profesionais que nos deixamos a pel día tras día para axudar, acompañar e realizar as actividades básicas da vida diaria das persoas usuarias".

Os Ancares, A Fonsagrada e Meira, as comarcas que conforman a área coñecida popularmente como A Montaña, levan máis dun século despoboándose. Un proceso iniciado coa emigración americana das últimas décadas do s. XIX e das primeiras do XX, agudizado coas emigracións europeas da segunda metade do s. XX e acelerado coa reconversión do complexo agrario, após a incorporación do Estado español ao Mercado Común Europeo, antecedente da actual UE. O 28-M, tócalles ás 19.057 veciñas e veciños da zona decidir o camiño a seguir.