dimisión

O portavoz nacional do BNG cre que estamos nun “estado de excepción económica e democrática” após a quita ás preferentes e participacións subordinadas.

Berros de "mentireira" e pola súa demisión foron os que @s traballador@s do centro público lle dedicaron a Rocío Mosquera, deixando claro o seu rexeitamento á Xestión integrada que lles impuxo e que "non recoñeceremos" ningún xerente "se non é da área propia da Mariña"

A directora de Enfermeiría deixou tamén o seu cargo. O presidente da Xunta comprometérase a que o centro sanitario mariñán non perdería nunca a súa autonomía. Agora dependerá de Lugo. O Sergas nomeou xa novo director: o ex xerente do Chuvi, durante cuxa xestión o hospital vigués perdeu 300 mil pacientes de cirurxía cardíaca, derivad@s a Compostela polo incremento das listaxes de agarda

A Asemblea Nacional do BNG é o tema de abertura do número 39 do Sermos Galiza, xa no prelo. O dereito a decidir, no horizonte, é a manchete a toda plana. Partilla espazo coa demisión de Ferrín, o copagamento dos comedores escolares e as arelas dos crentes de base por construír outra Igrexa, moi distante da que simboliza o flamante papa Francisco.

Leron en voz alta as súas reivindicacións, que pasan polo rexeitamento á LOMCE e por aumentar a participación do alumnado nas decisións que atinxen á institución pública

Xosé Luis Méndez Ferrín consumou nesta cuarta feira a súa demisión como presidente da Real Academia Galega.  Ao saír do Pleno, perante a imprensa, afirmou que a institución está "en perigo" e que se acha ameazada "interna e externamente" polo que cualificou como "forzas intransixentes" contrarias á normalización da lingua galega. Pide "ao pobo galego" que defenda a RAG das "ameazas" que, afirma, penden sobre dela. A crise da RAG, lonxe de remitir, agrávase.

O presidente da Academia galega comparece esta segunda feira após asegurar o sábado que "sempre se pode cambiar de opinión", o que se pode interpretar como que abre a billa á reconsideración da súa demisión. En conferencia de imprensa na sede da rúa Tabernas (12 h), Ferrín terá que esclarecer se finalmente abandona a RAG ou se, pola contra, atende as voces que lle piden que continúe, entre elas a da Asociación de Escritores en Lingua Galega e a de Manuel Rivas. Algunhas fontes indican que Ferrín podería anunciar que a RAG vai formalizar o recurso de casación perante o Supremo arredor do chamado decreto do plurilingüismo.

En menos de un mes desenvolverase o pleno que deberá aceptar a carta de demisión de Xosé Luís Méndez Ferrín á fronte da presidencia e o seu abandono do posto vitalicio de numerario.O golpe na mesa do escritor abriu o debate arredor da institución e deitou luz sobre unha grave crise interna.

A carta na que Xosé Luís Méndez Ferrín anuncia o seu abandono da Real Academia Galega revolucionou o mundo da cultura e fixo agromar un conflito con distintas caras que latexaba no interior. Acusacións de nepotismo, presións políticas, intereses económicos e tensións persoais saen á luz.

Ferrín non só demite como presidente, senón que bate na mesa ao deixar o seu posto de numerario na Academia. Contratación de familiares, guerra interna polo control, presións políticas polo recurso contra o decreto da lingua... a demisión de Ferrín tira á luz un enfrontamento interno que dá apaiencia de poliédrico. Henrique Monteagudo, Manuel Bragado, Pilar García Negro, Cesáreo Sánchez e Carlos Callón opinan sobre a situación.

A policía impediu hoxe que a escena galega puidese realizar unha comparecencia perante a imprensa na Agadic, no Gaiás. Perto de cento profesionais do sector voltaron á Cidade da Cultura após teren sido desaloxados onte á noite. Si atenderon os xonralistas ao ar libre, entre os berros dos manifestantes. Exixiron os cesamentos do conselleiro e do secretario xeral de Cultura, Jesús Vázquez e Anxo Lorenzo, respectivamente.

Herrera non quer ir embora. Se del depender, ficará. "O que teña que suceder, sucederá. A miña única obsesión é tirar a equipa desta situación", dixo após perder en Getafe. Alí mandou un recado a Iago Aspas.

Comparecen en Lugo as persoas detidas a pasada quinta feira en Santiago de Compostela. A situación que vive o Concello após as imputacións de boa parte da equipa municipal, deixa a administración local nunha fonda crise de goberno onde o alcalde (imputado) mesmo asume as competencias do concelleiro detido. O BNG exixe a demisión da equipa de goberno "de maneira inmediata" e "na súa totalidade".

O Comité de Empresa afirma que "Beatriz Mato é a responsábel do primeiro despido masivo que vai levarse adiante na Xunta, e supón unha regulación de emprego encuberta, mostra da incapacidade da conselleira de Traballo e Benestar para xestionar o seu departamento"

Domingos Paciência puxo o seu cargo a disposición de Lendoiro ao termo do Depor-Granada (0-3). A xeira do portugués ao fronte da equipa deíxao aos pés dos cabalos. 1 vitoria, 1 empate, 4 derrotas. O treinador luso amaga con demitir mentres se rexistan cargas policiais na contorna de Riazor.

Ducias de persoas concentráronse esta quinta feira ás portas do Concello de Compostela para exixir a demisión do rexedor conservador Ángel Currás, imputado na operación Pokemon canda a concelleira de Educación, Rebeca Domínguez. A concentración, unha chamada do BNG a "limpar o desgoberno", foi secundada por sindicatos e organizacións políticas