Unha enquisa publicada polo ABC sitúa o PP no limar da maioría absoluta e indica que o partido encabezado por Alberto Núñez Feijóo podería reter a Xunta ben por si propio, ben co apoio de Ciudadanos.
Ana Pontón perfílase como a opción con máis hipóteses de ser cartaz eleitoral após a XV asemblea eliminar a incompatibilidade entre portavocía nacional e candidatura.
![[Imaxe: Radio Galega] Buitrón](/asset/zoomcrop,480,270,center,center/media/nosdiario/images/2016/03/06/2016030619275778464.jpg)
O portavoz da xestora de Podemos en Galiza, José García Buitrón, pronunciouse este sábado arredor do debate que ten lugar na Marea sobre as eleccións primarias para elixir candidato ou candidata á presidencia da Xunta. Sobre Beiras, sinalou que agarda que haxa alternativas.
Un día após anunciar Alberto Núñez Feijóo que recunca como candidato do PP á presidencia da Xunta, a responsábel da xestora do PSdeG, Pilar Cancela, deixa a porta aberta a ser a aspirante da formación socialdemócrata a presidir o Goberno galego.
O dirixente de Anova, que esta semana fai 80 anos, considera a súa candidatura pouco verosímil, mais non a desbota por enteiro.
Após a valoración de urxencia no sábado nas redes sociais, a portavoz nacional do BNG, Ana Pontón, criticou este domingo que Alberto Núñez Feijóo recunque como candidato do PP á Xunta. “Está moi lonxe de ser o que Galiza precisa”, apuntou.
PSdeG, BNG e AGE reaccionaron ao anuncio de Alberto Núñez Feijóo de recuncar como candidato do PP á presidencia da Xunta de Galiza. Coinciden as tres forzas en celebrar que rematara o “autobombo” en que estaba instalado o presidente do Goberno galego.
Non houbo sorpresa. O que era un secreto a voces converteuse en realidade na mañá do sábado, cando Alberto Núñez Feijóo anunciou que recuncará como aspirante do PP á presidencia da Xunta. Con esta son tres as veces que Feijóo opta a presidir o Goberno galego.
O alcalde de Vigo, Abel Caballero, un dos pesos do actual PSdeG, descartou este domingo Carmela Silva, presidenta da Deputación de Pontevedra e referente do PSdeG en Vigo, como candidata dos socialdemócrata á presidencia da Xunta.
Co obxectivo de lograr unha candidatura nacionalista para as eleccións galegas, o BNG xa encetou as conversas con entidades e formacións políticas. Así o determinara o conxunto da militancia do Bloque na XV Asemblea Nacional.
![[Imaxe: @braisribeiro] Antón Sánchez](/asset/zoomcrop,480,270,center,center/media/nosdiario/images/2016/03/19/2016031917502510802.jpg)
O coordinador nacional de Anova sinalou este sábado que “non se fala polo de agora de persoas” que encabecen a posíbel candidatura de En Marea ás eleccións galegas, aínda que deixou ver que podería liderar a lista unha persoa que non estea na primeira liña da política.
“Evidentemente, a alternativa –ao Goberno do PP na Galiza- vai ser plural”, así respondeu este sábado Ana Pontón, portavoz nacional do BNG, en relación á un posíbel acordo após as eleccións galegas entre as forzas de esquerdas. Engadiu que o BNG “está aberto a pactos post-eleitorais”.
A portavoz nacional do BNG, Ana Pontón, salienta que o Bloque explora a vía dunha candidatura nacionalista na que teñan cabida todas as persoas nacionalistas de cara ás eleccións galegas.
Todo apuntaba a que así o faría e, finalmente, pasadas as 18h, José Ramón Besteiro anunciaba publicamente a súa renuncia a participar nas eleccións primarias dos socialdemócratas para elixir candidato ou candidata á presidencia da Xunta. Besteiro mantense como secretario xeral malia as dez imputacións que pesan sobre el.
Na mañá do sábado o Consello Nacional do BNG reuniuse por vez primeira após a XV Asemblea Nacional do 28 de febreiro na Coruña. Con esta xuntanza comeza a refundación da organización nacionalista, que anunciou que inicia os contactos para conformar unha candidatura nacionalista para as eleccións galegas.
[ACTUALIZADA ÁS 14.50] Á espera da comunicación oficial, todo apunta a que o secretario xeral do PSdeG, José Ramón Gómez Besteiro, renunciará a aspirar como candidato á presidencia da Xunta de Galiza após coñecérense as súas novas imputacións. Continuará, pola contra, como secretario xeral da formación.
A formación pide aos seus socios, Podemos e IU, nun documento ao que tivo acceso Europa Press, que se reconduza a situación. “Pon en perigo o proceso para as galegas”, chega a afirmar.
