ensino

Así, foron aceptados un total de 8.200 nenos e nenas para o curso 2019/20, o que representa 76% das 10.800 solicitudes presentadas.

En vésperas da primeira das mobilizacións convocadas polos sindicatos educativos contra o protocolo da Xunta para a adaptación do inicio do curso ao contexto da Covid-19, varios colectivos explicitan o seu rexeitamento aos plans da Xunta.

Os sindicatos educativos convocan para a semana vindeira, o día 22, a primeira concentración contra o protocolo elaborado pola Xunta para a adaptación ao contexto da Covid-19 nos centros de ensino galegos de cara ao reinicio do curso, por considerar "inasumíbeis" as medidas e os prazos que se marcan na proposta. 

Os sindicatos da Mesa Sectorial chaman a toda a comunidade educativa a mobilizarse para negociar un novo protocolo para o curso 2020/21

A negativa da Consellaría de Educación a retirar o seu protocolo para o inicio do curso, de cara a incorporar na elaboración a visión do persoal docente e das familias, levou onte os sindicatos do ensino a abandonar a mesa sectorial na que se debatía un documento que ven "temerario", "inviábel" e "alleo á realidade das aulas".

Anuncian unha rolda de prensa conxunta para esta sexta feira na que explicarán “a temeridade e a inviabilidade da proposta da Xunta”.

Pasada a cita electoral, a Consellaría de Educación enviou á comunidade escolar a súa proposta de protocolo para unha volta ás aulas adaptada ao "contexto Covid-19" sen reforzos de persoal nin diminución do alumnado por aula. Os sindicatos avisan de que pedirán a súa reformulación. 

CIG afirma que tivo acceso a mensaxes que ao longo do día de onte, 9 de xullo, se moveron entre profesorado do ensino público, solicitando docentes de lingua galega para corrixir exames de acceso á universidade

Concentracións en Redondela, Bueu ou Cangas. A CIG-Ensino tamén se concentrou en Viveiro e realizou unha acción en San Caetano. Centros, familia e profesorado non merecen este desprezo e silencio por motivos electorais do goberno do PP", censurou o secretario nacional, Suso Bermello. 

Concentracións piden a Educación que se aveña a negociar como vai planificarse o curso que comeza en menos de dous meses e que estará marcado polo coronavirus.

Galiza afronta esta semana unha selectividade de cifras récord de matriculados e matriculadas, nun contexto totalmente marcado pola  COVID-19 e que obrigou a despregar un protocolo sanitario e de seguridade.

"En Viveiro a instalación é boa, hai distancia de seguridade e todas as medidas que se pediron". En calquera caso, o conselleiro de Sanidade indicou que pediu á alcaldesa de Viveiro que se impidan celebracións "multitudinarias" ao acabar os exames porque "aí está o risco".

CIG-Ensino apela directamente á conselleira a que abra “de inmediato” a negociación da planificación para o vindeiro curso

A Plataforma #OPOñomeaestaOPO chama á participación.

CIG-Ensino consultou centros de ensino para coñecer a participación presencial do alumnado de Bacharelato e FP no ‘retorno’ ás aulas, a cuestión sanitaria nas instalacións ou a propia organización laboral.

A Mesa, movementos de renovación pedagóxica, ANPAS e organizacións sindicais deseñan de forma conxunta un modelo de sistema educativo co galego como lingua vehicular e de aprendizaxe