ensino

O Goberno estatal acordou coas Administracións territoriais unha serie de criterios para tratar de garantir que o curso escolar se desenvolva de maneira presencial e coa máxima seguridade. As medidas, aceptadas polas comunidades, pasan por instaurar unha distancia mínima de 1,5 metros entre o alumnado, máis do que a Xunta fixaba no seu protocolo, e pautan tamén o uso de máscara obrigatoria desde os seis anos, ventilación frecuente, lavado de mans, toma de temperatura previa ao inicio da xornada lectiva ou creación de grupos de convivencia estábeis, sen distancia mínima, nas idades temperás.

Os confinamentos por mor da pandemia deixaron sen educación 463 millóns de crianzas, segundo recolle un informe elaborado por Unicef.

As comunidades autónomas e o Goberno estatal lograron un acordo para coordinar as medidas da 'volta ao cole', e pactar un protocolo de mínimos compartido entre os diferentes territorios e aberto a melloras. Euskadi foi a única excepción e explicou que a súa abstención se debe á competencia exclusiva que teñen en materia de Educación.

A CIG denuncia a falta de protocolos "serios" que garantan un inicio do curso seguro

Na mesma xornada na que o presidente da Xunta, Alberto Núñez Feixoo, asegurou que se está a "ultimar" o protocolo do regreso ás aulas, un grupo de familias entregou 2.500 sinaturas nas que exixen poder escoller se o alumnado volve aos centros. Docentes e profesionais defenden a presencialidade en declaracións a Nós Diario, sinalando que os cambios nas medidas están a xerar inquedanza nas familias e nas propias crianzas e adolescentes. 

Sinalan que o procolo dificulta a socialización necesaria para este alumnado, así como o traballo en grupo. Así mesmo, reclaman solución para o persoal especializado na súa atención, que en numerosas ocasións traballa con distintos grupos e centros rachando co concepto da "aula burbulla".

O regreso ás aulas, co coronavirus á alza, preséntase como un conflito capital na Unión Europea: nun prato da balanza, a saúde do alumnado e do profesorado; no outro, a necesidade de educación e de socialización dos primeiros, ademais da función de custodia que cumpre a escola e que permite aos proxenitores poder saír da casa e traballar.

Garantir a seguridade do profesorado e do alumnado, reducir ratios, facilitar a conciliación e contratar persoal son as principais reivindicacións que esta mañá trasladou o portavoz en materia de educación do grupo parlamentar do BNG, Manuel Lourenzo, en rolda de prensa tras unha reunión con representantes da comunidade educativa.

Unhas 12.000 sinaturas recollidas a través da plataforma Change.org avalan as demandas que o profesorado do IES Rodeira de Cangas venlle reclamando á Xunta para unha volta segura ás aulas en setembro. 

A sección de Administración da CIG alerta de que as escolas de Infantil, Primaria, institutos de ESO, Bacharelato, educación especial, escolas de idiomas, conservatorios e Formación Profesional da Xunta abrirán en setembro as súas portas "sen a seguridade suficiente fronte á Covid-19 ao non poder garantirse a hixiene, desinfección e limpeza axeitada das súas instalacións" pola falta de reforzo dos equipos de limpeza.

A Federación Olívica de Asociacións de Nais e Pais de Alumnos de Vigo e Comarca, Foanpas, xunto coa Federación de Asociacións de Nais e Pais de Centros Públicos de Pontevedra, Fanpa, urxen á Consellaría de Educación que inicie unha canle de diálogo para non perder as actividades.

Carmen Pomar avanzou que o comité clínico da Xunta valorará a obrigatoriedade da máscara nas aulas, unha medida que o seu propio protocolo non contempla e que o seu presidente, Alberto Núñez Feixoo, proporá na vindeira reunión dos Gobernos territoriais coa Administración central.

Nun comunicado dirixido ás Consellarías de Sanidade e Educación consideran "pouco acertado que estas tarefas recaian no profesorado, que sen deixar de contar con grandes profesionais, carece dos coñecementos necesarios".

Desde finais do mes de xullo, o departamento dirixido por Carmen Pomar anunciou en varias ocasións a contratación de docentes polo programa ARCO e a raíz da habilitación e creación de unidades escolares, unha medida habitual. En tanto, o protocolo de adaptación ao contexto da Covid da Xunta segue sen contemplar o reforzo do persoal ou a diminución das ratios nas aulas.

"O anuncio da máscara obrigatoria a partir de 6 anos é unha medida insuficiente e coa que busca de novo non investir nin un só euro en redución de ratios e na contratación de persoal docente e non docente, as únicas medidas que poden contribuír a garantir a seguridade e a distancia social na escola", indica nun comunicado.

A poucos días da reincorporación do profesorado aos centros e menos de tres semanas para o inicio do curso escolar multiplícanse as voces que exixen á Xunta que asuma as súas competencias en materia educativa e estabeleza as medidas que dean seguridade sanitaria ao alumnado e o persoal que se incorpore aos centros de ensino en setembro, no canto de ampararse na Administración estatal, á mesma á que lle reclamaba hai uns meses a fin do estado de alarma e a devolución das súas competencias. 

Todo indica que a pandemia da Covid-19 seguirá entre nós canto menos un curso máis. A comunidade educativa de todo o mundo inicia o regreso ás aulas, nalgúns casos até seis meses após de telas que abandonar, con grandes incertezas e co risco real de novos confinamentos. Algúns países xa se están a preparar para esta posibilidade.

Pontón rexeita "cortinas de fume" e pide medidas "eficaces", e Arangüena lamenta que o Goberno galego "non estea á altura" da situación.