As enquisas confirman a forza do nacionalismo en Euskadi e Catalunya e a volta do BNG ao Congreso
As sondaxes publicadas nos últimos días demostran a fortaleza das formacións nacionalistas en Euskadi e en Catalunya. Na Galiza, rexistran a volta do BNG ao Congreso. As nacións sen Estado seguen a fechar as portas ao ultraespañolismo de Vox.
O sector de ERC de Tardá e Rufián defende gobernar Catalunya cos comúns
O bloque independentista, en disposición de aumentar a súa maioría absoluta en Catalunya
Rufián pide diálogo a PSOE e UP e xulga "naif" o "non a todo" e o "bloqueo a España"
O Gabriel Rufián máis conciliador e tépedo emerxeu esta terza feira na tribuna do Congreso. O portavoz de ERC chamou a PSOE e a Unidas Podemos a chegaren un acordo para evitar dar unha nova oportunidade aos "trillizos" da dereita, dixo en alusión ao tamén chamado trifachito. O dirixente republicano aproveitou o debate para marcar distancias coa estratexia de JxCat: cualificou de "naif e irresponsábel" situarse no "non a todo" e no "bloqueo a España".
Rufián descarta liñas vermellas e deixa ver que ERC podería viabilizar a investidura de Sánchez
Mudanza sustancial no ton de ERC. Se na tramitación dos orzamentos cuxa caída precipitou o adianto electoral, a formación republicana ligaba o seu voto afirmativo á situación dos presos políticos, nos primeiros compases da negociación da investidura de Sánchez a impresión é que non haberá liñas vermellas. "Non vimos coa intención de bloquear absolutamente nada", dixo Gabriel Rufián aos medios após terse visto coa portavoz socialista Adriana Lastra.
Maragall insta Colau a que decida entre ERC e PSC
ERC non quer un tripartito progresista tal e como defende Colau. E non o quer porque baixo o seu punto de vista o PSC en Catalunya está lonxe de ter unha postura progresista, ao ter apoiado o 155 e non se desmarcar da ofensiva xudicial contra o independentismo. Maragall contra-atacou cunha oferta de goberno bipartito case simétrico cos comúns, con el na alcaldía.
Junqueras, cabeza de lista de ERC ao Congreso
Oriol Junqueras será o candidato de Esquerra Republicana de Catalunya (ERC) ás eleccións xerais. Ademais, na mañá desta quinta feira era confirmado candidato da Alianza Libre Europea -onde se integra a coligazón de BNG, ERC e EH Bildu-.
O bloque independentista catalán emenda os orzamentos pactados por PSOE e Podemos
A ruptura está cantada e salvo xiradela imprevista de última hora os orzamentos de Pedro Sánchez, pactados con Podemos, non superarán o primeiro trámite, o da votación das emendas á totalidade. ERC e PDeCAT anunciaron esta segunda feira senllos vetos. O adianto electoral para este outono xa é un dato que se comeza a dar por amortizado nos cenáculos políticos e mediáticos madrileños.
"Agora Repúblicas é a Galeusca do século XXI"
Agora Repúblicas é a marca conxunta coa que concorrerán BNG, EH Bildu e ERC ás eleccións ao Parlamento europeu. As tres forzas farán tamén campaña propia, con lemas e identidade gráfica específicas, en cada un dos territorios. "Agora Repúblicas é a Galeusca do Século XXI", resumiu Ana Pontón. Interpelados pola imprensa por unha eventual incorporación de Anova á plataforma, EH Bildu e ERC remitíronse ao dito esta cuarta feira pola líder soberanista galega (basicamente que non hai proposta concreta que valorar). "O meu maior respeito á posición do Bloque", dixo Jon Juaristi.
BNG, ERC e EH Bildu presentan oficialmente a súa candidatura conxunta para as Europeas
O acto contará coa presenza da candidata nacionalista galega, Ana Miranda, de Josu Juaristi, por EH-Bildu e de Diana Riba por ERC. A marca xeral barallada é a de Agora Repúblicas, se ben cada formación terá o seu propio perfil nos seus países.
O BNG proclama Ana Miranda candidata ás eleccións europeas
[Actualizada ás 14.50h] O Consello Nacional do BNG decidiu de maneira unánime que Ana Miranda, actual europarlamentar da forza nacionalista, sexa a cabeza de lista do Bloque ás europeas, eleccións ás que concorrerá en coalición con ERC e EH-Bildu.
As bases do BNG aproban a candidatura conxunta con ERC e Bildu para as Europeas
A proposta tivo o apoio nas asembleas de máis de 90% da militancia. O Consello Nacional referendará esta decisión das bases na reunión deste sábado.
ERC reafirma a súa aposta na "vía catalá", democrática e pacífica
O apelo á vía eslovena formulado este domingo por Quim Torra no acto de constitución do Consell per la República non achou eco nas filas de ERC. Quer o president do Parlament, Roger Torrent, quer a portavoz do partido, Marta Villalta, reafirmaron esta segunda feira a súa aposta na "vía catalá", un conduto polo que queren transitar desde o "pacifismo, o civismo e a democracia".
BNG, ERC e Bildu avanzan cara a unha candidatura conxuntas ás europeas
Representantes das direccións políticas das tres formacións mantiveron un encontro esta sexta feira en Santiago de Compostela.
EH Bildu proporá á súa asemblea presentarse ás europeas co BNG e ERC
A dirección da coalición abertzale levará esta proposta á reunión do 14 de decembro en Donostia.
47,8 por cento a favor da independencia de Catalunya
ERC continúa por diante, e bastante, de Junts per Catalunya. Así o volta a ditaminar a demoscopia, desta vez o Centro de Estudos de Opinión da Generalitat. As voces favorábeis á independencia van a máis: obterían 47,8 por cento dos votos, un punto por cima do barómetro de xullo.
Unha bronca parlamentar resulta na expulsión de Rufián
Rufián nunca deixa indiferente ninguén e esta terza feira, menos que nunca. O deputado de ERC dirixiu grosas palabras ao ministro de Asuntos Exteriores, Josep Borrell, e após ser chamado reiteradas veces á orde pola presidenta do Congreso, Ana Pastor, foi expulsado da cámara. Borrell acusou o deputado de Esquerra Joan Capdevila de cuspirlle na cara cando abandonaba o hemicilo. ERC négao.
Feixoo ataca con dureza a hipotética coalición dos soberanismos catalán, vasco e galego
Feixoo reproba que ERC, EH Bildu e BNG negocien unha candidatura conxunta para as eleccións europeas de maio. Non entende o presidente da Xunta que se "xunten" formacións que representarían en Europa "o estado que queren destruír".
Tardà anuncia que ERC negocia unha candidatura "co independentismo de Euskal Herria e co BNG"
O portavoz de ERC no Congreso rexeita un acordo con Junts per Catalunya —Carles Puigdemont chegou a ofrecerse como número 2 dunha lista con Oriol Junqueras como cabeza de cartaz— co argumento de que o conveniente é que nas eleccións europeas "as esquerdas [soberanistas] vaian coas esquerdas".