EUA

O presidente dos Estados Unidos, Donald Trump, reúnese cos líderes dos principais partidos de Israel e desvélalles a súa esperada folla de ruta.

A vitoria do independentismo nas eleccións en Taiwán supuxo un xerro de auga fría para as arelas reunificadoras de Xi Jinping. Ademais, a presidenta taiwanesa, Tsai Ing Wen, recibiu o respaldo dos EUA, que pasearon esta sexta feira un dos seus buques de guerra polo conflitivo estreito de Taiwán. 

O pasado mes de setembro facíase pública a información que implicaba o presidente dos Estados Unidos nun caso de abuso de poder. Catro meses despois, Donald Trump senta no 'banco dos acusados' coa seguridade de que —malia as novas evidencias achegadas esta semana— será absolto pola maioría republicana do Senado.

O Irán atacou na madrugada desta cuarta feira, 8 de xaneiro, dúas base militares estadounidenses no Iraq. Con todo, a represalia polo asasinato do xeneral Soleimani foi moderada. Tanto que Trump non contraatacará militarmente polo de agora, aínda que si impuxo novas sancións.

Unha vintena de mísiles impactaron en Ain Al Asad e Erbil, 2 das 5 bases con presenza de tropas estadounidenses en Iraq.

As exequias do xeneral Soleimani reuniron onte en Teherán varios centos de miles de persoas, que reclamaron "vinganza", mentres que o Goberno dos EUA mantén as espadas ─e os drons─ en alto.

A invasión de Panamá polo Exército dos EUA hai esta sexta feira, 20 de decembro, tres décadas deixou numerosas vítimas civís e varias interrogantes. O país conmemorou a data nunha xornada de Dó Nacional.

A Cámara de Representantes aprobou na cuarta feira, 18 de decembro, nunha histórica sesión, abrir un impeachment ou procedemento de destitución no Senado contra o presidente, Donald Trump. Mais en que consiste esta fórmula?

O presidente estadounidense afronta os cargos de "abuso de poder" e "obstrución ao Congreso". É o terceiro mandatario xulgado no Senado.

A Cámara de Representantes estadounidense, tal e como se agardaba, decidiu acusar esta terza feira, 10 de decembro, o presidente do país de abuso de poder e de obstrución á Cámara baixa.

Os Papeis do Pentágono, publicados primeiro polo New York Times en 1971, revelaron que o Goberno de Lyndon B. Johnson mentira sobre a actuación dos EUA na Guerra de Vietnam. Agora é o Post quen saca á luz que a Casa Branca vén mentindo desde 2001 sobre o seu rol na aínda activa Guerra afgá. Unha información posíbel grazas á Freedom of Information Act, a lei de acceso á información que rexe nos EUA e da que carece a nosa lexislación.

A presidenta da Cámara baixa, Nancy Pelosi, deu a orde de que os representantes 'demócratas' redacten os cargos, dentro do proceso de impeachment ou destitución polo caso da Ucraína.

O ciclo de faladoiros que se desenvolven na Deputación de Pontevedra botou a andar cuarta feira, 20 de novembro, coa primeira sesión.

A decisión da Administración estadounidense de considerar que as colonias israelís en Cisxordania están en concordancia co dereito internacional -en contra da posición bipartidista común de máis de catro décadas en Washington- súmase a outras medidas do actual presidente que inclinan a balanza cara aos intereses de Israel no conflito con Palestina. Alén disto, o inquilino da Casa Branca bótalle un xeneroso cabo ao primeiro ministro en funcións, Benjamin Netanyahu. 

O ex presidente estadounidense sinalara que había que ser «conscientes da realidade» e que «o americano medio non cre que haxa que acabar co sistema».

Os Gobernos da China e dos Estados Unidos terían pactado cancelar en distintas fases e de xeito proporcional as respectivas subas de aranceis implementadas durante os meses de enfrontamento que manteñen ambas as dúas potencias, segundo anunciou o Ministerio de Comercio chinés.

En Teherán, miles de persoas marcharon desde primeira hora da mañá fronte a antiga delegación diplomática estadounidense, no centro da capital, con pancartas tamén en contra de Israel e de loanzas ao Islam.

A retirada das tropas estadounidenses deu carta branca ao Goberno de Erdoğan para unha invasión arelada dende hai tempo.