Feministas de máis de 10 países reúnense esta semana en Vieira do Minho no III Campamento de mullres novas, impulsado pola Marcha Mundial das Mulleres. Este encontro naceu da cooperación das coordenadoras nacional galega e portuguesa da MMM
Coa dor aínda ben viva en Compostela polas mortes da curva de Angrois -un absurdo accidente froito da mestura entre imprudencias e recortes asasinos en seguridade ferroviaria que afogou, na dor polos preto dos 80 mortos, a ledicia das festas compostelás e as manifestacións do día da patria-, a gaita soaba melancólica na igrexa da Compañía de María, a carón do vello edificio da Universidade compostelán, co son do himno do antigo Reino de Galiza para dicirlle o derradeiro adeus da familia, irmás de congregación e numerosas amigas e amigos a unha monxa atípica: Herminia Estoa Bouso.
A acción está convocada na Coruña e Compostela para a segunda feira, 22, e reivindica o dereito de todas as mulleres a decidiren cando e como ser nais, "tamén das solteiras e lésbicas". Sanidade aprobará ao día seguinte un documento onde ambas as dúas fican fóra da reprodución asistida na pública
O domingo péchase o prazo para recibir microproxectos culturais na convocatoria para seren financiados no programa Música en Branco que se desenvolve na Coruña. A oitava barriografía, unha nova camiñada de Paseos polo Barrio e o Contedor de Feminismos despide a iniciativa pola memoria sonora do Orzán até o outono.
A catedral de Santiago rodeada de feministas. A imaxe é metáfora da reivindicación que levou a milleiros de persoas a se manifestar en Compostela para esixir o aborto libre e gratuíto e mostrar a oposición á reforma do PP con Gallardón á fronte.
Sermos Galiza ofrece un caderno de análise arredor da rebeldía lilá e galega en pé contra a perda de dereitos para as mulleres. Coa inminente reforma da lei do aborto abordamos o 'poder do noso non'
Esta semana diversos medios de comunicación fixéronse eco dun reprobábel comentario dun concelleiro do BNG no seu blog persoal. Nunca entenderei a necesidade de usar o sexismo para descualificar a actuación política de ningunha muller. Existen causas e razóns políticas suficientes para criticar a Soraya Saénz de Santamaría, sen necesidade de recorrer ao tópico e vulgar machismo. Non houbo conivencia nin xustificación por parte do Bloque con este comportamento, e en todo caso, esta persoa recoñeceu a gravidade do feito e demostrou que non todos e todas somos iguais. Como ben dixo o xa ex- concelleiro, “dimitir non é un nome ruso”, asumiu o erro e actuou en consecuencia. Actitude que contrasta co que fan outras forzas políticas. Pensemos senón na cantidade de cargos públicos do PP imputados por presuntos delitos que se manteñen no seu cargo, ou na frivolidade do Presidente da Xunta que se nega a dimitir após publicárense unhas fotos que descobren as súas amizades perigosas.
A Comisión de Igualdade do Consello da Cultura Galega vén de presentar o informe “Recuperación da documentación e memoria do Movemento Feminista Organizado en Galicia”, resultado de anos de compilación de documentacións e distintos materiais das organizacións feministas. As autoras, Carmen Pérez Pais e Mariam Mariño identificaron 88 entidades na historia recente do momento.
A directiva organización independentista chamou á converxencia das luitas populares e do soberanismo galego e de esquerda nunha rolda de imprensa realizada en Compostela
A Marcha Mundial das Mulleres presenta a concurso unha figura feita con xestas, fentos e piñas acompañada dunhas coplas en que se revolveron contra a lei do aborto que prepara Gallardón, contra os recortes no ensino público, contra o peche de comedores escolares e até contra os paseos de Feijóo no iate do narco Dorado
O Mentireiro, un local que acaba de abrir no número 12 da rúa Beiramar, na Coruña, acolle a mostra "As Atochas resiste!", unha perspectiva colectiva e feminista do maltratado barrio da cidade.
A revolta e o punk son perigosos para as autoridades. Cando o grupo feminista Pussy Riot cantou na catedral ortodoxa de Cristo Redentor, en Moscova "Nai de Deus, líbranos de Putin", o pasado 21 de febreiro, activaron os mecanismos represores do goberno ruso. Hoxe coñeceuse a sentenza.
