Ferrolterra

Faros en antigos lugares de defensa.

O Concello de Valdoviño (Ferrolterra) vén de informar de dúas intervencións na praia da Frouxeira nas que o persoal do servizo de salvamento tivo que rescatar sete bañistas a pesar de que o baño estaba prohibido por haber bandeira vermella, o que non impediu, aseguraron fontes municipais, que a entrada á auga de persoas fose constante ao longo da xornada. A primeira intervención produciuse arredor das 17.30 horas, cando os socorristas auxiliaron un pai e ás súas dúas fillas menores de idade. Só 40 minutos despois volveron actuar para axudar outro home e o seu fillo, así como a dous acompañantes. Ningún dos afectados requiriu de asistencia sanitaria. Estes rescates súmanse aos cinco que se rexistraron a semana pasada en varios areais de Valdoviño.

Nos comicios do 28 de maio os socialistas perderon a maioría absoluta baixando de sete a cinco actas, e precisamente esas dúas gañáronas os nacionalistas, que duplican así a súa representación até un total de catro.

Non descartan emprender mobilizacións.

Os técnicos do Cemma cren que a morte do animal puido deberse a que quedou enganchado en aparellos de pesca.

Acabou impactando contra a igrexa de Santa Eulalia de Liáns, en Oleiros.

O presidente do comité de empresa de Siderurxia Megasa en Narón, Carlos Bascoy (UXT), destacou esta cuarta feira a tranquilidade entre o persoal, despois de que se coñecese que o día 8 a planta sufriu unha fuga dunha fonte radioactiva de Cesio-137, o que obrigou a paralizar a produción. Bascoy sinalou que o comité "estivo informado en todo momento, tanto pola dirección de empresa como polas reunións que se mantiveron co Consello de Seguridade Nuclear (CSN)", do incidente. "Agora o CSN fala das medicións dos traballadores, mais nun primeiro momento, nas reunións mantidas non se nos falaba de que fose nada relevante, todo o contrario". "No noso caso ninguén está exposto, o material que deu alarma, cuns valores moi baixos, está perfectamente illado, polo que non se pode achegar ninguén", destacou. Polo momento, a produción está paralizada e hoxe cumprirase unha semana sen actividade, descoñecéndose por agora cando se poderá retomar.

A empresa ten parada a produción de aceiro e o sistema de extracción de po de fume. Os materiais contaminados fican illados e acordoados no interior da planta.

Salvo sorpresa, Evaristo Deus (BNG), será investido alcalde o 17 de xuño.

O proxecto abrangue os concellos de Cariño, Cedeira, Cerdido, Moeche, Ortigueira, San Sadurniño e Valdoviño.

O EuroParaSurfing, a maior proba de surf adaptado do continente, chega a Valdoviño (Ferrolterra) o próximo 1 de xullo. Alí estará o galego Dani Souto, que fai o seu regreso ao circuíto europeo despois de superar un cancro nun ollo, o que, ao tempo, levouno a voltar a un deporte do que levaba afastado xa 20 anos.

As comarcas de Ferrol, do Eume e de Ortegal conviven cunha crise estrutural desde hai catro décadas. Un proceso comezado a inicios dos anos oitenta co desmantelamento do complexo naval da ría de Ferrol e que tivo continuación até a actualidade. O seu impacto é doado de seguir nas cicatrices deixadas na realidade social destas comarcas, da que é un exemplo a perda da poboación. Neste contexto, 186.098 persoas prepáranse para decidir o futuro dos seus municipios.

Asiste a actos en Fene, Neda e Oza-Cesuras.

Este tramo vírase afectado desde o pasado 10 de abril por unhas obras que Adif dá por concluídas esta terza feira.

Un informe elaborado pola Universidade de Santiago de Compostela alerta dos factores que lastran a producción marisqueira da ría de Ferrol.

Será o 28 de abril no Teatro Jofre e está promovido pola Comisión promemoria de Ferrolterra.

Leva catro anos á fronte da alcaldía, pero o socialista Ángel Mato (Ferrol, 1971) ten experiencia anterior como responsábel de Urbanismo no goberno que encabezara Vicente Irisarri (2007-2011), e do que formou parte Yolanda Díaz até a ruptura da coalición. Mato gobernou en minoría con apoios de Ferrol en Común e BNG na investidura e para sacar adiante uns orzamentos en 2021.