galego

Alén dunha manchea de apelidos que serán abordados nestas liñas, trataremos aquí os “máis” galegos de todos: Galega, Galego e Galegos. A forma feminina está na actualidade desaparecida, aínda que fican varias referencias nos documentos antigos. Por outra banda, ademais de facer mención do gaiteiro Raúl Galego queremos lembrar aqueles trobadores do noso país que estiveron ao servizo do duque de Arjona (1388-1430). Segundo Íñigo López de Mendoza, o marqués de Santillana, son os seus nomes: Afonso de Moraña e Xoán de Gaioso. 

A presenza de galego, éuscaro e catalán nas grandes plataformas de televisión por internet é case nula nun momento en que servizos como o de Netflix, HBO ou Disney+ están entre as escollas principais das consumidoras de audiovisual. O proxecto de lei que prevé regular o sector nos próximos anos non reserva cotas específicas para os idiomas oficiais, alén do castelán, no Estado español malia a demanda expresa de axentes pola lingua e Gobernos territoriais, e o deber de preservar a "diversidade cultural" e a "pluralidade lingüística". Un paso necesario para asegurar o futuro do idioma ligado ao da propia industria.

"No marco das competencias deste Goberno, estamos a traballar no borrador da distribución horaria das diferentes materias, e nel daremos máis importancia á lingua castelá", declarou Pilar Alegría.

Os fenómenos lingüísticos comúns á lingua falada ao norte e o sur do río Minho foron entre o século XVI e XIX criticados polos gramáticos e ortografistas portugueses, que os consideraban vicios de pronunciación norteños. A construción nacional portuguesa, coma a española, relegou o galego á posición de fala corrupta. Xosé Manuel Sánchez Rei reivindica este portugués esquecido, coa súa continuidade até a actualidade, no seu último ensaio, publicado por Laiovento. E defende que a normativa do galego se achegue máis a esa tradición galego-portuguesa. 

Rebeca Domínguez é unha ilustradora coñecida pola súa marca “Son un toxo e máis”. Os seus deseños, que xuntan ilustracións e trazos minimalistas con pequenos lemas en galego, pódense ver polas rúas, estampados en diferentes pezas de roupa como suadoiros ou camisetas. Rebeca leva desde pequena vencellada ao mundo da ilustración, aínda que nunca recibiu formación académica neste eido. Para ela, o seu obxectivo é duplo: desfrutar da súa paixón ao tempo que pon en valor o galego.

O texto non reserva cotas específicas para as linguas cooficiais do Estado.

Traballadores e traballadoras do sector audiovisual da Galiza instan a TVG a mudar as súas políticas e a protexer a ficción en galego.

As linguas cooficiais do Estado español foron excluídas da Lei Xeral de Comunicación Audiovisual para ver garantida a súa protección nas plataformas de contidos á carta. O proxecto non recolle ningunha das demandas a favor do  galego, euskara, catalán, segundo adianta 'El Periódico'.

Moraima e Siri fixéronse virais nos últimos días a conta dunha conversa entre a nena, de tres anos, e o asistente virtual de Apple. Unha cháchara distraída e natural entre unha crianza que usa o galego e reivindica a súa fala e un dispositivo intelixente que, malia a todo, resulta menos brillante que a cativa. Siri non entende. Sabe moitas cousas pero galego aínda non. A brincadeira converteuse nun fenómeno singular que dá conta da carga emocional da lingua mais tamén das eivas que desatenden o uso do galego, e non só no ámbito da intelixencia artificial.

A directora de 'Nós Diario', a xornalista María Obelleiro, tivo oportunidade de debater sobre as linguas nos medios de comunicación con seus homólogos en 'Berria' e 'VilaWeb', Martxelo Otamendi e Vicent Partal, respectivamente.

Os Premios Youtubeiras, organizados polos servizos de normalización lingüística de dez concellos, das tres universidades e da Deputación da Coruña, abren o prazo de inscrición para a súa quinta edición

A lingua galega desempeña un papel residual na Educación Infantil, onde semella ser un idioma estranxeiro en vez do propio. Para mostra, o material didáctico que se emprega, de maneira maioritaria, en 6º de Infantil.

Uxío Broullón é un ilustrador e deseñador gráfico que xunto con Isaac González dirixe e xestiona o proxecto “Podgalego”, un directorio no que as interesadas no mundo do podcasting poden atopar todos os podcasts en lingua galega dos que os seus xestores teñen constancia. No directorio, ademais dunha ficha técnica con datos de cada programa, tamén se poden atopar diversos recursos tanto para as persoas ouvintes como para as creadoras de contido. Para Broullón, non é un traballo, senón unha actividade relaxada.