galego

"Somos asturianos de  fala  galega”, defínense desde Axuntar, Asociación  prá Normalización do  Galego de Asturias, que se reuniu co director xeral de Política Lingüística do Principado de Asturias.

España é, con Francia, o que máis garantías esixe a plataformas dixitais como Netflix para promover o seu idioma. Mais faino, en detrimento das outras linguas oficiais propias do Estado español, que fican desprotexidas. No caso do galego, tan só se ofrece unha serie das 4.339 na lingua propia da Galiza.

Este 4 de novembro, na sede do Consello da Cultura Galega, a vixésimo terceira edición dos Encontros para a Normalización Lingüística abordarán a creba da transmisión interxeracional, que todos os  expertos e informes consideran un dos principais problemas que ameazan a pervivencia da lingua nun futuro inmediato.

A festividade de Defuntos devolve aos cemiterios unha actividade máis intensa da habitual. Son espazos de convivencia diarios que a Asociación de Funcionarios para a Normalización Lingüística busca galeguizar desde hai case tres décadas. A memoria do país debe ser recoñecida no seu propio idioma, non nunha lingua allea.

Mentres se loita pola inclusión da lingua galega en todo tipo de plataformas audiovisuais, se debate sobre os termos "Galiza" e "profunda" e se procura avanzar cara a fin da toponimia deturpada, moitas son as palabras do idioma propio do país que chaman a atención da cidadanía. Sabías que as buscas recorrentes quer esta semana, quer este mes na Real Academia Galega foron "pene" e "busca", por esta orde?

O Goberno galego remite un correo electrónico para alertar dun erro no sistema de envío masivo e volve escribir de forma incorrecta varias palabras da lingua propia do país. Estes problemas da Administración pública da Galiza non deixan de chamar a atención das e dos cidadáns.

A Xunta e a Universidade de Santiago de Compostela (USC) asinarán a próxima semana o primeiro convenio para o desenvolvemento do programa que pretende introducir a lingua galega nas contornas informáticas nos que os usuarios interactúan a través da voz, como as aplicacións Siri ou Alexa.

Tres meses despois de ser inaugurada a exposición “Galicia Futura” a Xunta da Galiza aínda recolle en páxinas web institucionais un erro que chamara a atención das persoas usuarias: “Como che imaxinas a Galicia futura?”.

A proposta de reforma do Estatuto de Asturias sitúa outra vez en primeiro plano a situación da variante eonaviega do galego. Unha alternativa que na opinión do movemento a prol da normalización do idioma fixa un trato discriminatorio para as 50.000 persoas residentes no espazo xeográfico e cultural delimitado polos ríos Eo e Navia.

Unha das partidas que se reducen no proxecto de orzamentos da Xunta da Galiza para 2022 é a dedicada á normalización lingüística. A promoción do galego recibe 3 millóns de euros menos que en 2021, ao pasar dos 13 aos 10.

Adriana Romero é unha ciberactivista que abordar temas como o feminismo, o galeguismo ou a igualdade LGTBIQ+. Baixo o nome de “Galiza en pé”, Romero posiciónase de modo claro en contra das inxustizas sociais e a prol dos colectivos máis desfavorecidos. Considera que as redes son unha ferramenta moi útil para concienciar sobre temáticas que afectan no día a día a moitas persoas.

"Carretando" é un proxecto de divulgación sobre a política galega. Baixo o formato do podcast, as súas integrantes -Carmen, Pablo, Román, Yannick, Adrián, Lorena e Julio- pretende analizar a actualidade e a evolución dos últimos corenta anos da política do noso país dunha maneira crítica e reflexiva, á vez que integran novas voces nun ámbito que tradicionalmente só era tratado polos medios hexemónicos da Galiza. Despois dunha primeira tempada con tres episodios, recuperan o ritmo e traen novidades.

Para a Mesa, as deturpacións dos topónimos pretenden "borrar a Toxa e os nomes de todos os lugares que se denominan en galego". Este sábado tamén se celebrou unha marcha en Uviéu a prol da oficialidade do galego-asturiano.

Ducias de persoas amosan, a través de rechíos, a súa preocupación polo uso do galego en caixeiros dun centro comercial de Vigo. A advertencia dos erros xurdiu por parte dun usuario que lamentou que as grallas sempre aparezan na lingua propia. A Mesa pola Normalización Lingüística xa se ofreceu a levar adiante esa denuncia.