galego

Cristina López puxo en marcha “A Fala da Avoa” en Instagram e Twitter co obxectivo de recompilar os refráns e ditos populares da Galiza. Nesta iniciativa pódense ler moitas das frases feitas que as nosas devanceiras empregaban de maneira cotiá para falar do día a día, e que hoxe están recollidos en recompilacións como as de Xesús Ferro Rubial e Federuci Zamora Mosquera, entre outros. Ademais, Cristina López acompaña os ditos con fotografía de diferentes paisaxes naturais e arquitectónicas da Galiza.

O galego de Asturias tan só contaba cunha serie de vocabularios dalgúns concellos ou lugares, mais ningún proxecto comarcal no seu conxunto. Agora vén de saír á luz o 'Dicionario do galego de Asturias', a suma da análise desas fontes publicadas, da man do profesor e investigador Carlos Xesús Varela Aenlle.

Naira Ferreiros é unha estudante que deseñou e creou o seu proxecto “Hexageradas”, unha pequena tenda de produtos téxtiles, entre outros, que aposta polo consumo ético e sostíbel. Naira é ademais unha firme defensora do feminismo interseccional, e as pezas que ela mesma confecciona son unha mostra clara dos seus valores, entre o feminismo e o nacionalismo galego. Ademais de na súa conta de Instagram, tamén se pode atopar en ETSY, un mercado dixital creado para as tendas de produtos artesáns.

No concurso paralelo que promove o medio Eurovision-Spain.com, quedou seleccionada como primeira finalista a canción "Figa", que está en galego. Finalmente, esta cuarta feira transcendeu que foran as elixidas por diante doutras 11 candidaturas. Ademais, as e os expertos elixiran tamén temas de Verto, Sen Senra e Baiuca.

“Viaxantas” é un podcast en lingua galega que trata sobre viaxes, experiencias e boa comida. A súa creadora, a xornalista Cristina Terceiro, percorreu o mundo e a Galiza, visitando lugares máis coñecidos e algunhas paraxes e “paraísos” menos habituais. Para Terceiro, o feito de viaxar é unha oportunidade perfecta para entender mellor como funciona cada rexión e cada cultura, ao tempo que abre os ollos de como é a nosa propia cultura. “Viaxantas” está dispoñíbel en Spotify, iVoox e ApplePodcasts.

Mentres na Galiza o trunfo dos militares sublevados en xullo de 1936 era un feito e daba comezo unha caza ao home, en Euskadi centos de paisanos galegos botábanse ás rúas para defender a legalidade republicana perante os golpistas. Aquí comeza a historia da loita dos galegos incorporados ao exército de Euskadi.

Emigrantes galegos cun certificado de antíxenos na lingua propia quedaron en terra nas últimas datas por non presentar a documentación en inglés francés ou castelán, como fixa a lexislación británica.

O Sergas convoca a vacinarse contra a Covid con mensaxes só en castelán

A Mesa pola Normalización Lingüística lamenta esta elección de palabras para a campaña publicitaria após unha denuncia chegada a través da Liña do Galego. Algunhas usuarias xa criticaron que os carteis circulan por toda a Galiza.

Laura e Cristina son dúas rapazas que comezaron a divulgar contido gastronómico en galego a principios de ano. A través dunha conta chamada “Como arrecende”, comparten receitas e consellos sobre cociña nas redes sociais Instagram e Twitter. Buscan que existan máis publicacións sobre gastronomía nas redes sociais en lingua galega, para achegar o seu gran de area ao proceso de normalización da lingua en ámbitos menos habituais, como é o mundo culinario nas novas redes.

A deturpación da toponimia é unha das queixas máis recorrentes entre a cidadanías, nas redes sociais mais tamén ante a Valedora do Pobo.

 

O pasado ano A Mesa mantivo conversas coa empresa nas que se mostrou un compromiso por reverter a situación, sinala MNL.

 

Compostela, Trasancos, Vigo, Lugo e A Coruña. Son os lugares de acollida das cinco escolas Semente diseminadas pola Galiza, "parte dun alargado ronsel galeguista" no que a rede asociativa impulsora das bases dunha Escola Nacional Galega, en 2011, salienta as primeiras Escolas de Ensino Galego fundadas en 1923 polas Irmandades da Fala. 

Aleksandr Dziuba é un cidadán ruso que vive na Galiza e que acaba de confeccionar e publicar na web o primeiro dicionario bilingüe ruso e galego. O seu obxectivo é crear unha ponte exacta entre a lingua romance e a lingua eslava, con vistas a facilitar a aprendizaxe persoal e o traballo de moitas persoas nas que conflúen as dúas linguas. Aleksandr, nun galego fluído, explica que a nosa é unha lingua máis rica aínda do que se recolle no dicionario da RAG, e que no seu dicionario quere deixalo patente.
 

Oito filmes serán distribuídos na provincia da Coruña, películas galegas ou dobradas ao galego que se poderán gozar nas pantallas tanto públicas como privadas.