música

Hedonista e asollado, bailábel e entusiasta, así e o novo videoclip de Brais Morán (Ourense, 1983). Disque ao So(u)l titúlase a canción, unha viaxe á xeografía en que soul se funde coa música disco, de ecos setenteiros e forza irrefreábel.

O novo disco dos de Esteiro poderá descargarse a partir desta sexta feira, 4 de outubro, nas principais plataformas dixitais. O formato físico chegará no concerto de presentación que terá lugar en Compostela o 31 de outubro, única cita na Galiza.  

Balada de Verán é o novo adianto de ‘Inmersión’, un tema con Lisandro Aristimuño e Germán Díaz. Vídeo no Interior.

 

Un festival “gamberro pero rigoroso”. Así se autodefine Curtocircuíto, a mostra de cinema que, do 28 de setembro ao 6 de outubro, achega a Compostela máis de 130 filmes á marxe das correntes principais. “O noso programa comprométese coa calidade artística, as últimas tendencias cinematográficas e a interdisciplinariedade”, asegura a organización. Presentou o seu contido este 19 de setembro.

A segunda edición do Ames Jazz contará con dúas das propostas máis interesantes da escena galega: o Xacobe Martínez Antelo Trío e Mónica de Nut con Virxilio da Silva á guitarra. Será no Pazo da Peregrina a sexta feira, 20 de setembro, a partir das dez e media da noite.

O un de decembro de 1968, no Teatro Capitol de Compostela, o poeta Manuel María presentou un monllo de cantautores militantes: Benedicto, Xavier, Guillermo Rojo, Xerardo Moscoso, Vicente Araguas e Miro Casabella. Aquel concerto antifranquista quedou para a historia como o do nacemento da Nova Canción Galega. A homenaxe anual a Manuel María Lúas de Outono conmemórao o vindeiro 25 de setembro no Teatro Rosalía de Castro da Coruña.

O seu campo de especialización é o das diversas e inesgotábeis músicas estadounidenses, por veces máis ou menos de raíz. Os cinco concertos que compoñen o Outono Códax Festival son unha nova proba, que se poderá testar en diversas salas de Compostela entre o 15 de outubro e o 1 de decembro.

Nas músicas expostas no Festival WOS de Compostela a norma é rachar as normas. Polo menos as normas que usualmente delimitan os sons e as melodías máis difundidas. Pero o WOS ten outros obxectivos: “Un programa de propostas en torno ao risco, a exploración, a arte contemporánea e dixital, o contraste entre tradición e innovación, e o diálogo entre disciplinas”. A súa sexta edición comeza esta cuarta feira, 11 de setembro, e remata o domingo 15.

Máis de vinte concertos de artistas de oito países distintos e ducias de actividades por descubrir compoñen a programación da XV edición do Cantos na Maré. O festival celebrarase en múltiples espazos da cidade de Pontevedra. Mayra Andrade e Enredadas, Clara Peya e Maria João, Bia Ferreira, Vivi Pozzebón, Brasil Dub, Napalma, Assa Matusse, Laura Lamontagne, DJ Mil e Mohammed Yahya, o Coro da Marinha, As Cantigas de Elena e Zeltia Irevire, son algunhas das artistas que actuarán.

“Cal é canción dos afogados / que nunca chega á superficie? // Queres ver o mar arder?”, canta Seso Durán (Marín, 1969) na Canción dos afogados. Rock clasicista de ecos americanos, máis concretamente estadounidenses, fai parte do seu primeiro disco, Son da Memoria (2017). Agora publica o vídeo cunha versión en directo gravada en Mos.

Os festivais de cinema cada vez máis son encontros multidisciplinares. O de curtametraxes de Bueu, que celebrará a súa edición décimo segunda do 6 ao 14 de setembro, tamén. A programación musical ocupará un importante espazo no encontro, co catalán Enric Montefusco como cabeza de cartel.

Inicia este sábado 24 de agosto a XX edición do Guísamo Folk no concello de Bergondo. Neste festival, comprometido coa Galiza e o feminismo, todas as actuacións serán de mulleres artistas galegas. Así, poderase desfrutar das actuacións de Susana Seivane, Leilía, Tanxugueiras e da agrupación local Quinta San Vitoria.

O festival Cantos na Maré atinxe a súa 15ª edición. E para celebralo porá a venda esta segunda feira, 26 de agosto, entradas ao prezo especial de 30 euros. A singularidade? Que aínda non anunciou o cartel.

O territorio real que deu lugar a un dos mundos poéticos máis determinantes da literatura galega contemporánea acolle esta fin de semana a quinta edición do Festival dos Eidos. Música, danza ou poesía conforman un programa “multidisciplinar” cuxa sede será a casa natal de Uxío Novoneyra, autor dos Eidos, pero estenderase por toda a aldea de Parada entre o 23 e o 25 de agosto.

As paredes dun vello edificio que foi mesmo igrexa no barrio pontevedrés de Mollavao abeiran, desde hai oito anos, unha das programacións musicais máis avanzadas, orixinais e plurais da Galiza. É o Liceo Mutante, local autoxestionado, que esta fin de semana -23 e 24 de agosto- celebra o seu aniversario.

A poesía de William Blake (Londres, 1757-1827), rebelde e visionaria, excepcionalmente singular, coñeceu sempre certa fortuna musical. Adaptacións a todo estilo sucedéronse ao longo dos anos. As do ferrolán Roger Arias, axustado folk ácido, viaxaron esta fin de semana ao Glastonbury Blake Festival, en Inglaterra.

Un ensaio sobre participación política e solidariedade internacionalista abre o libro da 33ª edición do Festival de Poesía no Condado. “Facer política. Co inxusta, inexpugnábel e corrupta que é a política. Pois precisamente por iso cómpre facer política”, di. Escríbeo un dos grandes autores vascos vivos, case un mito: Joseba Sarrionandia (Iurreta, Euskadi, 1958).

Once edicións consecutivas forman a historia do Armadiña Rock, o festival de agosto en Combarro. Exemplo de crecemento -o primeiro ano tocou unha banda e hobo un picadiscos; este son 15 máis charangas e pandereiteiras para os pasarrúas-, do 23 ao 25 de agosto encherán a célebre vila dos hórreos do mar con rocanrol, rap e baile desenfreado.