Jazz sobre a ría de Ferrol
Agosto de jazz no Morrazo
Skacha, retorno pero sen folla de ruta
O Revenidas en cinco imperdíbeis
Salvador Sobral e Abe Rábade, xuntos nos Xoves de Códax
O máis graúdo da música actual desembarca na Coruña
SonDaRúa: ritmos urbanos e lírica política para o verán
Milladoiro, Carlos Núñez e Mercedes Peón encabezan a delegación galega en Lorient
A Carballeira de Zas chega á súa 36 edición
Volve o Revenidas izando solidariedade e feminismo
Volve o festival Espazos Sonoros apostando na música clásica e antiga na Galiza
"Cómpre un Día das Letras Galegas para a música popular"
O adxectivo monumental inventouse para obras como Unha historia da música en Galicia. 1952-2018. Case 900 páxinas, ateigadas de ilustracións maiormente descoñecidas, percorren as declinacións do pop galego desde as orquestras pioneiras na fusión tropical á autoxestión underground de raíz punk, do bravú e os inicios da normalización do galego na escena e o ignoto yeyé dos 60 con epicentro en Ourense e Vigo. Malia algunhas inevitábeis ausencias, o libro do crítico Fernando Fernández Rego (Ferrol, 1979) conforma un primeiro esforzo sistemático, e memorábel, por elaborar este relato. De camiño rescata a memoria de innúmeros artistas e bandas, e amosa a frondosidade, o pluralismo, a ousadía e a inexplorada riqueza da música moderna na Galiza. Eis un extracto do semanario en papel Sermos Galiza, número 354.
O cantautor Jei Noguerol celebra medio século de carreira cun single
Foi unha das voces máis significativas nos arredores da Nova Canción Galega. Pero a proposta de Jei Noguerol mantívose á marxe das letras máis explicitamente politizadas de Voces Ceibes ou Suso Baamonde e por veces xogou con elaborados arranxos pop. Agora edita un single con dúas cancións para celebrar medio século de intermitente carreira musical.
Desaparece o festival de jazz de Vigo Imaxina Sons
Durante 14 edicións consecutivas, o festival de jazz Imaxina Sons levou a Vigo figuras de primeira orde desta música de orixe afroamericana, de Hermeto Pascoal a Marc Ribot, de Luísa Sobral a John Butcher. Logo de mudar de nome en 2018 e pasar a ser Festival de Jazz de Vigo, este ano desapareceu da programación do Concello.
'Si o mar tivera varandas', primeiro clip do novo disco de Tino Baz
“Pasa, río, pasa, río, / co teu maino rebulir; / pasa, pasa antre as froliñas / color de ouro e de marfil, / a quen cos teus doces labios / tan doces cousas lles dis”, comeza o poema número 19 de Cantares Gallegos e a letra da primeira canción de Si Cantas, es ti que cantas, o novo disco de Tino Baz.
Falece João Gilberto, creador da bossa nova
O compositor e guitarrista brasileiro João Gilberto, un dos creadores do xénero musical bossa nova e transformador da música brasileira, faleceu aos 88 anos. Así o comunicou o seu fillo Marcelo Gilberto, quen escribiu en inglés nas redes sociais que seu pai faleceu “tentando manter a dignidade fronte a perda da súa soberanía”.
O rock & roll invade Sigüeiro ao pé de río
Polbo, churrasco, hamburguesas -de raza cachena e vegana- e, a maiores, unha dieta traballada do mellor rock & roll en diferentes variantes. Eis o menú da quinta edición do festival Psicotroita, que este domingo, 7 de xullo, se celebra en Sigüeiro (Oroso).
Históricos da música celta como Gwendal ou Moving Hearts protagonizan Ortigueira
A nómina de músicos irlandeses agrupados en Moving Hearts é de primeira categoría. Mitos como Dónal Lunny ou Davy Spillane lideran unha formación pola que tamén pasou o xigante Christy Moore. A súa actuación a sexta feira, 12 de xullo, será un dos intres máis agardados nun dos máis agardados festivais do verán galego: Ortigueira.
Viveiro, reino europeo das músicas extremas
Catro xornadas de sons extremos, metálicos, acelerados ou ralentizados pero duros, salvaxes, escuros. Algo así ofrece o Resurrection Fest de Viveiro, que comeza esta cuarta feira e remata o sábado 6 de xullo despois de que case un cento de bandas pasen polos seus catro escenarios. Entre elas, algunhas míticas -Slayer, Testament-, outras de culto -Converge, The Adicts- e con presenza galega -Moura, Lóstregos, Cró!, Archivo Adxunto.