música

Unha balada de soul satinado sobre amores difíciles, conducida por piano eléctrico, é o primeiro adianto de Sol de Invierno, o segundo disco de Rodrigo Ramos. Titúlase Quedaches sen nada e acompáñao á voz Guadi Galego. Esta sexta feira, 31 de maio, estrea o seu videoclip, dirixido por Jairo Moreno e protagonizado por Paloma Saavedra.
 

Once versións do seu propio cancioneiro e un inédito conforman Immersion, o novo disco de Guadi Galego, á venda en outubro. O primeiro adianto do traballo aparecerá o vindeiro 31 de maio e consiste nunha regravación da emblemática Cedeira, acompañada de Iván Ferreiro.

As catro viaxes a Galiza de Federico García Lorca aínda non remataron. No seu esteiro naceron edicións e reedicións dos Seis poemas galegos -dúas no último ano-, roteiros que lembran o paso do poeta ou posicionamentos a prol dun Día das Letras para o escritor. E este 30 de maio, na Praza da Quintana de Compostela, estrearase un espectáculo musical ambicioso e mestizo, Lorca namorado.
 

Nove anos despois da súa última gravación, Catro, Skacha regresa aos escenarios. Este sábado 18 de maio, a partir das nove e media na Sala Malatesta de Compostela, revalidarán a súa reestrea de hai unha semanas en Vigo. O seu street punk de bordos oi!, fundamental na música galega subterránea da mudanza de século, segue falando ao caso.
 

Apatacón é a compañía musical e teatral que Faia Díaz -coñecida polo seu labor vocal en Coro do Encaixe ou De Vacas- e a contadora Vero Rilo puxeron en marcha coa idea de “investigar os límites e puntos de encontro das súas disciplinas”. O sábado 18 de maio amosarán algúns dos seus resultados na casa museo Manuel María, de Outrieo de Rei.
 

Rosalía de Castro escribiu cancións. Desta tese parte o cantor Tino Baz (A Guarda, 1972) para se enfrontar á obra da poeta, enmarcala musicalmente e ofrecer a súa “defensa e divulgación” da mesma. Si cantan es ti que cantas son 11 poemas e un epílogo que Baz ultima estes días nos Baixo Miño Estudios, en Tabagón (O Rosal).
 

Setecentas persoas asistiron esta cuarta feira á entrega dos premios Martín Códax da música galega. E as 700 escoitaron a súa representación asociativa reclamar “normativas claras” e máis espazo para o seu traballo nos medios de comunicación e nas salas de concertos. A gala descubriu, finalmente, as gañadoras das 18 categorías. Carlos Barruso recibiu o premio honorífico.
 

A cantora e compositora angolana Aline Frazão (Luanda, 1988) voltou à Galiza para apresentar seu novo disco, Dentro da chuva, um projeto que nasce da força do essencial, da pureza, do minimalismo:só voz e violão. Frazão esteve em concerto na quinta-feira 25 de abril em Compostela, na Sala Capitol, o sábado 27 em Ponteareas, no Auditório Municipal e o domingo 28 de abril na Corunha, no Garufa. Desde Lisboa, através de um fio que a une à Galiza, tivemos o prazer de conversar com Aline Frazão sobre o seu último trabalho discográfico, sobre a importância da palavra despida, da poesia e do silêncio num mundo cada vez mais ruidoso. Eis un extracto da entrevista publicada no número 344 do semanario Sermos Galiza en papel.

Pondaliana son 15 poemas de Eduardo Pondal con ilustracións de Leandro Lamas e música de máis dunha ducia de artistas. En formato libro disco, editado pola Asociación Socio-Pedagóxica Galega (AS-PG) e A Mesa pola Normalización Lingüística, o traballo preséntase esta cuarta feira, 8 de maio, en Compostela, da man da Asociación Cultural O Galo.
 

Xacarandaina é un dos grupos folclóricos decanos de Galiza. Fundado hai 40 anos na Coruña, polas súas fileiras pasaron algúns dos máis significados músicos folk. O seu labor de recollida e divulgación da memoria musical convértena nunha sorte de arquivo con vida. Eis un extracto da reportaxe publicada ao respecto no número 344 do semanario en papel Sermos Galiza.

Ás súas voces e mans e coiros e ferreñas corresponde non pouca da responsabilidade na recuperación popular da música de pandeiretas. Tres décadas despois da súa fundación, Leilía repasa a súa historia nunha nova xira, CantarELAS, que comeza este 16 de maio nas Neves.
 

O festival RESIS é o radar coruñés das músicas contemporáneas. A súa segunda edición, que comeza este 3 de maio e esténdese ate o 1 de xuño, reúne concertos, intervencións artísticas, e proxeccións en localizacións singulares da cidade.
 

Do Avesso é o novo trabalho de António Zambujo, uma das referências mais internacionais da música portuguesa. Galiza foi uma das primeiras paragens na gira de apresentação deste novo disco. Uma fusão de ritmos partindo do cante alentejano e o fado surpreenderam a um entregue público durante o seu concerto em Vigo. Sermos Galiza conversa com António Zambujo com motivo da sua estadia no nosso país.
 

Dez ou máis bandas -o cartel é imprevisíbel-, sesións de picadiscos revirados, obradoiro de baile mutante ou outro de título misterioso -Asasinar safando. Eis os contidos dunha romaría no ano 2019. En concreto, da Romaría Galician Bizarre, que este sábado 4 de maio celebra, en Pontevedra, a vitalidade do underground pop galego.
 

No salvaxe océano da Rede non é doado facerse escoitar. Para ampliar as oportunidades da música en galego, o fotógrafo Miguel Grandío creou as Sesións Destelo “coa teima de portenciar o uso da lingua” no pop e, ao tempo, amosar versións acústicas de proxectos consagrados e emerxentes. O último vídeo emitido, NeoRural, da banda viguesa de graxe punk Bakarrá!
 

Da Facultade de Xornalismo, hoxe Ciencias da Comunicación, ao antigo cinema Yago e despois, xa desde hai unha década, na Gentalha do Pichel. O Cineclube de Compostela celebra a súa maioría de idade, 18 anos, cunha festa no activo centro social O Pichel este 27 de abril, sábado, a partir das sete da tarde.
 

“Uxía é embaixadora e pioneira da amizade galego lusófona por excelencia, con especial destaque no campo da música”. Así argumenta o proxecto aRi[t]mar o premio especial do xurado outorgado á cantora e activista cultural.
 

O rock en galego transcendeu os seus propios límites hai tempo. O cartel do Galegote Rock é unha mostra: punk rock, kraut electrónico, hip hop vangardista, garaxe desfigurado. De practicamente todo existe e practicamente todo poderase ver e escoitar en Pontevedra do 25 ao 27 de abril.
 

Proxectos consolidados e prometedores debutantes, artesáns da melodía e investigadores sen domesticar, veteranos de mil batallas e aquelas que se estrean, metaleiros e tradis, corais e funk soul, Los Satélites e Bala, Tanxugueiras e Nación Quilombo. Os 54 finalistas da sexta edición dos premios ofrecen unha ampla panorámica da música galega aquí e agora.