música

O Xabarín Club, o espazo infantil da TVG máis lembrado e popular, fai 25 anos. A canle pública celébrao cun programa dobre de concertos estes 12 e 13 de marzo na Sala Capitol de Compostela.
 

A Xénese (2006) e a Humanose (2011) seguirao O Ciclo da Serpe. O grupo hip hop Dios Ke Te Crew vén de anunciar o seu terceiro disco, oito anos despois do anterior e coa formación reducida a trío.
 

A sexta edición dos Premios Martín Códax da Música comeza. Até o 17 de marzo, a organización do certame acepta propostas e proxectos que, en 15 categorías, poden inscribirse na web www.premiosmartincodaxdamusica.com. “O certame continúa construíndo pontes para tratar de unir a todas as familias musicais galegas”, afirma o voceiro de Músicas ao Vivo, Xabier Mera.
 

Elas Son Artistas, Festival Metropolitano de múisica e artes pola igualdade, atinxe a súa segunda edición. Entre o 24 de maio e o 2 de xuño a área metropolitana da Coruña será escenario de 20 propostas culturais “nas que as mulleres creadoras son artistas”.
 

A segunda edición do festival Son do Camiño de Santiago de Compostela xa confirmou os cabezas de cartel. Entre eles estarán o histórico precursor do punk -conta 72 anos- Iggy Pop ou o picadiscos e produtor de electrónica comercial David Guetta.
 

Hai 22 anos que Xosé Manuel Budiño debutou en disco con aquela peza chave do novo folk galego, Paralaia. Seis discos despois ensaia un sorprendente e maduro xiro pop no seu novo traballo, Fulgor, que acaba de colocar na rúa e presentará o vindeiro 15 de marzo na Sala Capitol de Compostela.
 

A “lírica exploratoria”, os seus “dinámicos concertos” ou a súa “frenética” paixón multiinstrumentista son algúns dos argumentos escollidos pola revista musical británica Songlines para salientar Deixaas, o último disco de Mercedes Peón, entre o mellor facturado en Europa o pasado ano.
 

Galinhas do mato (1985) foi o derradeiro disco en vida de José Afonso. Xa moi enfermo, a súa voz apenas comparece en dúas cancións. O seu testamento ficou así demediado. Mais os arquivos, oficiais e oficiosos, adoitan agochar sorpresas. O vindeiro 6 de abril publicarase a gravación de dous concertos inéditos do Zeca, un de 1968 e outro de 1980.
 

Voz do trebón é o primeiro libro que repasa a peripecia do cantautor Suso Vaamonde (Ponte Caldelas, 1950–Vigo, 2000). O seu autor é o xornalista Miguel Boó e presentarase en Salvaterra de Miño, vila á que tan vencellado estivo Vaamonde, o vindeiro sábado 16 de febreiro.
 

Josephine Foster, estadounidense de 1974, é unha das máis celebradas voces do novo folk. Prolífica -16 discos desde 2000- e aventureira, estará no Vello Cárcere de Lugo o vindeiro 23 de marzo, sábado ás 20.00 horas, dentro do ciclo Liberdades Sonoras.
 

A variedade preside a subterránea escena musical compostelá. Golfostela será o festival autoxestionado que dea conta dela. O vindeiro 22 de febreiro, na sala Malatesta, haberá pop, blues, rock alternativo e sons máis duros.
 

O jazz non é unha teoría, é un acontecemento. Non unha idea, senón unha práctica. Así parece entendelo Sumrrá, o trío compostelán que este domingo, 10 de febreiro, fará o seu concerto número 100 na Casa das Crechas de Compostela. O escenario como hábitat preferente en que a música nace, muta, desenvólvese, afirma a súa praxe.
 

É un músico capaz de encher estadios para escoitar a súa reconstrución de The Wall, o mítico dobre disco de Pink Floyd. Roger Waters (Surrey, 1943), baixista e compositor, un dos fundadores da lendaria banda psicodélica devida en sinfónica, chamou esta segunda feira a “parar o golpe de Trump en Venezuela”.
 

Verbas de Auga é o espectáculo que a cantautora Paloma Suanzes presentará o vindeiro 9 de febreiro, sábado, na Casa Museo Manuel María, en Outeiro de Rei. Será ás oito do serán e con entrada de balde.
 

Kalte Sonne circula por lugares musicais pouco transitados. Nin sequera no metal, xénero dado ao extremismo sonoro e, nalgunhas zonas, á investigación formal. Formada en Lugo en 2013, a banda dedícase a ese peculiar subxénero que responde á etiqueta de sludge metal. Agora presenta disco, compartido cos chineses Alpaca.
 

“Promover, fomentar e difundir a arte como encontro”. Velaquí o obxectivo expreso de Enredadas, o espectáculo de coplas e alás que ofrecerán o 9 de marzo en Compostela Martirio, Uxía, Carmen París e Ugia Pedreira.

A súa proposta, incardinada na nación alternativa que realimentou o rock estadounidense nos noventa, é singular. Intensa e confesional, Eels son en realidade o seu cantante, compositor e letrista: Mark Oliver Everett. Estarán por primeira vez en Galiza o oito de setembro, en Santiago de Compostela.
 

É unha das bandas máis recoñecidas do panorama musical en euskera. Nos seus inicios, hai xa un cuarto de século, transitou sonoridades próximas ao denominado metal alternativo. Mais nunca parou quieta. Agora Berri Txarrak di adeus coa xira Ikusi Arte Tour 2019, que o 16 de marzo parará en Santiago de Compostela.
 

Maraxe e Ricardo Seixo ofrecerán, esta quinta feira ás 20.30 horas en Foz, un recital de poesía e música tradicional.