Ourense

Pérez Jácome propón construír en Ourense un edificio de 80 pisos e 300 metros, que presenta como reclamo turístico. A ‘área metropolitana’ de Ourense é a que ten maior porcentaxe de inmobles deshabitados de todo o Estado español: 22%.

Francisco García (Allariz, 1957) foi a aposta do BNG para o 10-N pola circunscrición de Ourense. García, tras participar da revolta veciñal do 89 na súa vila natal e acompañar a Anxo Quintana no Goberno local, foi alcalde durante anos na vila na que naceu. En 2018 decidiu ceder o bastón de mando e hoxe concorre ás súas primeiras eleccións ao Congreso por unha circunscrición cuxas fortalezas coñece de primeira man.

O candidato de Ourense, David Bruzos, e a candidata e voceira de Galicia en Común no Congreso, Yolanda Díaz, mantiveron esta segunda feira unha xuntanza con representantes das traballadoras do sector téxtil en Ourense, onde se atopaban con traballadoras de firmas como Adolfo Domínguez, Téxtil Lonia, Aspol ou Autoneum, entre outras.

Persoal do Complexo Hospitalario Universitario de Ourense (CHUO) concéntrase en Compostela e mantén reunións cos grupos parlamentarios diante da redución do cadro de persoal prevista para as novas instalacións.

O cabeza de lista da candidatura do BNG ao Congreso advirte do "cabreo" e do "desencanto de moita xente" na presentación das listas pola circunscrición xunto a Ana Pontón, a portavoz nacional do Bloque, e deputadas e concelleiras nacionalistas.

A Coordinadora Local da Marcha Mundial das Mulleres anuncia a mobilización dos colectivos feministas da cidade en sinal de protesta pola improvisación e o desleixo das políticas de igualdade do Concello de Ourense. Terá lugar esta sexta feira ás 19 horas na Praza Maior.

O alcalde de Ourense, Gonzalo Pérez Jácome, recoñeceu esta cuarta feira, día 16, que a decisión de retirar a Policía Local do sistema VioGén de seguimento integral dos casos de violencia de xénero, anunciada a pasada terza feira tras unha xunta de seguridade local extraordinaria no Concello e fixada para o vindeiro 22 de marzo de 2020, non é definitiva.
 

O alcalde de Ourense, Gonzalo Pérez Jácome, anunciou esta terza feira a decisión do Goberno municipal de abandonar o sistema VioGén, que impulsa o Ministerio do Interior para o seguimento integral dos casos de violencia de xénero, e a consecuente retirada da Policía local da cidade deste protocolo de prevención e control.

 

A Xunta de Persoal mostra a súa repulsa para coas “constantes e ofensivas declaracións” de Pérez Jácome, solicítalle que rectifique publicamente e insta o PP, “o seu socio de goberno”, a que se pronuncie.

As centrais sindicais CIG, UXT e CSIF emitiron un comunicado conxunto en que denuncian as novas manifestacións do alcalde de Ourense, Gonzalo Pérez Jácome, en relación ao funcionariado do concello por poñer en cuestión tanto as persoas que están de baixa laboral como o salario que perciben as e os traballadores municipais.

O parque 25 de Novembro contra a violencia de machista, situado na parroquia ourensá de Reza, atópase nunha situación de “terríbel abandono” segundo denuncia ADEGA. A entidade ecoloxista galega lamenta que a árbores plantadas na zona de Reza e que representan as vítimas do terrorismo machista non fosen regadas e rematasen por esmorecer e morrer.

“É o político máis interesante co que me reunín", afirmou o alcalde de Ourense, Gonzalo Pérez Jácome sobre o presidente da Xunta de Galiza. Feixoo acolleu de bo grao as propostas políticas do alcalde ourensán tan só uns meses após telo cualificado de “rexedor letal para Ourense”. Culmina así a primeira reunión pública entre ambos os dous.

Aínda non pasou un mes desde que se produciu a investidura do alcalde de Ourense, Gonzalo Jácome, e xa se anunciou a segunda demisión no equipo de goberno da cidade das Burgas. Ana Isabel Rebanales Rodríguez, concelleira de goberno de Democracia Ourensá, presentou a súa renuncia á acta de edila e ao seu cargo no concello argumentando "discrepancias internas de organización estritamente de estratexia profesional” concretamente en relación coa concellaría que ocupaba.

“Non hai máis dramas", sentenciou a deputada de Ciudadanos por Pontevedra, Beatriz Pino, ao ser preguntada pola demisión da ex secretaria de programas do partido na Galiza. A crise no partido laranxa non dá tregua. Martín Amaro, da xunta directiva de Ourense destituída esta semana, anunciou que haberá máis saídas en todo o país debido á "actitude ditatorial e pouco democrática" do actual secretario de organización.

O alcalde de Ourense Gonzalo Jácome mantivo o primeiro encontro institucional co presidente da deputación Xosé Baltar. O rexedor da cidades das Burgas definiu os primeiros días de goberno de ambas as institucións como “os de maior entendemento ca nunca" e afirmou ter deixado atrás o pasado en relación á rivalidade política co líder popular.

O PSdeG esixe a demisión do secretario do alcalde de Ourense polo seus chíos machistas e lgtbifobos na súa conta de twitter. Félix Álvarez é o máximo cargo de confianza do alcalde ourensán Gonzálo Pérez Jácome e o seu posto está remunerado con cartos públicos. O rexedor quixo pedir desculpas cualificando o comentario de “non procedente” após as denuncias da oposición e peticións de cese.

A dirección estatal de Ciudadanos tomou a decisión de destituír a xunta provincial do partido en Ourense, admitindo así a solicitude realizada pola dirección galega. Os motivos aludidos polo secretario de organización do partido na Galiza son a existencia de discrepancias coa xunta provincial, falta de confianza e deixamento das súas funcións políticas.

O alcalde de Ourense e líder de Democracia Ourensana votou esta sexta feira a prol da investidura de José Manuel Baltar como presidente da Deputación. Acto seguido, cargou contra o Partido Socialista por, dixo, obrigalo a facelo. “Xamais deberiamos perdoar o PSOE polo que nos obrigou a facer”, afirmou Gonzalo Pérez Jácome.