Parques eólicos

Menos de mil galegos e galegas traballan nas fábricas de equipos e compoñentes dos parques eólicos tras a perda dos 330 empregos de Vestas e Gamesa.

O primeiro encontro intermunicipal sobre a política enerxética decorrerá nesta sexta feira en Santa Comba.

En exposición pública un plan do que o Goberno informou desfavorabelmente

A asociación ecoloxista Adega di “Así non” a moitos dos proxectos eólicos en tramitación, sustentados nun Plan eólico “desfasado” e que non atende as peculiaridades da Galiza. Cifra en máis de 200 os presentados e advirte de que en total suman sobre 10.000 MW de potencia.

Os principais sindicatos do rural galego sinalan a 'Nós Diario' as principais afeccións dos parques eólicos sobre os concellos. Os terreos que abrangue unha poligonal convértense en solo industrial, e as empresas poden usalos en calquera momento para os seus intereses, en detrimento do aproveitamento agrícola.

O empresario balear Antonio Mascaró, que en 2006 foi investigado —mais absolto— por un presunto delito de estafa, é un dos promotores de até cinco parques eólicos que se erguerían na contorna da Ribeira Sacra. Todos os parques terían unha potencia instalada de 50 MW, o límite para poder tramitalos a través da Xunta.

A Mariña é a comarca galega con máis potencia eólica instalada no seu territorio. O deseño comezado nos anos 90 está a tomar un impulso nos últimos tempos coa presentación de novos proxectos. O últimos deles ten como nome Borrasca e afecta os concellos de Alfoz, Barreiros, Cervo, Foz, Lourenzá, Mondoñedo e Xove. O parque sitúase fóra dos espazos autorizados no Plan sectorial eólico da Xunta.

Máis de vinte colectivos e asociacións de todo o país realizaron este domingo varias andainas simultáneas que finalizaron no mosteiro de Caaveiro coa intención de protestar pola proliferación de parques eólicos. Ao remate da mobilización reuníronse para artellar novas accións nas vindeiras semanas.

A plataforma 'Stop Eólicos do Xurés-Celanova' reuníu este sábado nunha mobilización de protestas contra  o que considerán "invasión eólica" máis de medio cento de veciñas e veciños, alén das que acompañaron à saída diante do Mosteiro de Celanova a primeira hora da mañá.

18 aeroxeradores ameazan a paisaxe protexida dos penedos de Pasarela e Traba, en Laxe, a través de tres parques eólicos promovidos por EDP. A compañía lusa oferta neste concello bolsas para estudantes, algo que o alcalde ve "normal" e que os colectivos ecoloxistas consideran un posíbel delito de corrupción.

A plataforma Stop Eólicos Xurés-Celanova organiza este sábado un roteiro polo Monte da Neve para concienciar a cidadanía sobre o valor deste espazo natural, onde a enerxética alemá Baywa prevé erguer un parque eólico de sete turbinas que se sumarían ás 19 xa en funcionamento do parque O Vieiro.

Presentan alegacións contra o primeiro proxecto de enerxía eólica que afectaría os concellos de Poio e Pontevedra.

Rosalía de Castro falaba dun país onde, ao pisar, abrollaba a auga por debaixo das botas do camiñante. A Galiza foi narrada como terra húmida, e sobre ela sobrevoou o alcume de que aquí sempre chovía. Ás veces, con razón. Co recente informe do IPCC (Grupo Intergobernamental de Expertos sobre o Cambio Climático, polas súas síglas en inglés) das Nacións Unidas na man, a nosa realidade tópica pode ser, está a ser agora mesmo, unha afastada Arcadia, cada vez máis distante, por mor da crise climática que leva décadas asolando o globo. A Galiza do futuro, lonxe de amosar un cambio de tendencia, comeza a dar pistas do que nos pode agardar de non tomar outra dirección: terra cada vez máis seca, praias desaparecidas pola suba do mar, altas temperaturas e a morte de animais propios e flora autóctona.

A compañía estatal norueguesa Statkraft prepara o seu desembarco na Galiza e no Bierzo a través dos parques eólicos Barxas, Prada e Rebordechao, que afectarían numerosos espazos protexidos e especies animais en perigo de extinción. A empresa, con presenza en todo o Estado, só instalará eólicos dentro de territorio galego.

Stop Eólicos pedirá á Reserva da Biosfera e ao Parque Natural que se pronuncien sobre a liña de alta tensión do Xurés asociada a dúas explotacións eólicas pendentes de tramitación. Ademais, fai súas as alegacións presentadas pola asociación Petón do Lobo contra o proxecto e afirma que achegará as súas propias.

Greenalia quere construír sete novos parques eólicos que reunirían 93 turbinas e unha potencia de 520 MW, cun investimento que superaría os 700 millóns de euros. Cómpre salientar que un dos proxectos, Mistral, ficaría ás portas das Fragas do Eume e solaparíase co parque Santuario, promovido por Enel Green Power no mesmo espazo. Por outra banda, a Xunta vén de aprobar o parque eólico O Picoto (Arteixo).

A Plataforma Eiquí Eólicos Non impulsou unha andaina con recital poético para dar a coñecer os lugares máis afectados polos proxectos eólicos en Folgoso do Courel.