O 6 e o 7 de outubro Pontevedra acollerá a celebración de "Nós tamén navegar. 40 anos de poesía galega", un congreso de poesía organizado pola Asociación de Escritores/as en Lingua Galega, que pretende "darlle unha visibilidade social máis ampla" á poesía e reivindicala "como pedra basilar do sistema literario galego", segundo Cesáreo Sánchez.
A editora Chan da Pólvora cumpre o seu primeiro ano de vida e quere celebralo cunha nova aposta: '13. Antoloxía da poesía galega próxima', un volume que acolle trece poetas que comezaron a publicar despois do 2005, "ano en que conclúe politicamente a transición en Galiza".
A poeta coruñesa Emma Pedreira vén de sufrir por segunda vez un plaxio dun poema seu, titulado 'Carta de amor en serie Be', por parte dunha parella peruana que xa foi denunciada en múltiples ocasións pola mesma cuestión.
Esta fin de semana celebrarase a segunda edición do festival Internacional PoemaRia Vigo durante o 16, 17 e 18 de xuño, un evento que botou a andar o ano pasado coa intención de escoitar especialmente a voz das mulleres na poesía.
Chega unha nova homenaxe ao poeta que se foi prematuramente o pasado outubro. Desta volta na súa cidade natal e organizada por amigos e achegados.
Esta cuarta feira comeza a décima edición da Semana de Poesía Salvaxe en Ferrol. Organizada polos poetas Karlotti e Guillermo Fernández en colaboración co concello desta cidade, a Semana da Poesía ofrecerá recitais, pasarrúas e concertos durante os días 19, 20, 21 e 22 deste mes de abril.
Ouvirmos reúne por primeira vez nunha publicación toda a obra poética realizada en galego polo poeta ourensán, con edición a cargo de Claudio Rodríguez Fer.
Levaba anos calada, tanto xornalística como literariamente, e volve con forza co poemario 'Camuflaxe'. Pero hai máis novidades arredor deste regreso...
O Festival Internacional de Poesía de Pontevedra regresa o 7 de abril con numerosos autores galegos e internacionais, como Bernardo Atxaga.
Alén de percebeiro e concelleiro do BNG, Paco Souto era un coñecido poeta e activista cultural. Ademais de moi querido, á vista da grande cantidade de condolencias que están a abanear as redes sociais.
Ediciones Nobel vén de premiar desde Asturies o poma 'Lista da compra da viúva' de Emma Pedreira como "o mellor poema do mundo".
A editorial que dirixe Antón Lopo saca do prelo o 8 de marzo 'Camuflaxe', o agardado novo poemario de Lupe Gómez, unha das voces poéticas máis singulares dos últimos vinte anos.
O escritor galego-catalán vén de gañar a segunda edición do Premio Xosé María Díaz Castro de Poesía que organiza o Concello de Guitiriz.
Afra Torrado, Paula Antía Rey Baliña, María Vilas e Helena Salgueiro son, xunto a Antón Blanco, Ismael Ramos e Tamara Andrés, algunhas das autoras máis novas da Galiza. Sobre isto escribimos no Sermos Adega 234.
O xurado destaca a audacia estética do traballo e a "suxestiva proposta para reinterpretar conceptos esenciais".
Marilar Aleixandre (Madrid, 1947) convértese este sábado na sexta académica de número da RAG. E alén disto e da súa actividade política no último ano, conversamos con ela tamén sobre ‘Desescribindo’, o seu quinto poemario, editado o mes pasado por Apiario, e sobre a reedición de tres poemarios seus que non estaban accesíbeis ao público.
A poeta, editora e actriz, Antía Otero, vén de publicar ‘O cuarto das abellas’, o seu terceiro poemario, no que regresan ideas que xa se cocían nas obras anteriores. O rural, o feminismo, os sons, os cuartos, a presenza do cine e a arte son algúns dos trazos máis característicos da súa poética. O poemario está construído desde a consciencia e o zunido perpetuo das abellas como banda sonora.
O pasado sábado presentouse en Compostela 'No seu despregar', unha antoloxía que reúne as voces máis novas da poesía galega, sen etiquetas, sen trazos xeracionais pero tamén sen complexos e sen corsés.
A poeta de Viveiro vén de facerse coa vixésimo cuarta edición do Premio de Poesía Afundación, que a entidade convoca xunto ao Centro Pen de Galicia, á que se presentaron nesta edición un total de 33 obras.
A Asociación de Escritoras e Escritores en Lingua Galega (AELG) acordou na súa última xuntanza a realización dun Congreso de Poesía Galega no inicio do outono do vindeiro ano 2017, que terá lugar na cidade de Pontevedra. “É importante que os poetas e as poetas reivindiquemos o peso social da poesía no noso país”, afirma Cesáreo Sánchez.
![[Imaxe: AELG] Fran Cortegoso](/asset/zoomcrop,768,432,center,center/media/nosdiario/images/2016/10/05/2016100516290317753.jpg)
