O Foro galego de inmigración e o colectivo antirrepresivo Silveira organizan un recital poético-reivindicativo diante da comisaría da policía española en Compostela. A acción enmárcase nos actos da Semana galega de loita contra as fronteiras.
Con Positivas e pola Porta XIII. Así entra en Portugal a nova poesía galega. Seis poetas participarán este sábado día 12 no acto literario que a editorial dirixida por Paco Macías organiza no centro cultural de Vila Nova de Cerveira.
O poeta Manuel Álvarez Torneiro vén de ser recoñecido co Premio Nacional de Poesía 2013 pola súa obra Os ángulos da Brasa. O libro leva camiño de se converter no máis premiado da nosa historia literaria, co Premio da Crítica Española, o da AELG e o Ánxel Casal da Asociación de Editores.
Centos de persoas, o auditorio repleto, a eira convertida en espazo de encontro, a casa aberta para tantas amizades. A memoria de Manuel María estivo presente na xornada de inauguración da súa Casa Museo, na casa natal de Outeiro de Rei convertida en centro da cultura para todo o país.
Por segundo ano a A.C. Francisco Lanza engalana os balcóns de Ribadeo con poemas. Desta volta, Rosalía é a protagonista.
Precísase desmontar a Manuel Antonio? É intocábel o poeta de Rianxo? Que hai detrás da pipa e o chapeu? A revista española Jot Down repara no escritor a través da sinatura de Marcos Abal.
Este mes cúmprense 50 anos da morte do escritor, do poeta fundamentalmente, Gonzalo López Abente, que naceu en Muxía en 1878 e morreu tamén ao pé do bravo atlántico muxián o 23 de xullo de 1963. En Muxía hai pouco máis de dous anos creamos unha Fundación que leva o seu nome, e que se pode coñecer indo a súa paxina web: lopezabente.org. Creamos esta Fundación porque nós coñeciamos ben a vida e a obra de López Abente xa que fóra un veciño noso, ou máis ben dos nosos pais e avós, e nós crecemos escoitando falar moito del e lendo a súa obra, que está en moitas casas de Muxía. Gonzalo López Abente despois da súa morte perviveu na memoria colectiva de Muxía, chegando a converterse nun dos símbolos máis potentes desta vila.
O Festival da Poesía do Condado está a recoller fondos a través dunha plataforma na rede para a súa XXVII edición que terá lugar os días 30 e 31 de agosto. A “Desobediência”é o lema do encontro poético organizado pola SCD do Condado que chega ao seu 40 aniversario.
O poemario “Os tempos sombrizos (Diario)” do escritor e xornalista Daniel Salgado é o gañador do 1ª premio de Poesía Gonzalo López Abente, convocado pola Fundación do escritor en colaboración coa Xunta.
Dúas mulleres inauguran o I Premio de Poesía Figurante, convocado pola editorial na súa primeira edición. O xurado elixiu por unanimidade os libros “Argola” de Marta Dacosta e “María” de Eli Ríos que serán publicados polo Figurante.
'No bico un cantar. Nenos e nenas cantan a Rosalía' xuntou a pequen@s de centros de ensino musical para poñer voz a catro poemas da poeta nacional
Que cada ano a Academia recibe propostas e mesmo presións para conseguir o Día das Letras galegas é ben sabido. Que, desta volta, lle chegue da mocidade o apoio para o poeta Xosé María Díaz Castro, é pola, contra, unha noticia inesperada que terán que valorar as persoas que teñen dereito a voto no pleno. No IES Poeta Díaz Castro están a facer todo o posíbel para que sexa o escollido, mesmo un documental.
A galega Branca Novoneyra e o brasileiro Márcio-André poñen o luns día 3 no Centro Ágora o pecho á cuarta edición de Poetas Di(n)versos, o ciclo coordinado por Yolanda Castaño.
Con dun lago escuro Marta Dacosta vén de gañar o Premio Johán Carballeira do Concello de Bueu. A poeta leva xa máis de vinte anos na escrita e nesta entrevista debulla para nós o novo libro, a súa traxectoria e a súa face máis comprometida coa lingua, o ensino público e o país.
No teatro que leva o seu nome, na Coruña, cidade que hai cen anos homenaxeaba a Manuel Murguía, Rosalía de Castro recibirá o recoñecemento popular con voces poéticas e música no 150 aniversario da publicación de Cantares Gallegos.
Con Cronoloxía da Urxencia a poeta Dores Tembrás gañou o Premio de Poesía do Concello de Carral. Un poemario na que a autora procura o desexo en multitude de voces femininas, nun encontro coa terra, o traballo e a casa da aldea. Autora de O pouso do fume (2009), Dores Tembrás afonda nunha liña que ten como trabes a terra, o silencio e o desexo.
No día 15 de maio no que se fan 65 anos da Nakba palestina, a AELG homenaxea ao poeta Mahmud Darwich cun acto no que se lle porá o seu nome a unha aula da Escola Oficial de Idiomas da Coruña. Darwich estivo na Galiza en 2006 para ser recoñecido co premio internacional da asociación da literatura galega.
María Lado e Lucía Aldao co espectáculo poético-musical “Con dez poemas por barba” e o alumnado do Conservatorio abrirán o día 14 a 31 edición da Feira do Libro de Lugo. Un completo programa cultural Ate o domingo 19, un completo programa encherá de cultura a Praza Maior na semana das letras.
Son 11 as mozas creadoras que fixeron posíbel esta iniciativa promovida pola plataforma cultural Sonda Norte que contou co apoio do Centro de información ás mulleres (CIM) de Ribadeo, así como das concellarías de Mocidade e Igualdade
