poesía

A poeta Silvia Penas recibe o sábado día 13 ás 12 h. o I Premio de Poesía Lueiro Rey pola súa obra “As uñas crecen” que publica Sotelo Blanco. O acto de entrega celébrase no Multiusos de Fornelos de Montes, lugar de nacemento de Lueiro Rey. O premio están convocado polo concello, a Asociación o Cruceiro da Laxe e a editorial Sotelo. 

A poeta Silvia Penas vén de resultar gañadora da primeira edición do premio Lueiro Rey de poesía, convocado pola Asociación de Veciños O cruceiro da Laxe, o concello de Fornelos de Montes e a editorial Sotelo Blanco.

Cultura e doces. A casa reposteira de Ourense Fina Rei xúntase coa poeta Yolanda Castaño para promover a iniciativa máis doce para o día de San Valentín. Frechas de chocolate con poemas.

Cun acto nacional no Panteón de Galegos Ilustres no día 24 de febreiro, data do seu nacemento, rematará un fin de semana que a Asociación de Escritores e Escritoras (AELG) dedicará a Rosalía de Castro. Convidan a agasallar un libro e unha flor no seu aniversario.

Para pechar o ano, os Picaversos visitan a poesía lunática, a trastornada, a rara. O canon queda fóra desta xornada onde romper a norma, fuxir do uso corrente e deixarse levar polos influxos do astro da noite será o único código. Fóra das marxes buscan estar na última sesión do programa poético coordenado por Branca Novoneyra e Olalla Cociña.

Menos dun ano despois de comezar a publicar na rede, o portal poesiagalega.org desenvolvido pola equipa Grupo Alea de Análise Poética (GAAP) que coordina o profesor Arturo Casas ven de anunciar a eliminación da súa axenda e da saída de novos números da “Revista de poesía”. A razón da crise está na eliminación da convocatoria da Xunta que contribuía ao seu financiamento.

Ser vegano ou ser carnívoro e ser poeta. Esa é a cuestión que os Poetas da Hostia levan ao espectáculo en Normal, a sala de intervención cultural da Universidade da Coruña na que intervirán o próximo día 4 de decembro ás 20.30 horas.

Follas con poemas de Lupe Gómez e Estevo Creus repartiranse hoxe no Picaversos, coa idea de seren pegadas polas rúas da cidade. “A Compostelana”, nome da acción, entra na rede da que toman parte La Madrileña, La Porteña e La Parisienne, nas cidades de Madrid, Bos Aires e París.

O Monte Pindo é un dos espazos de máis forza mítica e poética. A súa figura imponse na Costa da Morte de maneira sobrecolledora e a súa sombra naceron lendas populares, textos literarios e versos épicos. Por subscripción popular tentarase publicar unha antoloxía arredor do Olimpo Celta coordinada polos escritores Miro Villar e Francisco X. Fernánez Naval.

Os sábados son días de feira en Vila Nova da Cerveira. Popular e festiva, unha das vilas de máis actividade cultural do norte de Portugal, acollerá este 22 de setembro a presentación de seis libros da colección Diversos da Editorial Positivas. A nova poesía galega estreita pontes con Portugal no singular espazo Porta XIII.

O Festival de Poesía do Condado celebra a súa XXVI edición esta fin de semana, co lema "Capitalismo é um feito, revoluçom um direito".

A Plataforma pola defensa de Corcoesto organiza para o 11 de agosto un recital de versos contra a mina a ceo aberto. Será na casa veciñal do Couto, en Ponteceso, e participarán, entre outr@s, Lucía Aldao, María Lado ou Laxe Martiñán

A lus do candil chámase o novo proxecto literario do poeta Modesto Fraga. O título é ben coñecido e non da súa autoría. O poeta fisterrán tirou do libro de Ánxel Fole para lle dar nome a libraría que abriu canda a súa compañeira Alba en Arteixo.

O diálogo entre o galego Francisco X. Fernández Naval e o indio Sudeep Sen pechará hoxe día 11 na Coruña unha nova edición do ciclo “Poetas di(n) versos” coordinado por Yolanda Castaño.

Cinco novelas curtas de Gonzalo López Abente foron recollidas en A narrativa mariña (Edicións Xerais), nunha edición preparada por Suso Sambade. A Fundación López Abente de Muxía dá un paso máis no labor de redescubrir o grande escritor do mar e situalo no lugar que merece na literatura galega.